دغه وزارت نن پنجشنبه، غبرګولي ۲۴مه پر خپله فېسبوکپاڼه لیکلي چې د دغه وزارت د احصایې او معلوماتو ریاست د شمېرو له مخې، سږکال به له کروندو څخه ۴.۹ میلیونه مټریک ټُنه حاصلات راټول شي چې د تېرکال په پرتله ۱۳سلنه ډېروالی ښيي. د یاد وزارت د معلوماتو له مخې، سږکال د تېرکال په پرتله هېواد کې پر شپږ سلنه ډېرې ځمکې غنم کرل شوې دي.
په افغانستان کې له اوږدې وچکالۍ وروسته سږنی پسرلی له ډېرو بارانونو سره پیل شوی دی. دغه اورښتونه چې په تېره میاشت کې پیل شوي، نن او سبا یې هم د هېواد په لږترلږه ۲۲ ولایتونو کې د اورېدو اټکل شوی دی. دغو بارانونو د غنمو په حاصلاتو کې چې د افغانستان مهم کرنیز محصول دی، د زیاتوالي هیلې را ټوکولې دي.
جوزجان د هېواد په شمال کې د هغو ولایتونو له ډلې یو دی چې ډېری اوسېدونکي یې د کرنې او بزګرۍ له لارې د ژوند اړتیاوې پوره کوي. خو د اوبو کموالی، د موسمي بارانونو نه اورېدل، پرلهپسې وچکالۍ، د بوټو افتونه او د هوا تودوخه هغه ستونزې دي چې سږ کال یې د دغه ولایت کروندګرو ته سخت زیانونه اړولي دي.
کندهار کې د نورو کلونو په پرتله سږکال د غنمو په حاصلاتو کې د پام وړ زیاتوالی راغلی چې کروندګر یې راتلونکو کلونو کې د غنمو کښت ته هیلهمند کړي دي.
د یاد ولایت دامان ولسوالي چې د غنمو کښت له پلوه نوم لري، تېره اوونۍ پهکې د غنمو لو پیل شوی او لاهم دوام لري.
هلمند کې یوشمېر کروندګر وايي چې سږکال دغه ولایت کې ګڼشمېر کروندګرو پر خپلو ځمکو غنم کري او د وچکالي له امله یې پر خپلو کرل شویو غنمو لوړ لګښتونه کړي، خو اوس یې د پلور ټيټو بیو اندېښمن کړي دي. دوی زیاتوي چې پر خپلو کښتونو یې لوړ لګښتونه کړي دي.
د خوست د کرنې، اوبو لګولو او مالدارۍ ریاست مسولان وايي چې، سږ کال د غنمو په حاصلاتو کې د تېر کال په پرتله ۲۰ سلنه زیاتوالی راغلی دی.
د یاد ریاست مسوولانو سلاموطندار ته ویلي، که څه هم سږ کال د مرکز ترڅنګ د یوشمېر ولسوالیو فصلونه د ږلۍ له کبله زیانمن شوي، خو بیا هم د غنمو حاصلات کې د پام وړ زیاتوالی راغلی دی.
اوکراین افغانستان سره د بشري مرستو په لړ کې د ۱۶زره ټُنه غنمو د مرستې خبر ورکړی دی.
انټرفاکس خبري اژانس په یوه راپور کې ویلي، له ۱۵۸۶۹ ټُنه غنمو بار یوه کښتۍ چې د ملګرو ملتونو د خوړو نړیوال پروګرام له لوري اجرا شوې، د اوکراین له یوه بندر څخه حرکت کړی دی.
د هرات د مرکزي سیلو مسوولان وايي، د هرات سیلو د کابل او بلخ سیلوګانو له فعالېدو وروسته درېیمه سیلو ده چې نن له پنځلس کلن ځنډ وروسته بیا پرانېستل شوه او فعالیت یې پیل کړ.
د افغانستان د سرپرست حکومت د صنعت او سوداګرۍ وزارت چارواکي وايي چې له روسیې څخه هېواد ته د تېلو، ګاز او غنمو د واردولو تړون یې لاسلیک کړی دی.
رویټرز خبري اژانس پرون سهشنبه د تلې پنځمه د صنعت او سوداګرۍ وزارت سرپرس نورالدین عزیزي له قوله راپور ورکړی چې دغه تړون د لنډمهال لپاره لاسلیک شوی دی.
هندي رسنیو راپور ورکړی چې د دغه هېواد د مرسته شویو غنمو پنځلسمه جوپه نن د واګه بندر له لارې افغانستان ته لېږدول شوې ده.
د افغانستان د سوداګرۍ او صنایعو خونې مسوولان وايي چې سږکال په هېواد کې د وچکالۍ او نورو لاملونو له کبله د غنمو تولیدات کم وو او افغانستان ۶۰سلنه وارداتي غنمو او اوړو ته اړتیا لري. د یادې خونې غړی خانجان الکوزی سلاموطندار ته وايي، افغانستان هرکال شاوخوا ۷ میلیونه مټریک ټنه غنمو او اوړو ته اړتیا لري.
د پاکستان د بهرنیو چارو وزارت ویلي چې د واګه بندر له لارې افغانستان ته د هند له لوري د مرسته شویو غنمو د لېږد بهیر نېټه یې د دوو نورو میاشتو لپاره غځولې ده.
د ملګرو ملتونو د خوړو او کرنې سازمان یا «FAO» ویلي، نیوزیلنډ د افغانستان په څلورو ولایتونو کې څه باندې ۹۴زره افغان کروندګرو سره د دوه میلیونه ډالرو مرستې اعلان کړی دی. دغه سازمان په یوې خبرپاڼه کې ویلي، یاده مرسته کې اصلاح شوي تخونه او نغدې پیسې شاملې دي چې د ننګرهار، کندوز، پروان او میدان وردګ کروندګرو باندې به ووېشل شي.
په پکتیا ولایت کې د کار په بدل کې د غنمو د ورکړې پرواګرام له لارې د دغه ولایت له مرکز سربېره په ټولو ولسواليو کې ۲۴۰۰۰ بېوزله او وزګاره کسانو ته د کار زمینه برابره شوې ده.
له افغانستان سره د بشري مرستې په موخه د هندوستان له لوري پنځوس زره ټنه مرسته شوي غنم چې له څه مودې راهیسې يې افغانستان ته د لېږد پر سر جنجال موجود و نن شنبه یې لومړۍ جوپه د ننګرهار تورخم ښارګوټي ته راوسېده.
ټاکل شوې چې د هند له لوري د مرسته شویو غنمو لومړنۍ جوپه نن د واګه بندر له لارې افغانستان ته ولېږدول شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
