د فاریاب محلي سرچینې وايي چې طالبانو بېګاه د دغه ولایت پر قیصار ولسوالي ډلهييز برید کړی چې له کبله یې د دغې ولسوالي د امنیې قوماندان په ګډون، ۱۴ امنیتي ځواکونه وژل شوي دي.
د فاریاب د ولایتي شورا غړي نادر سعیدي سلاموطندار ته ویلي چې طالبانو د قیصار ولسوالي د امنیې قومانداني او ښاروالي ودانۍ نیولې دي.
مریم په غور کې د هغې ۷کسیزې کورنۍ د ناوې مستعار نوم دی چې د کورنۍ ۵غړي یې پر نشهیي توکو اخته دي. هغه وایي، ۹کاله کېږي چې خاوند، خواښې، ندرور او دوه لېورونه یې پر نشهيي توکو روږدي دي.
مریم د خپل او خاوند د ژوند د اړتیا برابرولو لپاره د غور په مرکز فیروزکوه ښار کې د خیاطۍ کوچنۍ هټۍ جوړه کړې او ښځینه جامې ګنډي.
غوریانو د غور-کابل او غور-هرات پر لویو لارو د قربانیانو لپاره د عدالت غوښتنې او دفاع په موخه یاده لاره وتړله. د غور اوسېدونکي او د ولایتي شورا یوشمېر غړیو د دغه ولایت په لعلوسرجنګل ولسوالي کې لومړی یوه شورا جوړه کړه او بیا یې د همدغې شورا د پرېکړې له مخې، د ۷ مسافرو د وژلو په غبرګون کې د غور-کابل لویه لاره وتړله.
غور کې روغتیایي چارواکي وایي، په دغه ولایت کې د شري ناروغۍ مخ په پراخېدو ده او هره ورځ روغتونونو ته پر دې ناروغۍ اخته یوشمېر زیات کسان مراجعه کوي.
د دوی په خبره، د غور ولایتي روغتون پر شري ناروغۍ د اخته ماشومانو په ځانګړې برخه کې دم ګړۍ ۲۵ ماشومان تر درملنې لاندې دي.
د غور ولایت د مرکز فېروزکوه ښار د یوشمېر ښوونځیو زدهکوونکي او امران د دغه ولایت په ښوونځیو کې د ښوونکو له کمښت څخه شکایت کوي.
د غور ولایت د یوشمېر ښوونځیو زدهکوونکو سلاموطندار ته ویلي چې د ښوونکو او د ښوونیزو امکاناتو د کمښت له امله یې ښې زدهکړې نه دي کړي.
د غور غږ راډیو د پخواني مسوول مدیر بسمالله عادل ایماق پلار ګلمحمد عادل وايي چې د خپلې کورنۍ د ژوند خوندیتوب په اړه اندېښنه لري. هغه چې په غور کې د بشري حقونو خپلواک کمېسیون په ولایتي دفتر کې د خبریالانو د مېړانې او کار نمانځنې په غونډه کې خبرې کولې، وویل چې د کورنۍ د څلورو غړیو له لاسه ورکولو وروسته اوس د ده او د کورنۍ د نورو غړیو ژوند له ګواښ سره مخامخ دی.
د غور دولتیار، چهارسده، پسابند، دولینه، ساغر، تولک او تیوره هغه ولسوالۍ دي چې له دوو میاشتو ډېرې مودې راهیسې د درملو له کمښت سره مخ دي.
د دغو ولسوالیو اوسېدونکي او مسوولان وايي چې د درملو کمښت د خلکو او ناروغانو لپاره ستونزې جوړې کړې دي.
پروین چې په غور ولايت قابله ده او د خلکو درمنله کوي د مارچ د اتمې د ښځو د پیوستون ورځې په مناسبت وايي، که سوله راشي حاضره ده چې د دغه ولایت لرې پرتو سیمو ته لاړه شي او د جګړو ځپلو خلکو درملنه وکړي.
د پروين په وینا، د طالبانو او افغان ځواکونو ترمنځ څو کلنو جګړو د ښځو او ماشومانو پر ژوند منفي او بدې اغېزې کړي چې ډېری یې په رواني ناروغیو اخته شوي دي.
