برچسب: روغتیا وزارت

نورجلال جلالي له روغتیا نړیوال سازمان څخه د مرستې غوښتنه کړې

د ا.ا د عامې روغتیا وزارت سرپرست نورجلال جلالي له روغتیا نړیوال سازمان څخه غوښتي چې د افغانستان له روغتیایي سکټور سره ګډ کار او مرسته ورسره وکړي.

د دغه وزارت ویاند شرافت زمان امرخېل نن پر اېکس لیکلي چې جلالي دا غوښتنه د روغتیا نړیوال سازمان له سیمه‌ييز مسوول سره د لیدنې پر مهال کړې ده.

افغانستان کې هره ورځ ۲۴ میندې او ۱۶۷ ماشومان د زېږون پر مهال مري

د روغتیا نړیوال سازمان د یکشنبې په ورځ په افغانستان کې د روغتیايي وضعیت په اړه یو راپور خپور کړی او په‌کې لیکلي یې دي چې هره ورځ ۲۴ میندې او ۱۶۷ ماشومان د زېږون پر مهال د مخنیوي وړ ناروغیو له امله مري.
دغه سازمان خبرداری ورکړی چې د بودیجې په کمېدو سره به یې په افغانستان کې د میندو او ماشومانو د مړینې شمېر نور هم زیات شي.

افغانستان کې د سرطان ناروغي زیاتېدل؛ د روان کال تر نیمايي د ۳۲۰۰۰ کسانو نوملیکنه شوې

په افغانستان کې د سرطان ناروغي د تشخیص او درملنې مرکز مسوولان د سرطان له نړیوالې ورځې سره هم‌مهاله په افغانستان کې د متخصصو کادرونو، جلا روغتونونو، درملو، تجهیزاتو او بسترونو له نشتوالي او مالي ستونزو سر ټکوي.

د طب د تخصص دورې ازموینه د یوشمېر نجونو په ګډون واخیستل شوه

د عامې روغتیا وزارت د ازموینو ملي ادارې سره په همغږۍ د طب زده‌کړیالانو لپاره د تخصصي زده‌کړو ملي ازموینه د یوشمېر نجونو په ګډون نن په کابل کې واخیستل شوه.
د دغه وزارت چارواکو د دوشنبې په ورځ په کابل کې د یوې خبري غونډې پر مهال وویل چې په دې دوره کې ۶۲۲۰ زده‌کړیالانو برخه اخیستې وه چې ۱۲۰۰ یې نجونې وې.

روغتیا وزارت: افغانستان کې پر اېډز ناروغي د اخته کسانو شمېر کم شوی

د روغتیا نړیوال سازمان په ۱۹۹۸ کال کې د ډسمبر میاشتې لومړۍ نېټه «له ایډز ناروغي سره د مبارزې» نړیوالې ورځې په نوم ونوموله. له هغه را وروسته هر کال دغه ورځ د اېډز ناروغي په اړه د عامه پوهاوي او له اېډز سره د مبارزې په موخه د بودیجې ځانګړي کولو په موخه د نړۍ په بېلابېلو هېوادونو کې نمانځل کېږي.

د اروايي روغتیا نړیواله ورځ؛ نیمايي افغانان پر اروايي ناروغیو اخته دي

د اکټوبر لسمه، د اروايي روغتیا له نړیوالې ورځې سره برابره ده. د دې ورځې له را رسېدو سره هم‌مهاله په افغانستان کې د روغتیا نړیوال سازمان مسوولان وايي، د اوږدمهاله جګړو له کبله ۸۵ سلنه افغانانو زیان‌اړوونکې پېښې لیدلي یا یې قربانیان دي چې له امله یې اوس د افغانستان نیمايي وګړي پر اروايي ناروغیو اخته دي.

روغتیا وزارت: څه کم څوارلس سلنه افغانان په یو ډول نه یو ډول معلول دي

د عامې روغتیا وزارت د وږي په شلمه، د دوشنبې ورځ په کابل کې د سپټمبر اتمه یا د فزیوټراپي نړیواله ورځ ونمانځله. د دغه وزارت مسوولان وايي چې ۱۳،۹ سلنه افغانان په یو ډول نه یو ډول معلول دي. دوی د څو لسیزو جګړې څخه د پاتې شویو ناچاودو ماینونو چاودنه او ځینې ناروغۍ د هغوی د معلولیت اصلي لاملونه بولي.

