د دایکندي محلي مسوولان وايي چې په میرامور ولسوالي او د دغه ولایت په مرکز نیلي ښار کې دوو بېلابېلو ټرافیکي پېښو کې د یوې نجلۍ په ګډون، نهه کسان مړه او ۱۳ نور ټپیان شوي دي. د دغه ولایت د امنیې قومانداني ویاند غلامعلي جاوېد سلاموطندار ته ویلي چې په لومړۍ پېښه کې د یوې ۱۲ کلنې نجلۍ په ګډون، نهه کسان مړه او نهه نور ټپیان شوي دي.
د بامیان محلي مسوولان وايي چې دغه ولایت کې د یوې ټرافیکي پېښې پرمهال یو کس مړ شوی او دوه نور ټپیان دي.
د سالنګونو د لویې لارې د ساتنې او څارنې مسوولان وايي چې پر دغه لاره د یوه ۴۰۴ ډوله موټر د چپهکېدو په پېښه کې درې کسان مړه شوي او ۱۲ نور ټپیان دي.
د سالنګونو د لویې لارې د ساتنې او څارنې رییس ابومحمد حافظ یعقوب د یاد خبر د تاییدو ترڅنګ سلاموطندار ته ویلي چې پېښه نن سهار ۲:۳۰ بجې په سوېلي سالنګ کې رامنځته شوې ده.
یوشمېر کابل ښاریان وايي چې په دې وروستیو کې دغه ښار کې یو کلي او بې اسناده موټر زیات شوي چې د خلکو اندېښنې یې هم راپارولي دي.
دوی زیاتوي چې دغه موټر تر ډېره د اسلامي امارت پورې تړلو کسانو له لوري چلول کېږي چې ټرافیکي قوانین نه مراعتوي او ښار کې د ګڼې ګوڼې لامل هم شوي دي.
د جوزجان ولایت د مردیان ولسوالي په «جنګل اریغ» سیمه کې یوه نوښتګر ځوان محمدداوود یو موټر چې ۵۰ زره افغانۍ لګښت پرې راغلی، جوړ کړی دی. پر دغه موټر شوی لګښت د زرنج په پرتله درې برابره کم دی.
دغه ځوان د سلاموطندار خبریال ذکرالله یزداني سره په مرکه کې ویلي، که حکومت یې ملاتړ وکړي، تر دې ښه موټر به جوړ کړي. هغه هیله لري چې یوه ورځ په «جنګل اریغ» سیمه کې د موټرو جوړولو کارخونه جوړه کړي.
د پکتیا ډنډپټان ولسوالي کې له پاکستان سره ډیورنډ کرښه کې د موټرو د تګراتګ او مسافرو پرمخ د دروازې د تړلکېدو له امله ګڼشمېر سوداګرو ته مالي زیانونه اوښتي دي. د یاد ولایت د سوداګرۍ او پانګونې خونې مسوول حسیبالله ګردېزي ویلي چې له تېرو پنځو ورځو راهیسې دغه لاره تړل شوې او دواړو لوریو ته سلګونه موټر بند پاتې دي.
په دایکندي کې ولسي سرچینې وايي چې پرون ماښام د دغه ولایت په اشترلي ولسوالي کې د ټرافیکي پېښې له امله یوه ښځه مړه شوې او څلور کسان ټپیان دي.
روزګان کې محلي مسوولان سلاموطندار ته وايي چې پرون ناپېژنده وسلهوالو د دغه ولایت اړوند په دهراوود ولسوالي کې پر یوه موټر ډزې کړي چې له امله دوه کسان وژل شوي دي.
په کندهار کې یوشمېر سوداګر وايي چې د سپین بولدک له لارې پر سوداګریزو توکو د لوړې مالیې لګول او نورې ستونزې لامل شوي چې پر دغه لاره د سوداګرۍ کچه تر ۵۰ سلنې راکمه شي.
په میدان وردګ ولایت کې د یوې ټرافيکي پېښې له کبله یو کس وژل شوی او د ښځو او ماشومانو په ګډون ۱۷ نور کسان ټپیان شوي دي.
د صنعت او سوداګرۍ وزارت ویاند مولانا زهیر سلام وطندار ته وویل، د افغانستان او پاکستان د تخنیکي کمیټو له څو اونیو راهیسې د ترانزیټي ستونزو د حل په موخه بحثونه وکړل او هوکړه وشوه چې د دواړو هیوادونو ترانسپورت کولای شي په دواړو هېوادونو کې د ترانزیټ په توګه سوداګریز مالونه انتقال کړي.
ټاکل شوې چې د هند له لوري د مرسته شویو غنمو لومړنۍ جوپه نن د واګه بندر له لارې افغانستان ته ولېږدول شي.
د بدخشان د اطلاعات او فرهنګ ریاست مسوولان وايي چې د دغه ولایت د «شهر بزرګ» ولسوالي اړوند کره سیمه کې د یوه کورولا ډوله موټر د چپهکېدو له امله څلور کسان مړه شوي او او درې ټپیان دي.
د کابل د بګرامیو ولسوالي اړوند سیمه کې نن له غرمې وړاندې د ماین چاودنې له امله یوه کوچنۍ نجلۍ وژل شوې او د اسلامي امارت څلور سرتیري پهکې ټپیان شوي دي. پېښه د بګرامیو ولسوالي اړوند ملالۍ څلور لارې ته څېرمه «شمشاد کوڅه» کې د اسلامي امارت د ځواکونو پر یوه رنجر موټر د سړک غاړې ماین له امله رامنځ ته شوې ده. عیني شاهدان بیا وايي، په دغه پېښه کې یوه کوچنۍ نجلۍ وژل شوې او یو بل کس ټپي شوی دی.
د بامیان ولایت محلي مسوولان وايي، له بېګاه شپې راهیسې د سختې واورې د ورښت او توپان له امله، د دغه ولایت اړوند د یکاولنګ او پنجاب ولسواليو ترمنځ په «شاتو» کوتل سیمه کې د غور-بامیان او بامیان-دایکندي لویې لارې تړل شوي دي. د مسوولانو په وینا، د ورښتونو له کبله د یاد ولایت د ورس او پنجاب ولسوالۍ لارې هم له مرکز بامیان سره پرې شوي.
که څه هم په هېواد کې د وروستیو تحولاتو له امله پوهنیز نظام له ګڼو ننګونو سره مخ شوی او یاد وضعیت د زدهکوونکو پر روحیه منفي اغېر کړی، خو په کابل کې د «چهار مغز» په نوم یوه ګرځنده کتابتون د ماشومانو د لیک-لوست زدهکړې په موخه خپل فعالیتونه بېرته پیل کړل.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