د افغانستان د بشري حقونو خپلواک کمیسیون له مسوولو بنسټونو غوښتي چې د غور غږ راډيو د پخواني مسوول بسمالله عادل د وژنې او د نوموړي د پلار په کور د برید په اړه څېړنې وکړي.
ياد کمیسیون نن په ټوېټ کې ويلي، د دوی د موندنو پر بنسټ د غور غږ راډيو د پخواني مسوول بسمالله عادل د پلار په کور د طالبانو وسلهوال برید کې د يوې ۱۳ کلنې نجلۍ په ګډون…
د ناپېژنده وسلهوالو له لوري د غور غږ راډیو د مسوول مدیر بسمالله عادل ایماق د کورنۍ درې غړیو وژل کېدو پراخ غبرګونونه را پارولي دي. د افغان خبریالانو د خوندیتوب کمېټې او د افغانستان د ازادو رسنیو د ملاتړ ټولنې یا نی د دې پېښې د څېړلو غوښتنه کړې ده.
د افغان خبریالانو د خوندیتوب کمېټې د بسمالله عادل د کورنۍ پر غړیو د ناپېژنده وسلهوالو برید غندلی او له امنیتي ادارو یې غوښتي چې دا پېښه په بشپړه توګه وڅېړي، عاملان یې ونیسي او سزا ورکړي.
غور کې د یوې څلوېښت کسیزې کورنۍ غړيو چې د سر سړي یې جګړې ترې اخیستي، نن د دغه ولایت د مقام مخې ته د اعتراض په توګه را ټول شوي او وايي، دولت ورته پام نه دی کړی او دوی له سخت وضعیت سره مخامخ دي.
د غور د ولایتي روغتون ډاکټرانو د روغتونونو د اصلاحاتو پروژې حذف په تړاو اعتراض کړی او دغه پرېکړه يې، سلیقهيي، د ملي ګټو او د درملنې خدمتونو د وړاندې کولو پر ضد بولي.
دوی وايي، دغه پروژه د خلکو لپاره د درملنې خدمتونو وړاندې کولو په برخه کې د روغتونونو له شفافیت او ابتکار څخه د الګو بڼه لري.
په غور کې د کورونا ځانګړي روغتون مسوولان وايي چې نن سهار شاوخوا ۸ بجې دغه روغتون اور واخیست.
طالبانو په غور ولايت کې لسګونه جريبه کرنيزه ځمکه، مېوه لرونکې او بې مېوې ونې له منځه وړي او بيا يې سوځولي دي.
د غور د چهارسدې ولسوال عزتالله عزیزي وايي، وسلهوالو طالبانو له ۱۷۹جريبه ډېره کرنيزه او د څارويو د څرولو ځمکه او ۲۵ زره مېوه لرونکې او بېمېوې ونې اول له منځه وړي او بيا يې سوځلي دي.
د غور د شهرک و تولک ولسواليو مسوولان وايي، يوه اوونۍ کېږي چې په يادو دوو ولسواليو کې طالبانو د ملي دسترخوان پروګرام د مرستې د وېش مخه نيولې ده او نه پرېږدي چې دغه مرستې ووېشل شي.
د دوی په وينا، طالبانو دغه کار د پاکستان د کوټې شورا په لارښوونه کړی او همداراز يې د ملي دسترخوان د پروګرام د مرستو وېشونکيو ته يې خبرداری ورکړی که چېرې دغه مرستې ووېشي، وبه يې وژني.
د ملي امنیت عمومي ریاست وايي چې د غور د ولایتي شورا غړی عزتالله بېګ په فېروزکوه ښار کې د ملي امنیت ځواکونو سره په نښته کې وژل شوی دی.
دغې ادارې نن په یوه خبرپاڼه کې ویلي چې د ملي امنیت ځانګړو ځواکونو غوښتل چې د غور د ولایتي شورا مرستیال عبدالرحمان عطشان او د غور غږ راډیو د مسوول بسمالله عادل ایماق «د ترور عامل» او د غور د ولایتي شورا غړی عزتالله بېګ ونیسي، خو هغه د تسلیمېدو پر ځای، د ملي امنیت پر ځواکونو بریدونه وکړل او د دواړو لوریو ترمنځ نښته کې ووژل شو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
