ولسمشر محمد اشرف غني وايي، د سولې بينالافغاني خبرې دې د قران او اسلامي شريعت پر بنسټ وي. نوموړی وايي، طالبان ادعا کوي چې کلونه يې دين لپاره مبارزه کړې؛ خو د سولې خبرې له امريکا سره د شوې هوکړې پر بنسټ کوي.
د وروستيو ناامنیو ډېرېدو او د سړک غاړې ماينونو د چاودنو له کبله د ملکيانو د مرګژوبلې ډېرېدو سره ولسمشرۍ ماڼۍ ويلي، ښايي طالبانو د شوروي يرغل پرمهال له هغوی ډېر د سړک غاړې ماینونه کارولي وي.
د قیصار ولسوالۍ کسبګر او هټیوال وايي، وسلهوالو طالبانو د ولسوالۍ بازار هټیوالو ته خبرداری ورکړی چې ژر تر ژره خپل تجارتي مالونه او توکي له بازار څخه وباسي. د هغوی په خبره، د طالبانو د دې خبرداري موخه دا ده چې هغوی پلان لري د ولسوالۍ پر ودانۍ او امنیې قوماندانۍ برید وکړي.
د اسلامي همکاریو نړیوال سازمان یو ځل بیا په افغانستان کې پر ښکېلو لورو د جګړو د درولو غږ کړی او له ښکېلو خواوو يې غوښتي چې جګړې پای ته ورسوي او د سولې لار خپله کړي.
د افغان سولې لپاره د امریکا د بهرنیو چارو وزارت ځانګړي استازي خلیلزاد خبرداری ورکړی چې سیاسي جوړجاړي ته د رسېدو فرصت به تل نه وي او افغانانو ته په کار ده چې روانه وینه تووینه ودروي.
په کابل کې د ملګرو ملتونو سیاسي استازولۍ یا یوناما د تازه راپور په خپرولو سره ویلي چې په قطر کې د افغان دولت او طالب استازيو ترمنځ د سولې خبرو پيلېدل نه دی لامل شوی چې د ملکي وګړيو مرګژوبله کمه شي.
په داسې حال کې چې له تېرې پنجشنبې راهيسې په قطر کې د سولې د مرکچي پلاويو د تماس ډلو ترمنځ ناسته نه ده شوې او مرکچي پلاوي د شاوخوا یوې نیمې میاشتې په تېرېدو سره نه دي توانېدلي چې د مذاکراتو د پیل لپاره کړنلاره جوړه کړي؛ نو له ځینو کارپوهانو سره داسې اندېښنې دي چې ښایي روان مذاکرات په ټپه ودرېږي.
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد ویلي، د افغانستان د اوسني وضعیت ځواب یوې سیاسي هوکړې ته رسېدنه او د تاوتریخوالي کمول دي. خلیلزاد تېره شپه ناوخته پر خپله ټوېټر پاڼه ولیکل، امريکا د همدې موخې لپاره پر طالبانو او افغان دولت پرلهپسې فشارونه راوړي ترڅو تاوتریخوالی کم او د سولې یوې هوکړې ته ورسېږي.
نن د هېواد پلازمېنې کابل کې د ۳۴ ولایتونو د دیني علماوو استازيو په يوه غونډه کې د سولې له مذاکراتو ملاتړ اعلان کړ او ويې ويل چې افغانستان کې د قدرت ترلاسه کولو لپاره جګړه حرامه ده.
دغو علماوو وویل چې په هېواد کې وینه تویونه او جګړه نور شرعي جواز نه لري او جګړې دواړه لوري دې له خپلمنځي نښتو لاس واخلي او سوله دې وکړي.
د کورنيو چارو وزارت وايي، د کابل ښار ۱۳مې حوزې اړوند د دشت برچي پل خشک سيمه کې چاودنه شوې چې له کبله يې ۱۳کسان وژل شوي او ۳۰ نور ټپيان دي.
د یاد وزارت ویاند طارق ارين وايي، دا چاودنه نن مازديګر شاوخوا ۴ بجې او ۳۰ دقیقې شوې ده.
د کندوز- خاناباد لارې یو شمېر مسافر وايي، له تېرو څو میاشتو راهیسې وسلهوال طالبان د کندوز – خاناباد لویه لاره په خپل کنټرول لاندې لري، خو له پرون راهیسې یې یو مخ د مسافر او تګ راتګ پرمخ تړلې ده.
طالبانو یو ځل بیا د کمال خان بند د ساتونکيو ټولي پر پوستو بریدونه کړي او د عامه ساتنې ۶ سرتېري یې وژلي دي.
د نیمروز ولایت یوه امنیتي سرچینه سلاموطندار ته وايي، دغه برید تېره شپه په فتحه کلا سیمه کې شوی چې په پایله کې یې د عامه ساتنې د دویم ټولي ۶ سرتېري وژل شوي او ۲ نور ټپيان شوي دي.
په کندوز کې یوه امنیتي سرچینه وايي، طالبانو نن سهار د دغه ولایت په خاناباد او دشتارچي ولسوالي کې د ملي اردو پر یوشمېر پوستو بریدونه کړي دي.
د بینالافغاني مذاکراتو له پیل سره هېواد کې جګړو زور اخیستی او د امنیتي ځواکونو او طالبانو ترمنځ نښتو کې ډېره مرګژوبله پوځیانو او ملکي وګړيو ته اوړي. که څه هم طالبانو ژمنه کړې وه چې د افغانستان په لویو ښارونو بریدونه نه کوي؛ خو یادې ډلې په ډېرو ولایتونو کې خپل بریدونه زیات کړي دي.
ولسمشر محمد اشرف غني نن ولسي جرګې ته د کابینې د نوماند وزیرانو معرفي کولو پر مهال هېواد کې د تاوتریخوالي لوړې کچې نه اندېښنه وښوده او ويې ویل، د طالبانو له مشر ملا هبةالله نه دې پوښتنه وشي چې چېرته پټ دی او ولې افغانان وژني.
تخار کې یوه امنیتي سرچینه چې نه غواړي نوم یې خپور شي سلاموطندار ته وايي، تېره شپه د دغه ولایت د بهارک ولسوالۍ «سپینجومات» سیمه کې نږدې ۷۰ امنیتي ځواکونه د طالبانو د سرېقطعې کمین کې وژل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
