د اطلاعاتو او کلتور وزارت ویاند عبدالمتین قانع وايي، د دغه کار موخه یې له دیني، ملي او ټولنیزو ارزښتونو سره د یوټیوب چینلونو برابرول دي چې په خبره یې، تر اوسه له ۱۰۰ ډېر چینلونه دغه وزارت کې ثبت شوي دي.
د افغانستان د ژورنالېستانو او رسنیو فدراسیون نن په یوه خبرې غونډه کې د افغان رسنیو د پیاوړتیا پر لارو چارو خبرې وکړې.
د پکتیا په مرکز ګردېز ښار کې د «هوا» په نوم یوې خصوصي راډیو فعالیت پیل کړی دی.
د هرات د مرکزي سیلو مسوولان وايي، د هرات سیلو د کابل او بلخ سیلوګانو له فعالېدو وروسته درېیمه سیلو ده چې نن له پنځلس کلن ځنډ وروسته بیا پرانېستل شوه او فعالیت یې پیل کړ.
د هلمند مرکز لښکرګاه کې دغه کارخونه چې نن یې د شاوخوا ۷۲ میلیونه افغانیو په پانګونې فعالیت پیل کړ، په ۲۴ ساعتونو کې د څه باندې ۶۰ ټنه د مالوچو دانو د پراسېس وړتیا لري. د دې خصوصي کارخونې مسوول غلاممحمد وايي، سلو کسانو ته یې د کار اسانتیا برابره کړې او مارکیټ ته به ځانګړي مالوچ، صابون، غوړي او کونجاړه وړاندې کړي.
د حزب اسلامي مشر ګلبدین حکمتیار دوه ورځې وړاندې د جمعې لمانځه پرمهال د هېواد روان امنیتي وضعیت څخه اندېښنه وښوده او د امنیت ټينګښت لپاره یې اسلامي امارت ته یوه طرحه وړاندیز کړه. حکمتیار ویلي، خبرې باید داسې هېواد کې پیل شي چې د افغانستان کورنیو جګړو کې یې لاس نهوي لرلی.
د ملګرو ملتونو عمومي منشي انټونیو ګوټرېش په یوه راپور کې چې ټاکل شوې د دغه سازمان امنیت شورا ته یې وړاندې کړي، افغانستان کې د بهرنیو ترهګرو ډلو په ځانګړې توګه القاعده شبکې د حضور په اړه یې پهکې اندېښنه ښودلې ده. د ملګرو ملتونو عمومي منشي نن د دغه سازمان امنیت شورا ته د افغانستان وضعیت په اړه خپل درې میاشتنی راپور وړاندې کوي.
د پاکستان لومړي وزیر شهباز شریف د ملګرو ملتونو سازمان په ۷۷مه کلنۍ غونډه کې د وینا پرمهال افغانستان کې د ترهګرو ډلو له فعالیت څخه اندېښنه وښوده.
نوموړي د اندېښنې په څرګندولو سره زیاته کړې چې افغانستان کې القاعده، ټيټيپي، د ختیځ ترکستان اسلامي غورځنګ او د ازبکستان اسلامي جنبش فعالیت لري.
د عدلیې وزارت مسوولانو نن «ملت ته د دولت حسابورکونې» پروګرام په دوام خپل یو کلن کاري راپور له رسنیو سره شریک کړ.
د عدلیې وزارت مرستیال عبدالکریم حیدر په دې غونډه کې وویل چې افغانستان کې د سیاسي ګوندونو فعالیت ته اړتیا نه ویني. د نوموړي په باور، افغانستان کې سیاسي ګوندونه «پر بېلابېلو سیمو او ژبو د افغانستان د وېشلو په مانا» دي.
د لوګر محلي مسوولان وايي چې د دغه ولایت خروار ولسوالي د لومړي ځل لپاره د دوو مخابراتي شبکو د انټرنټي او مخابراتي خدمتونو تر پوښښ لاندې راغله. عابد زیاته کړه چې په دغه ولسوالي کې په مخکیني جمهوري نظام کې هېڅ مخابراتي شبکې فعالیت نه درلود او خلک له پراخو ستونزو سره مخ وو.
د بهرنیو چارو وزارت په «افغانستان کې د بهرنیو ترهګرو ډلو د حضور او فعالیت» په اړه د ملګرو ملتونو د امنیت شورا د څار ډلې راپور بېبنسټه او درواغ بللی دی. د ملګروملتونو د امنیت شورا څار ډلې په یوه تازه راپور کې ویلي، القاعده شبکه د اسلامي امارت تر واک لاندې خوندي مرکزونه لري.
ملګروملتونو په یوه تازه راپور کې ویلي، القاعده شبکه د اسلامي امارت تر واک لاندې خوندي مرکزونه لري او د دې شبکې غړي په ازاده توګه افغانستان کې خپل فعالیت کوي. د چارو شنونکي وايي چې د القاعده او داعش په ګډون ټولې ډلې د امریکا او ملاتړو سره یې اړیکې لري چې د هغوی په امر فعالیت کوي او تمویلوي یې.
تاجکستان د افغانستان تحولات او سیمهییزو ګواښونو تر نوم لاندې د سیمې د هېوادونو د دوه ورځنۍ ناستې کوربه و. په دې غونډه کې د هند، چین، ایران، روسیې، ازبکستان، قرغزستان، قزاقستان او تاجکستان د امنیت شورا سلاکارانو ګډون کړی وو. په یاده غونډه کې د سیمې هېوادونو افغانستان کې د ترهګرو ډلو له شتون څخه اندېښنه څرګنده کړه.
د ملګروملتونو امنیت شورا په یوه رپوټ کې ویلي چې اسلامي امارت په افغانستان کې د ترهګرو ډلو د فعالیتونو محدودولو لپاره هېڅ ډول اقدامات نه دي کړي. رپوټ کې ټينګار شوی چې له زندان څخه د داعش خراسان څانګې د څو زرو سرتېرو له ازادېدو وروسته اوس د یادې ډلې د جنګیالیو شمېر له ۲۲۰۰ څخه ۴۰۰۰ کسانو ته لوړ شوی دی.
فاطمه محمدي چې د فراه ولایت اړوند په یوه ښوونځي کې ښوونکې ده. ۱۶ کاله کېږي چې د یاد ولایت په ښوونځیو کې د ښوونکې په توګه دنده ترسره کوي. فاطمه د اسلامي امارت تر راتګ وروسته او د څو میاشتو معاشونو د نه ترلاسه کولو له امله اړ شوه چې د خیاطۍ یوه کارخونه جوړه او په فعالیت پیل وکړي.
وروسته له هغې چې د سعودي عربستان د بهرنیو چارو وزیر شاهزاده فیصل بن فرحان السعود واک ته د طالبانو رسېدل او افغانستان ته د القاعدې شبکې او داعش ډلې راتګ د اندیښنې وړ وباله. د چارو ځينې شنونکي هم د داعش او القاعده په څېر د ترهګرو ډلو سر راپورته کول، جدي او ستر ګواښ بولي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
