د فاریاب محلي مسوولان په دغه ولایت کې د سختې واورې اورېدو له کبله د یوه کس د مړینې او سلګونو څارویو د له منځه تلو خبر ورکوي.
د فاریاب د والي ویاند عصمتالله مرادي رسنیو ته ویلي چې د دغه ولایت په قیصار ولسوالي کې د سختې واورې اورېدو له کبله یوه کس خپل ژوند له لاسه ورکړی دی.
د غور د ټولګټو چارو ریاست په یوه خبرپاڼه کې لیکلي چې د سختې واورې او توپان له کبله د غور-کابل لویې لارې په ګډون، د دغه ولایت د ټولو ولسوالیو لارې تړل شوې دي.
په خبرپاڼه کې د ولسوالیو له مسوولانو، امنیتي پوستو او ټرانسپورټي شرکتونو څخه غوښتل شوي چې د هوا تر برابرېدو پورې چا ته اجازه ور نهکړي چې پر یادو لارو سفر وکړي.
د هلمند محلي مسوولان وايي چې د دغه ولایت په بېلابېلو سیمو او لویو لارو کې یې د سوداګرو او خیریه بنسټونو په مرسته ۱۳ جوماتونه جوړ او ګټېاخیستنې ته سپارلې دي.
د پلازمېنې کابل یوشمېر اوسېدونکي په ښار کې د خوراکي توکو، په ځانګړې توګه اوړو د بیې لوړوالي په اړه شکایت کوي او وايي، خپلو کورنیو ته د خوراکي توکو برابرولو وسه یې له لاسه ورکړې ده.
د کابل ښار د تایمني اوسېدونکی حلیم وايي، د خوراکي توکو د بیو په لوړوالي سره په سختۍ د خپلې اتهکسیزې کورنۍ د خوړو اړتیاوې پوره کوي.
د سمنګان محلي مسوولان وايي چې د ۳۲ میلیونه افغانیو په لګښت د سمنګان-بغلان او سمنګان-بلخ لویې لارو د ویجاړو شویو برخو د بیارغونې چارې پیل شوې. د سمنګان د ټولګټو چارو رییس، رییس اغا وايي چې د یادې پروژې ټول لګښت د ټولګټو وزارت له لوري ورکول کېږي.
د ټولګټو وزارت مسوولانو نن (د زمري دویمه، د دوشنبې ورځ) ملت ته د دولت حساب ورکونې غونډه کې وویل چې اوس د هېواد په کچه د ۷۸۱ کیلومټره واټونو د بیارغونې چارې روانې دي.
د دایکندي د ټولګټو چارو ریاست مسوولان وايي چې د دایکندي-بامیان لویه لاره د سختو واورو اورېدو او توپان له کبله تړل شوې ده.
د دایکندي د ټولګټو چارو رییس لعلمحمد یوسفي سلاموطندار ته ویلي چې د دایکندي د میرامور او د بامیان د ورس ولسوالي ترمنځ د قوناق کنډو نن ماسپښین تړل شوی دی. دغه کنډو دایکندي له بامیان او بیا کابل سره نښلوي.
د بغلان ولایت د نهرین ولسوالي د لرې پرتو سیمو یوشمېر اوسېدونکي شکایت کوي چې روغتیايي خدمتونو ته لاسرسی نه لري او خپل ناروغان د حیواناتو په وسیله نورو سیمو ته بیايي. دوی وايي، تر اوسه دغو سیمو ته د موټرو د تګراتګ لارې نهدي جوړې شوي.
له تېرې شپې د واورو او سختو توپانونو له امله د سالنګونو په ګډون د بادغیس – هرات لویه لار او د غور، بامیان او دایکندي لویې لارې د مسافرو پر مخ تړل شوي دي.
نن د یوشمېر ترانسپورټي او باروړونکو شرکتونو مسوولانو په یوې اعتراضیه غونډه کې د ځمکني ټرانسپورټ د انسجام شورا پر لویو لارو کې د اخاذۍ پر اخیستلو تورونه کړه او وویل چې دغه شورا په ناقانونه توګه له موټر چلوونکو څخه پیسې اخلي.
په بغلان او سمنګان ولایتونو کې سېلابونو له درې ورځو راهیسې ۱۵ کسان مړه او ۵ نور ټپیان کړي دي. دغو سېلابونو د دغو ولایتونو اوسېدونکو ته سخت مالي زیانونه هم اړولي دي.
د زابل د والي سکرټر عبدالحکیم حاکمي سلاموطندار ته ویلي چې دا ټرافیکي پېښه پرون مازدیګر د دغه ولایت په مرکز کلات ښار کې له یوه ټونس سره د ۴۰۴ ډوله موټر د ټکر له امله شوې ده.
د نوموړي په وینا، په دې ټرافیکي پېښه کې ۱۴ کسان مړه شوي او ۱۰ نور ټپیان دي.
د زابل د ولایتي روغتون سرطبیب نذیر حریفال وايي، ټپیان روغتون ته ور وړل شوي چې د دوو هغو روغتیايي وضعیت نازک دی.
د سرپل د ولایتي شورا یوشمېر غړي وايي، د دغه ولایت د صیاد، بلخاب، سانچارک او ګوسفندي ولسوالیو د لویو لارو په تړل کېدو سره وضعیت ترینګلی شوی او طالبان د ښار په شاوخوا کې له امنیتي ځواکونو سره جګړې کوي. د دوی په وینا، که دولت ژرترژره پراخ عملیات ونه کړي، انساني ناورین به جوړ شي.
د بدخشان د یوشمېر لرې پرتو ولسوالیو اوسېدونکي د لویو لارو نه موجودیت په اړه شکایت کوي. د بدخشان ښار په ګډون، د اتو ولسوالیو اوسېدونکي تل په دې برخه کې له ستونزو سره لاس او ګرېوان دي او په دې وروستیو کې یوشمېر ټرافيکي پېښو هم ترې قربانۍ اخیستې دي. دوی د بدخشان پر چارواکو تور لګوي چې د ستونزو د حل په برخه کې یې بېغوري کوي.
د هېواد د شمالي ولایتونو ترکمنانو د انسان تښتوونکو له بنده د ۹ کلن عبدالرووف د لوڅو او پر زنځیر تړل شویو تصویرونو له خپرېدو سره سم خپل اعتراضونه بیا پیل کړل.
معترضانو نن په بلخ کې د حیرتانو دوه لارې، په جوزجان کې د جوزجان-بلخ پر لویې لارې د اقچې ولسوالي دوه لارې او په کندوز کې د شېرخان بندر لویه لاره وتړله.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