روغتیا وزارت: نږدې ۹۰۰۰ افغانان پر تور زېړي اخته شوي

د عامې روغتیا وزارت مسوولانو نن (د زمري یوولسمه، د چهارشنبې ورځ) په دغه وزارت کې د تور زېړي پر وړاندې د مبارزې نړیوالې ورځې په اړه جوړه شوې غونډه کې وویل چې په روان زېږدیز کال کې پر تور زېړي د اخته کسانو شمېر زیات شوی دی.

نری رنځ هر کال د ۱۲ زرو افغانانو ژوند اخلي

د عامې روغتیا وزارت مسوولانو د نري رنځ ناروغي پر وړاندې د مبارزې نړیوالې ورځې په نمانځغونډه کې ویلي چې په تېر زېږدیز کال کې له ۷۰ زرو ډېر افغانان پر دې ناروغي اخته شوي او له ډلې یې ۱۲ زرو هغو خپل ژوند له لاسه ورکړی دی. د عامې روغتیا وزارت د پلان او پالیسي مرستیال محمدحسن غیاثي وايي چې د تېر زېږدیز کال پر مهال په بېلابېلو روغتونونو کې له ۵۰ زرو د ډېرو افغانانو درملنه شوې ده.

د افغانستان په ۲۳ ولایتونو کې د ګوزڼ ضد واکسین پیل شوی

د عامې روغتیا وزارت مسوولان وايي، نن دوشنبه د کابل، ننګرهار، کونړ، لغمان او نورستان په ګډون، د هېواد په ۲۳ ولایتونو او ۲۱۷ ولسوالیو کې د ګوزڼ ضد واکسین کمپیان پیل شوی چې او په درېوو ورځو کې به څه باندې شپږ میلیونه ماشومان واکسین شي.

روغتیا وزارت: هر کال ۷۵ زره کسان پر نري رنځ اخته کېږي

د عامې روغتیا وزارت مسوولان وايي چې هر کال په ټول هېواد کې ۷۵ زره کسان پر نري رنځ ناروغي اخته کېږي او په روان کال کې یې کچه درې سلنه زیاته شوې ده.
د دغه وزارت ویاند شرافت زمان وايي: «زموږ د شمېرو له مخې، پر نري رنځ د اخته کسانو شمېر درې سلنه زیات شوی دی.

هره میاشت افغانستان کې نږدې ۵۰۰۰۰ ماشومان پر خوارځواکۍ اخته کېږي

د عامې روغتیا وزارت مسوولان وايي چې دغه وزارت د روان کال له پیله وړاندوینه کړې وه چې ښايي ۱.۱ میلیونه ماشومان هېواد کې پر شدیدې خوارځواکۍ اخته شي، خو یاد وزارت پر خوارځواکۍ د اخته ماشومانو شمېر له هغه کم بولي چې دوی یې وړاندوینه کړې وه.

هېواد کې د سرطان ناروغۍ د درملنې تخصصي روغتونونه جوړېږي

د عامې روغتیا وزارت د خدمتونو د وړاندې کولو مرستیال نن کابل کې یوې خبري غونډې ته وویل چې هېواد کې د سرطان ناروغۍ لپاره شته امکانات بسنه نه کوي او دوی په مرکز او د زونونو په کچه د سرطان ناروغۍ د درملنې لپاره معیاري مرکزونه جوړوي.

درملتونونو او د درملو واردونکو شرکتونو ته د روغتیا وزارت خبرداری

د عامې روغتیا وزارت د روغتیايي خدمتونو د وړاندې کولو معین عبدالباري عمر نن په کابل کې د یوې خبري غونډې پرمهال خبرداری ورکړی، د درملو واردونکي شرکتونه او هغه درملتونونه به وتړل شي چې فعالیتونه یې له طبي معیارونو سره په ټکر کې وي. د روغتیا وزارت چارواکي وايي چې بې‌کیفیته درمل د دغه وزارت د بدنامۍ لامل کېږي.