برچسب: روغتیا وزارت

د خصوصي روغتیايي مرکزونو د ارزونې کمپاین پیل شو

د اسلامي امارت د عامې روغتیا وزارت د روغتیايي خدمتونو د وړاندې کولو معین عبدالباري عمر نن د یوه پروګرام په ترڅ کې د ټول هېواد په کچه د خصوصي روغتیايي مرکزونو د ارزونې د کمپاین پرانیسته وکړه.

اسلامي امارت ته د درملو کمېدو خبرداری

په داسې حال کې چې د عامی روغتیا وزارت چارواکي وایې چې د درملو، لابراتوارونو او ډاکټرانو د فیسونو لپاره یې نرخنامې ټاکلي، خو د درمليزو خدمتونو د ټولنې رییس اسدالله کاکړ وایې، چارواکي دې د درملو د نرخونو د کنټرول پر ځای، د درملو د نه شتون ستونزه حل کړي. نوموړی وايي، هغه مهم درمل چې د ناروغانو د عملیات پر مهال اړین دي، په خلاصېدو دي.

روغتیا وزارت: د اختر ورځو کې تګ‌راتګ مه کوئ

د عامې روغتیا وزارت د لوی اختر له را رسېدو سره سم له خلکو غواړي چې د کورونا ویروس د خپرېدو مخنیوي لپاره دې د اختر په ورځو کې یو د بل کورونو ته تګ‌راتګ نه کوي. د عامې روغتیا وزارت سرپرست وحید مجروح نن په کابل کې یوې خبري غونډې ته وویل، که څه هم په هېواد کې د کورونا ویروس د خپرېدو کچه، پر دغه ویروس د اخته کېدونکو کسانو او له کبله یې د مړینې کچه کمه شوې، خو د خلکو بې‌غوري به بیا وضعیت خراب کړي.

له کورونا وروسته د «تورې چڼاسې» ناروغي هم په خپرېدو ده

د عامې روغتیا وزارت سرپرست وحید مجروح نن په کابل کې یوې خبري غونډې ته د کورونا ویروس د مثبتو پېښو د زیاتېدو په اړه د اندېښنې تر څنګ، وویل چې د «تورې چڼاسې» یا تور قارچ ناروغي هغه بله یوه ده چې پر کورونا اخته کسان پرې اخته کېږي.
د نوموړي په وینا، دا ناروغي په هغو کسانو کې لیدل کېږي چې د وجود دفاعي یا ایمني سېسټم یې کورونا زیانمن او کمزوری کړی وي.

په تېرو ۲۴ساعتونو کې ۹۲کسان د کورونا له امله مړه شوي

د عامې روغتیا وزارت د خبر له مخې، په تېره یوه شپه او ورځ کې د کورونا ویرووس له امله ۹۲کسانو خپل ژوند له لاسه ورکړی او په همدې موده کې ۴۶۷۰ د کورونا ویرووس شکمنې پېښې کتلي چې له ډلې یې ۱۲۷۲ هغه مثبتې ختلې دي. په تېره یوه شپه او ورځ کې بیا ۹۳۵ کسان هم له کورونا ناروغۍ بېرته روغ شوي دي.

موندنې: د کورونا په اړه ۳۵سلنه افغانانو د روغتیا وزارت لارښوونو ته پام کړی

د افغانستان د ستراتیژیکو مطالعاتو انستیتیوت نن پنجشنبه «په افغانستان کې د کوویډ ـ ۱۹ ناروغۍ په اړه د خلکو لیدلوري، کړنو او د خپرېدو اغېزو ارزولو» تر نوم لاندې تازه نظرپوښتنه خپره کړه. دغه نظرپوښتنه ۳۴ ولایتونو کې له ۲۹۰۷کسانو سره د مخامخ خبرو له لارې شوې ده.

خلکو ته د روغتیا وزارت خبرداری؛ که کورونا جدي ونه ګڼئ، ټول به پرې اخته شئ

د عامې روغتیا وزارت چارواکي په هېواد کې ورځ تر بلې د کورونا مثبتو پېښو ډېروالي ته په کتو خبرداری ورکوي، که خلک کورونا جدي ونه ګڼي او د دغه وزارت روغتیايي سپارښتنې په پام کې ونه نیسي، وضعیت به نور هم ترینګلی شي. بله‌خوا نن په شپاړسو ولایتونو کې دولتي او خصوصي پوهنتونونه، ښوونځي او نور ښوونیز مرکزونه د دوو اوونیو لپاره رخصت شول.

د روغتیا وزارت خبرداری؛ که کورونا جدي ونه ګڼئ، د هند پر برخلیک به اخته شو

د عامې روغتیا وزارت چارواکي په هېواد کې د کورونا ویروس پراخېدو ته په کتو وايي، که هېوادوال کورونا جدي و نه ګڼي او روغتیايي سپارښتنو ته پام و نه کړي، افغانستان به هم د هند پر برخلیک اخته شي.
دوی خبرداری ورکوي، د کورونا ویروس د جدي نه ګڼلو په برخه کې هر دول بې‌غوري به وضعیت ترینګلی کړي.

د تېرې میاشتې په پرتله د کورونا مثبتې پېښې ۵۰ سلنه زیاتې شوي

د عامې روغتیا وزارت وایي، د تېرې یوې میاشتې په پرتله د کورونا ویروس په مثبتو پېښو کې ۵۰ سلنه زیاتوالی راغلی دی.
د عامې روغتیا وزارت د ویاند مرستیال میرویس علیزي سلام‌وطندار ته ویلي چې د تېرې یوې میاشتې په پرتله د پلازمېنې کابل په ګډون، په ننګرهار، هلمند او یوشمېر نورو ولایتونو کې د کورونا مثبتې پېښې زیاتې شوې دي.

کورونا په یوه شپه او ورځ کې ۴ کسان مړه کړي او ۶۲ پرې اخته شوي

د عامې روغتیا وزارت وايي چې په تېره یوه شپه او ورځ کې ۴ کسان د کورونا له کبله مړه شوي او ۶۲ نور پرې اخته شوي دي. تازه پېښې په ۸ ولایتونو کې ثبت شوې دي. دغه وزارت نن په خپل ورځني راپور کې لیکلي چې په تېرو څلېرویشت ساعتونو کې یې د ۲ زره او ۳۵ کسانو نمونې چې د کورونا شک پرې کېده، کتلې دي. په همدې موده کې ۱۷ نور کسان چې پر کورونا ویروس اخته وو، بېرته ښه شوي دي.