د ایرنا خبري اژانس پرون جمعه د ایران د کورنیو چارو د وزیر له قوله لیکلي چې ټاکل شوې په دغه هېواد کې د افغانانو په ګډون، د کډوالو چارو د تنظیم لپاره یو بنسټ جوړ کړي.
په همدې حال کې یوشمېر افغان کډوال چې په قانوني او ناقانونه توګه په ایران کې اوسېږي، په دغه هېواد کې یې پر وړاندې د شته ستونزو او ننګونو په اړه وايي چې افغانان په ایران کې د کډوالۍ هېڅ ډول حقونه نه لري.
د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.
یوشمېر افغانان په حکومتي ادارو کې پر وخت د خپلو کارونو نه ترسره کېدو په اړه شکایت کوي او وايي، د خپلو کارونو لپاره څو ځله بېلابېلو ادارو ته ورځي، خو چارې یې پر وخت سر ته نه رسېږي.
په ایران کې یوشمېر افغان کډوال شکایت کوي چې نه یوازې د ژوند لومړنیو امکاناتو ته لاسرسی نه لري، بلکې د بانک کارت نه لرلو له کبله ان یوه ډوډۍ نهشي پېرلی.
یو افغان کډوال فریدالله چې له قانونه لارې ایران ته تللی وايي، د وزګارتیا او ناچارۍ له امله ایران ته کډوال شوی او اوس هلته د ژوند لومړنیو امکاناتو ته هم لاسرسی نه لري.
د مطبوعاتو د ازادۍ له نړیوالې ورځې سره هممهاله هېواد کې یوشمېر ښځینه خبریالانې سلاموطندار ته وايي چې له نږدې دوو کلونو راهیسې اطلاعاتو ته د لاسرسي برخه کې له جنسیتي تبعیض سره مخ دي.
دغه ښځینه خبریالانې د ا.ا له مسوولانو غوښتنه کوي چې اطلاعاتو ته د لاسرسي برخه کې دې ورسره دوهګونی او تبعیضي چلن نه کوي.
د حج او اوقافو وزارت مسوولانو «نن یکشنبه د غويي ۱۰» کابل کې د یوې خبري ناستې پر مهال وویل چې د افغانستان د پرلهپسې غوښتنو وروسته د سعودي حکومت سږکال د حج ادا کولو لپاره د افغانستان سهمیه ۳۰۰۰۰ کسانو ته لوړه کړې. د یاد وزارت د مسوولانو په وینا، تېر کال له افغانستانه ۱۳۵۸۲ افغانانو د حج ادا کولو لپاره سعودي عربستان ته تللي وو.
له تېرو نږدې دوو اوونیو راهیسې افغانستان کې د ملګروملتونو په دفترونو کې د ښځو کار مخنیوي له امله د ا.ا او ملګروملتونو ترمنځ اختلافات لامل شوي چې هېواد کې د یاد سازمان د فعالیتونو ځنډېدو په اړه اندېښنې ډېرې شي. دا داسې مهال دی چې د عامې روغتیا وزارت یوازې ۳ سلنه روغتیايي خدمات هېوادوالو ته وړاندې کوي.
د یوشمېر لرې پرتو ولایتونو اوسېدونکي داسې مهال روغتیايي امکاناتو ته د نه لاسرسي په اړه ګیله کوي چې د روغتیا نړیوال سازمان ویلي چې ۱۷ میلیونه او ۶۰۰ زره افغانان په روان زېږدیز کال کې روغتیايي مرستو ته اړتیا لري.
د افغانستان شمال او شمال ختیځ د زیاتو اوبو او ښې هوا له امله د مالدارۍ لپاره غوره سیمه ګڼل کېږي، خو د تخار ولایت مالداران په دې وروستیو کې له ننګونو سره مخامخ شوي چې له کبله یې دغه دودیز کسب مخ پر ځوړ روان دی.
د افغانستان د وینې ملي بانک مسوولان وايي چې د روانې روژې میاشت کې د تازه وینې له کمښت سره مخ دی.
د دغه بانک مسوول محمدناصر صادق سلاموطندار ته ویلي چې دامهال دغه بانک کې ۴۰۰ پاکټه وینه ذخیره لري، خو تازه وینې ته د ناروغانو اړتیا ډېره ده. د نوموړي په وینا، روژې میاشت کې د هېوادوالو له لوري د وینې ورکولو کچه کمه شوې ده.
د ملګروملتونو د بشري مرستو د همغږي ادارې اوچا څه موده وړاندې ویلي و چې روان میلادي کال افغانستان کې اړمنو سره د مرستو لپاره ۴ میلیارډ او ۶۰۰ میلیونه ډالرو ته اړتیا لري.
یاد سازمان تازه د اندېښنې په څرګندولو سره ویلي، افغانستان کې بېوزلو کورنیو سره د مرستې لپاره یې د غوښتل شویو مرستو له ډلې یوازې ۵سلنه ترلاسه کړي دي.
کندهار کې یوشمېر مېرمنې وايي چې موټرچلوونکي ښار کې د تګراتګ پر مهال دوی د موټر په ډاله کې سپروي.
د کندهار یوه ۲۸ کلنه اوسېدونکې بيبي نوریه چې په قابلګي څانګه کې یې لوړې زدهکړې کړي وايي، له کلونو راهیسې اړ اېستل کېږي چې ښار کې د تګراتګ پر مهال د موټر په ډاله کې کېني.
د هلمند د مارجې ولسوالي اوسېدونکي د یادې ولسوالي په لرو پرتو سیمو کې د روغتیايي خدمتونو له کمښت څخه د نیوکې ترڅنګ وايي چې د یوه کوچني ټپ او ناروغۍ لپاره مرکز لښکرګاه ښار ته د درملنې لپاره سفر کوي.
د مارجې ولسوالي د اوسېدونکو په وینا، یاده ولسوالي کې د روغتیايي خدمتونو او روغتیايي مرکزونو د کمښت له کبله ډېری وخت ناروغان خپل ژوند له لاسه ورکوي.
نن د کب میاشتې ۲۷مه په افغانستان کې د خبریال ملي ورځې سره برابره ده. یوشمېر هغه خبریالان چې هېواد کې د ا.ا له واکمنېدو وروسته یې دندې له لاسه ورکړي، شکایت کوي چې له سختو اروايي او اقتصادي ستونزو سره لاس او ګرېوان دي.
کابل کې یوشمېر بېوزله کورنۍ وايي چې د خپلو اولادونو د خوراکي توکو او نورو اړتیاوو برابرولو توان نهلري.
د کابل اوسېدونکې بنفشه د شپږو ماشومانو مور ده. نوموړې سلاموطندار ته وايي چې د وزګارتیا او بېوزلۍ له امله ډېری وخت خپل اولادونه نهشي مړولی. هغه چې یوه نمجن کور کې ژوند کوي، د کورنۍ سرپرست هم نهلري.
د پکتیکا روغتیايي مسوولان او اوسېدونکي وايي چې د تېرو شلو کلنو پر مهال دغه ولایت له پامه غورځول شوی او د روغتیا، بیارغونې، ښوونې او روزنې او نورو بېلابېلو برخو کې ورته پام نه دی شوی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
