د افغانستان پر بیارغونې د امریکا د څار ځانګړې ادارې یا سیګار مشر ویلي، افغانستان کې د مسلکي پولیسو نه موجودیت لامل شوی چې له ښځو سره ناسم چلن وشي.
د دې ادارې رییس جان سوپکو ایټالیا کې یوې غونډې ته د وینا پر مهال، د اسلامي امارت غړي خپلسري بللي او هغوی یې له نجونو او ښځو سره پر نامسلکي چلن تورن کړي دي. بلهخوا یوشمېر افغانان هم شکایت کوي چې پولیس ورسره پر لویو لارو او ښار کې مسلکي چلن نه کوي.
دا چې ژمی په رارسېدو دی او خلک غواړي چې د اړتیا وړ سونتوکي وپېري، خو سږ کال د تېرو کلونو په پرتله د ډبرو سکرو بیه ډېره لوړه شوې ده.
کابل ښاریان وايي، له یوې خوا وزګاره او بېوسه دي او بلهخوا د ژمي په را رسېدو سره ښار کې د ډبرو سکرو بیې لوړې شوې دي.
د سرپُل د کوهستانات ولسوالي یوشمېر اوسېدونکي وايي چې د دغه ولسوالي په «اختیار» سیمه کې د محلي مسوولانو د نه پاملرنې له کبله یو دولتي ښوونځی د څارویو پر څړځای بدل شوی دی.
د پنجشېر اوسېدونکي دغه ولایت کې د مخابراتي شبکو له انټرنټي او مخابراتي خدمتونو څخه شکایت کوي. دوی وايي چې پنجشېر کې مخابراتي خدمتونه کمزوري دي او د شپې لهخوا شبکې کار نه کوي.
یوشمېر افغان خبریالان هېواد کې اطلاعاتو ته د نه لاسرسي په اړه شکایت کوي. دوی وايي، سره له دې چې د اسلامي امارت چارواکي تل خبریالانو ته د اطلاعاتو ورکولو ژمنې کوي، خو دوی لا هم دې برخه کې له ګڼو ستونزو سره لاس او ګرېوان دي.
د پنجشېر یوشمېر اوسېدونکي دغه ولایت کې د اسلامي امارت له لوري د بشري حقونو د نقض په اړه شکایت کوي.
د درې ولسوالي اوسېدونکی محمدکریم-مستعار نوم- وايي: «زما د کورنۍ غړی له خپل کارځای او هټۍ نه بیول شوی، وژل شوی او ناڅرګند ځای کې اچول شوی. ۲۰ کاله کېدل چې هټۍوال و او له هېڅ لوري سره یې هېڅ ډول اړیکه نه لرله.»
د هلمند پر سیند جوړ شوی یوازینی پُل چې د دغه ولایت لس ولسوالي له مرکز لښکرګاه ښار سره نښلوي د زیاتې ګڼې ګوڼې له امله ډېری وخت بند وي.
له مرکز لښکرګاه ښار سره د یادې لویې لارې د بندېدو له امله خلک له ګڼو ستونزو سره مخ دي.
د کابل ښار یوشمېر سوالګر شکایت کوي چې د سرپرست حکومت له لوري یې د معاشونو د ورکړې په موخه د بایومټریک او ثبت بهیر بشپړ شوی، خو په وینا یې، تراوسه یې د مرستو په توګه خپل معاشونه نه دي ترلاسه کړي.
د اکټوبر پنځلسمه د ړندو (نابینایانو) له نړیوالې ورځې سره برابره ده. د دغې ورځې په رارسېدو سره هېواد کې یوشمېر نابینایان دوی ته د اسانتیاوو نهشتون له امله شکایت کوي.
بلخ کې یوشمېر نابینایان شکایت کوي چې ښوونځي یې تړل شوي، په برېل خط لیکل شوي کتابونه، کاري او نورې اسانتیاوې ورته نه دي برابرې شوي.
جانيخېل د پکتیا تر ټولو لرې پرته غرنیزه ولسوالي ده چې اوسېدونکي یې له لومړنیو خدمتونو بېبرخې دي. اوسېدونکو یې سلاموطندار ته وايي، د ولسوالي د لویې لارې خرابوالی او د منظم روغتون نشتون، هغه څه دي چې خلک یې ګڼو ستونزو سره مخ کړي. د دوی په وینا، مخکیني حکومت د یادې ولسوالي د لویې لارې د جوړېدو هڅې وکړې، خو تراوسه هم نهده جوړه شوې.
د پلازمېنې یوشمېر اوسېدونکي کابل ښار کې د څښاک پاکو اوبو له کمښت څخه اندېښنه ښيي او وايي، د څښاک اوبو ته لاسرسی نهلري.
د کابل ښار د کارته اریانا اوسېدونکی حاجي سرور چې کور یې د ښار په یوې غونډۍ کې دی، وايي چې هره ورځ د څښاک پاکو اوبو لپاره د ښار ښکته سیمې ته ځي.
کندهار کې هغه ښځې چې د خپلو خاوندانو لهخوا په نشهيي توکو روږدي شوي، وايي چې اوس يې ژوند له سختو کړاوونو ډک دی. دغو مېرمنو سلاموطندار ته ویلي، وېره لري چې اولادونه به يې هم پر دغه ناوړه نشه اخته شي.
د جوزجان مرکز شبرغان ښار ته څېرمه د خښتو بټیو د دغې سیمې اوسېدونکي پر بېلابېلو ناروغیو اخته کړي چې هره ورځ له دوو تر پنځو ناروغان له یادو سیمو ډاکټرانو ته مراجعه کوي.
د پکتیا مرکز ګردېز اوسېدونکي وایي چې څو ورځې وړاندې د ګردېز ښاروالي د اوبلن ګاز شرکتونه وتړل چې ورسره په ښار کې د ګاز بیه لوړې شوې ده.
یوشمېر کابل ښاریان وايي چې په دې وروستیو کې دغه ښار کې یو کلي او بې اسناده موټر زیات شوي چې د خلکو اندېښنې یې هم راپارولي دي.
دوی زیاتوي چې دغه موټر تر ډېره د اسلامي امارت پورې تړلو کسانو له لوري چلول کېږي چې ټرافیکي قوانین نه مراعتوي او ښار کې د ګڼې ګوڼې لامل هم شوي دي.
یوشمېر کابل مېشتي سلاموطندار ته وايي چې د وروستیو ورځو پرمهال د کابل په بازارونو کې د ترکاري بیې لوړې شوي او دوی یې د پېرلو توان نهلري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
