د ملګرو ملتونو د خوړو نړیوال پروګرام وايي، د هرات زلزلهځپلي لا هم تر خیمو لاندې اوسېږي او سختې شپې او ورځې تېروي.
دغه پروګرام نن پر خپلې اېکسپاڼې لیکلي چې یاد زلزلهځپلي اوس د واورې توپان سره هم مخامخ دي.
عاقله چې له رنګه زېړه او د ناروغۍ نښې نښانې پهکې له ورایه ښکاري، د افغانستان سرپرست حکومت سترې محکمه کې د خپلې قضیې د حل پر لټون راوتلې.
له درده ننوتې او له اوښکو وچې سترګې یې پر ما ولګېدې، پر هغې مې سلام کړ، هغې په وېره او غلی راته علیک کړ. له روغ بړ وروسته په دې پوه شوه چې زه خبریاله یم.
د لوګر مرکز پلعلم او یوشمېر ولسوالیو ورزشکارانو سلاموطندار ته وايي چې اوس له مرکز پلعلم پرته په هېڅ ولسوالي کې ځوانانو لپاره معیاري لوبغالی شتون نهلري او ورزشکاران له پراخو ستونزو سره مخ دي.
د کندهار د والي ویاند محمود اعزام سلاموطندار ته ویلي چې د دغه ولایت والي ملا محمدشېرین اخوند د یکشنبې په ورځ د کندهار ملکي او نظامي ادارو ته یو مکتوب لېږلی چې پر بنسټ یې باید د «ژوندیو» موجوداتو له تصویر او ویډیو اخیستلو څخه ډډه وکړي. هغه وايي چې یاد حکم عامو وګړو لپاره نهدی.
د افغانستان د ازادو خبریالانو ټولنې مشر حجتالله مجددي وايي چې هلمند کې خبریالانو له ستونزو او محدودیتونو سره مخ دي. مجددي د یادې لیدنې پر مهال ویلي چې هلمندي خبریالان د نورو ولایتونو سره په توپیر ځینو ستونزو او محدودیتونو سره مخ دي چې ځايي مسوولان یې باید ستونزې ورحل کړي.
پاکستان کې سلګونه افغان بېسرپرسته مېرمنې چې دوی ته د ورپېښو امنیتي ستونزو او یو لړ محدودیتونو له امله پاکستان ته کډه شوي، دغه هېواد کې د ژوند سختې شپې او ورځې تېروي.
یادې بېسرپرسته افغان مېرمنې د پاکستان بېلابېلو سیمو کې له کړاوه ډګ ژوند کوي او له ژوند په تنګ شوې دي.
یوشمېر هغه خبریالان چې افغانستان کې د جمهوریت له پرځېدو وروسته پاکستان ته تللي، دغه هېواد کې د هېوادونو له لوري د دوی د کېسونو د تت بهیر له مخته وړو شکایت کوي. هغه وویل: «د پناه غوښتنې څخه مې اوږده موده کېږي او له بدهمرغه چې رسېدن ورته نهده شوې. ما دې موده کې د خبریالانو له هېڅ بنسټ مرسته او نهدی ترلاسه کړی.»
د کورنیو چارو وزارت د پاسپورټ عمومي ریاست په یوه خبرپاڼه کې ویلي چې د چهارشنبې په ورځ په کابل کې په حضوري ډول د پاسپورټ اخیستو لپاره د نوملیکنې بهیر پیلوي. په خبرپاڼه کې لیکل شوي چې اړمنو کسانو په انلاین ډول د ګڼېګوڼې له امله نه شوای کولای چې په بېړنۍ توګه پاسپورټ ترلاسه کړي او د دې ستونزې د حل لپاره یاد بهیر پیلوي.
سلاموطندار د مخکیني حکومت د ملي اردو له ۱۶ ښځینه کارکوونکو سره چې د سرپرست حکومت په واکمنېدو وزګاره شوي، د مرکو په ترڅ کې موندلې چې دغه کارکوونکې له ناوړه اقتصادي ستونزو سره مخ دي. د یادو ښځینه کارکوونکو له ډلې یې ۱۴وو سلاموطندار ته ویلي، د دندې له لاسه ورکولو سره اوس له لوږې سره مخ دي.
د ا.ا ویاند ذ.بېحالله م.جاهد د ایران د بهرنیو چارو وزیر حسینامیر عبداللهیان د څرګندونو په غبرګون کې چې ویلي یې دي، افغانستان دې د افغان کډوالو د بېرته ستنولو لپاره اسانتیاوې برابرې کړي وايي، دغه هېواد باید افغانانو ته لا ډېر فرصت ورکړي او هغوی په زوره را ونه باسي.
په زابل کې یوشمېر کروندګر او بڼوال وايي، اقلیمي بدلونونو تر بل هر وخته د دغه ولایت کرنه او مالداري له سختو ننګونو سره مخامخ کړې ده. د دوی په وینا، د اوږدمهالې وچکالۍ او د هوا بېوخته بدلون له کبله يې شنه باغونه او پټي له یوې مخې وچ شوي دي.
په پکتيا کې له پاکستانه تازه راستنې شوې کورنۍ وايي، د ژمي په رارسېدو سره لومړنیو مرستو ته اړتیا لري. دوی شکایت کوي چې په تېره شاوخوا یوه میاشت کې له پاکستان څخه له راګرځېدو وروسته ورسره د ا.ا له ۱۰۰۰۰ افغانیو پرته هېڅ ادارې ورسره مرسته نهده کړې.
د عامې روغتیا وزارت مسوولانو نن په کابل کې د روغتیا برخې د رضاکارانو ملي ورځ ونمانځله. د عامې روغتیا وزارت د روغتیایي خدمتونو د وړاندې کولو مرستیال حبیبالله اخوندزاده په دې اړه جوړې شوې غونډه کې وویل، اوس په ټول هېواد کې ۳۰۰۰ رضاکاران چې ۵۰ سلنه یې مېرمنې دي، شته.
په نړۍ کې د معلولانو نړیواله ورځ داسې مهال نمانځل کېږي چې هېواد کې معلولان په خپل ټولنیز او فردي ژوند کې له ګڼو ننګونو سره مخامخ دي.
یوشمېر دغو معلولانو د یکشنبې ورځ په کابل کې «د افغان او زیانمنو معلولانو» ټولنې لهخوا په جوړه شوې غونډه کې شکایت وکړ چې له کار او زدهکړو څخه د محرومیت او له دوی سره د خلکو ناسم چلن د بېوسۍ احساس ورکړی دی.
د افغانستان د سوداګرۍ او پانګونې خونې مسوولانو نن په کابل کې د یوې خبري غونډې پر مهال د واخان دهلېز له لارې له چین سره د مخامخ سوداګریزو اړیکو د پراختیا او د دغه دهلېز له لارې د اروپا بازارونو ته د افغاني توکو د رسېدو غوښتنه وکړه.
د سوداګرۍ او پانګونې خونې لومړي مرستیال یونس مومند وايي، د واخان لارې پرانېستل به د هېواد د اقتصاد د ودې لامل شي.
عبدالجبار چې شاوخوا ۱۵ ورځې وړاندې له پاکستان څخه په زوره را ایستل شوی او هېواد ته له خپلې کورنۍ سره راغلی وايي، د اوسېدو ځای نه لري او په سړه هوا کې له خپلو ماشومانو سره په خیمه کې ژوند کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
