حاجي غلامرحیم د هلمند ولایت د موسیکلا ولسوالي د کلاب کارېز اوسېدونکی دی. هغه وايي چې د تېرو جګړو او وچکالیو له کبله یې ګڼشمېر باغونه زیامن یا له منځه تللي دي. په همدې حال کې د هلمند د نوزاد ولسوالي اوسېدونکی محمد بیا وايي، د له منځه تللو باغونو د بېرته زرغونولو په موخه ورسره چا همکاري نهده کړې.
یوشمېر کابل ښاریان ګیله کوي چې بشري مرستې ورته نه رسېږي او پهکار ده چې د دغو مرستو پر ځای، دوی ته د کار اسانتیاوې برابرې شي. د کابل اوسېدونکی نثاراحمد سلاموطندار ته ویلي چې له دوو کلونو راهیسې له وزګارتیا کړېږي او بشري مرستې هم ورته نهدي رسېدلي.
د لوګر ولایت د ملي المپيک ادارې چارواکي وایي، د دغه ولایت په مرکز پلعلم ښار کې د هېواد په کچه د اته ولایتونو ترمنځ د کبډي څلورورځنۍ سیالۍ وشوې.
د نوموړي په وینا، په دغو سیالیو کې د لوګر، پکتیا، خوست، میدان وردګ، هرات، غور او فراه ولایتونو د کبډي لوبغاړیو برخه اخیستې وه.
د ترکیې د هاتای ښار په اواکینټ سیمه کې وروستۍ زلزلې د زرګونو ترکانو ترڅنګ، سلګونو افغانانو ته هم د مرګژوبلې تر څنګ، مالي زیانونه اړولي دي.
دغه زلزلهځپلي افغانان چې له کلونو راهیسې په یاده سیمه کې اوسېږي، وايي چې وروستۍ زلزلې ورته ځاني او مالي زیانونه اړولي دي.
د غور یوشمېر اوسېدونکي وايي، ژمي کې د دغه ولایت د لویو لارود تړل کېدو له امله اړتیا ده چې د هوايي ټرانسپورټ شرکتونه خپل فعالیت له سره پیل شي.
د پکتیکا د ګیان ولسوالي یوشمېر اوسېدونکو چې کورونه یې په اوړي کې د زلزلې له امله نړېدلي سلاموطندار ته ویلي، د څو میاشتو په تېرېدو لا هم د اوسېدو کورونه نهلري او د ژمي سړې شپې او ورځې په خیمو کې تېروي. دوی وايي، یوشمېر موسسو چې د دوی لپاره د استوګنځایونو ژمنې کړې وې، کورونه یې ناجوړ پريښي او له سیمې وتلې دي.
د ا.ا ویاند ذبېحالله م.جاهد د ملګرو ملتونو د امنیت شورا ناستې ته غبرګون کې لیکلي چې اسلامي امارت د دې شورا اندېښنې درک کوي، خو په وینا یې، هڅه کوي چې ټولې چارې «د اسلامي شریعت» په چوکاټ کې تنظیم کړي. هغه لیکلي چې ا.ا په هغو ټولو برخو کې همکارۍ ته تیار دی چې له دیني اصولو او د هېواد له ارزښتونو سره برابرې وي.
یوشمېر افغان خبریالان او د بشري حقونو فعالان چې بېګاه د پاکستان په پلازمېنې اسلاماباد کې د اعتراض په توګه را ټول شوي وو، له نړیوالې ټولنې، په تېره د ملګرو ملتونو سازمان، امریکا، کاناډا او نورو اروپايي هېوادونو وغوښتل چې له دوی سره پر کړیو ژمنو دې عمل وکړي.
د هرات د کرنې ریاست مسوولانو د هرات د ورېښمو صنعتکارانو ټولنې د بیا جوړېدو موخه د ورېښمو یا د افغانستان د سپینو زرو صنعت وده او پرمختګ یادوي. د هرات د ورېښمو یو صنعتکار جمعهخان چې ۴۰ کاله یې په دې برخه کې کار کړی وايي، اوس د ورېښمو چینجیو لپاره څلور صندوقونه لري او که دغه صنعت ته پام وشي، نور پرمختګ به هم وکړي.
افغانستان کې د ملګرو ملتونو سیاسي استازولۍ (یوناما) وايي چې افغان ښځې او نجونې د دوی او اسلامي امارت ترمنځ د خبرو غوښتونکي دي.
د امر بالمعروف او نهې عنالمنکر وزارت پر افغان ښځو د لګېدلیو محدودیتونو په دوام، تازه پرېکړه کړې چې ښځې به پارکونو، کلپونو او حمامونو ته نه ځي.
د ښځو پر وړاندې د اسلامي امارت دې پرېکړې په کور دننه او بهر پراخ غبرګونونه را پارولي دي. د افغانستان لپاره د امریکا شارژدافیرې دغه کار بېځایه بللی او د بښنې سازمان یې پر بیاکتنې ټینګار کړی دی.
دولس کلن سپینګل هغه ماشوم دی چې کورنۍ یې کلونه وړاندې په هلمند کې د سختې جګړې له امله کابل ته را کډه او دلته د پنځمې امنیتي حوزې اړوند د قنبر څلورلارې په یوه پنډغالي کې مېشت شوي دي.
سپینګل وايي، که څه هم زدهکړو ته لېواله دی، خو لاسرسی ورته نه لري.
زرغونه هم د هغو ښځو له ډلې یوه ده چې د پنځه کسیزې کورنۍ مسوولیت ور پر غاړه دی. نوموړې وايي چې له سهاره تر ماښامه د یو وخت خوړو برابرولو لپاره هڅه کوي، خو ډېر کله یې کوچني ماشومان په لوږه ویده کېږي. د زرغونې په خبره، دا وضعیت یوازې پر دوی یا یوه کلي، ولسوالي او ښار نهدی راغلی، بلکې د ټول هېواد د حالت ښکارندويي کوي.
له هغه ورسته چې اسلامي امارت د تېر زېږدیز کال د اګېسټ په ۱۵مه واک ته ورسېد، د خبریالانو په ګډون، یوشمېر کسانو چې افغانستان کې یې ځان خوندي نه باله، له هېواده یې د وتلو هڅې پیل کړې.
د پکتیا ولایتي چارواکي وايي چې د دغه ولایت د مرکز په ګډون یې په احمداباد او وزې ځدراڼ ولسوالیو کې یې ۹۵۰۰ کورنیو ته وارداتي برښنا چې کابو ۷۰۰ میلیونه افغانۍ لګښت پرې راغلی، رسولې ده.
د لوګر محلي مسوولان وايي چې د خوښۍ ولسوالي سېلاب ځپلیو کورنیو ته د هستوګنې کمپ جوړ شوی او په دغه کمپ کې سلګونه سېلاب ځپلې کورنۍ ځای پرځای شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
