په داسې حال کې چې د عامی روغتیا وزارت چارواکي وایې چې د درملو، لابراتوارونو او ډاکټرانو د فیسونو لپاره یې نرخنامې ټاکلي، خو د درمليزو خدمتونو د ټولنې رییس اسدالله کاکړ وایې، چارواکي دې د درملو د نرخونو د کنټرول پر ځای، د درملو د نه شتون ستونزه حل کړي. نوموړی وايي، هغه مهم درمل چې د ناروغانو د عملیات پر مهال اړین دي، په خلاصېدو دي.
د عامې روغتیا وزارت د لوی اختر په ورځو کې د خلکو له لوري د دغه وزارت سپارښتونو ته د نه پاملرنې او په ټولنه کې د کورونا ویرووس له خپراوي څخه اندېښنه ښايي.
د عامې روغتیا وزارت د لوی اختر له را رسېدو سره سم له خلکو غواړي چې د کورونا ویروس د خپرېدو مخنیوي لپاره دې د اختر په ورځو کې یو د بل کورونو ته تګراتګ نه کوي. د عامې روغتیا وزارت سرپرست وحید مجروح نن په کابل کې یوې خبري غونډې ته وویل، که څه هم په هېواد کې د کورونا ویروس د خپرېدو کچه، پر دغه ویروس د اخته کېدونکو کسانو او له کبله یې د مړینې کچه کمه شوې، خو د خلکو بېغوري به بیا وضعیت خراب کړي.
د عامې روغتیا وزارت سرپرست وحید مجروح نن په کابل کې یوې خبري غونډې ته د کورونا ویروس د مثبتو پېښو د زیاتېدو په اړه د اندېښنې تر څنګ، وویل چې د «تورې چڼاسې» یا تور قارچ ناروغي هغه بله یوه ده چې پر کورونا اخته کسان پرې اخته کېږي.
د نوموړي په وینا، دا ناروغي په هغو کسانو کې لیدل کېږي چې د وجود دفاعي یا ایمني سېسټم یې کورونا زیانمن او کمزوری کړی وي.
د عامې روغتیا وزارت د خبر له مخې، په تېره یوه شپه او ورځ کې د کورونا ویرووس له امله ۹۲کسانو خپل ژوند له لاسه ورکړی او په همدې موده کې ۴۶۷۰ د کورونا ویرووس شکمنې پېښې کتلي چې له ډلې یې ۱۲۷۲ هغه مثبتې ختلې دي. په تېره یوه شپه او ورځ کې بیا ۹۳۵ کسان هم له کورونا ناروغۍ بېرته روغ شوي دي.
د افغانستان د ستراتیژیکو مطالعاتو انستیتیوت نن پنجشنبه «په افغانستان کې د کوویډ ـ ۱۹ ناروغۍ په اړه د خلکو لیدلوري، کړنو او د خپرېدو اغېزو ارزولو» تر نوم لاندې تازه نظرپوښتنه خپره کړه. دغه نظرپوښتنه ۳۴ ولایتونو کې له ۲۹۰۷کسانو سره د مخامخ خبرو له لارې شوې ده.
د عامې روغتیا وزارت چارسمالي وزیر وحید مجروح په خپل فېسبوکپاڼه لیکلي چې بېګاه شپه په محمد علي جناح روغتون کې د ناروغانو د پیوازانوله لوري د دغه روغتون یوشمېر ډاکټران او نرسان وهل او ډبول شوي دي.
د عامې روغتیا وزارت نن د محمدعلي جناح په روغتون کې د کوویډ۱۹ ناروغانو د درملنې لپاره ځانګړې ۱۰۰بستریزه څانګه پرانیسته.
د عامې روغتیا وزارت مسوولان وایي، که راتلوونکو ۱۲ ورځو کې د کورونا ویرووس د مثبتو پېښو شمېر ډېرو شو، نو په ټول هېواد کې به د کورونا ویرووس د مخنیوي لپاره په پراخه توګه محدودیتونه وضع کړي.
د عامې روغتیا وزارت چارواکي په هېواد کې ورځ تر بلې د کورونا مثبتو پېښو ډېروالي ته په کتو خبرداری ورکوي، که خلک کورونا جدي ونه ګڼي او د دغه وزارت روغتیايي سپارښتنې په پام کې ونه نیسي، وضعیت به نور هم ترینګلی شي. بلهخوا نن په شپاړسو ولایتونو کې دولتي او خصوصي پوهنتونونه، ښوونځي او نور ښوونیز مرکزونه د دوو اوونیو لپاره رخصت شول.
هېواد کې د کورونا د درېیمي څپې خپرېدو او ورځ تر بلې د مثبتو پېښو ډېروالي د عامي روغتیا وزارت چارواکي اندېښنمن کړي دي. د دغه وزارت مسوولان وايي، د خلکو نه پاملرنه د دغه ویروس د ډېر خپرېدو لامل بولي.
د عامې روغتیا وزارت چارواکي په هېواد کې د کورونا ویروس پراخېدو ته په کتو وايي، که هېوادوال کورونا جدي و نه ګڼي او روغتیايي سپارښتنو ته پام و نه کړي، افغانستان به هم د هند پر برخلیک اخته شي.
دوی خبرداری ورکوي، د کورونا ویروس د جدي نه ګڼلو په برخه کې هر دول بېغوري به وضعیت ترینګلی کړي.
د عامې روغتیا وزارت وایي، د تېرې یوې میاشتې په پرتله د کورونا ویروس په مثبتو پېښو کې ۵۰ سلنه زیاتوالی راغلی دی.
د عامې روغتیا وزارت د ویاند مرستیال میرویس علیزي سلاموطندار ته ویلي چې د تېرې یوې میاشتې په پرتله د پلازمېنې کابل په ګډون، په ننګرهار، هلمند او یوشمېر نورو ولایتونو کې د کورونا مثبتې پېښې زیاتې شوې دي.
د عامې روغتیا وزارت وايي چې په تېره یوه شپه او ورځ کې ۴ کسان د کورونا له کبله مړه شوي او ۶۲ نور پرې اخته شوي دي. تازه پېښې په ۸ ولایتونو کې ثبت شوې دي. دغه وزارت نن په خپل ورځني راپور کې لیکلي چې په تېرو څلېرویشت ساعتونو کې یې د ۲ زره او ۳۵ کسانو نمونې چې د کورونا شک پرې کېده، کتلې دي. په همدې موده کې ۱۷ نور کسان چې پر کورونا ویروس اخته وو، بېرته ښه شوي دي.
د عامې روغتیا وزارت وايي چې په تېرو څلېرویشت ساعتونو کې ۸ کسان د کورونا ویروس له کبله مړه شوي او ۷۰ نور پرې اخته شوي دي. تازه پېښې په ۱۲ ولایتونو کې شوې دي. د روغتیا وزارت د معلوماتو له مخې، د کورونا له کبله د مړینې دا شمېرې په وروستیو څو میاشتو کې تر ټولو ډېرې دي.
د عامې روغتیا وزارت وايي چې د روغتیا نړیوال سازمان او د ملګرو ملتونو د ماشومانو صندوق یا یونیسف اداره چې ماشومانو ته د پولیو واکسین د پروګرام مسوولیت لري، په سم ډول یې خپل کار نه دی کړی او دغه وزارت ته یې په راپور ورکونه کې لازمه روڼتیا نشته.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
