د روزګان مرکز ترينکوټ او ولسواليو کې سختې وچکالۍ خلک زيانمن کړي او تر نيمايي زيان باغونه یې وچ شوي دي. روزګان کې یوشمېر کروندګر سلاموطندار ته وايي، سږکال د وچکالۍ له امله نه دي توانېدلي، ان خپلو باغونو ته اوبه ورسوي.
د روزګان محلي مسوولان وايي، د دغه ولایت په ګېزاب او مرکز ترینکوټ کې د شویو اورښتونو له کبله سېلابونه راوتلي چې له امله درې کسان مړه شوي او دوه نور لادرکه دي. بلخوا د ترینکوټ ښار اوسېدونکي وايي، په تالاني سیمه کې هم د شویو بارانونو له امله سېلابونه راوتلي او خلکو ته زیانونه اړولي دي.
د روزګان محلي مسوولان وايي چې دغه ولایت کې د وروستیو اورښتونو له امله ګڼ سېلابونه راوتلي چې پرمهال دوه کسان مړه شوي او ګڼشمېر خلکو ته مالي زیانونه اوښتي دي. د مسوولانو په وینا، سېلابونه د یاد ولایت په مرکز ترینکوټ او یوشمېر ولسوالیو کې راوتلې دي. په همدې حال کې د سېلاب ځپلو سیمو اوسېدونکي د روزګان له محلي ادارې او مرستندویه بنسټونو د مرستو غوښتنه کوي.
د روزګان محلي مسوولان وايي چې د دغه ولايت په خاص روزګان ولسوالي کې له جګړو څخه د پاتې ناچاودېدونکو توکو د چاودنې له امله دوه کسان وژل شوي دي.
روزګان کې هغه ښځې چې پخوا به يې د لاسي صنايعو د تولید او نورو بېلابېلو برخو کې فعالیت کاوه وايي، هېواد کې د سياسي بدلون، د اسلامي امارت نه پام، بېوزلي او د بازار نهشتون له امله یې کارونه په ټپه درېدلي او ګڼو ستونزو سره مخ دي.
د کندهار او روزګان ولايتونو په یوشمېر ولسوالیو کې د وروستیو اورښتونو له کبله سېلابونه راوتلي چې خلکو ته یې ګڼ مالي او ځاني زیانونه اړولي دي. د دوی په وینا، دغو سېلابونو د خلکو څاروي هم وړي او کورونه او ګڼشمېر هټۍ یې ویجاړې کړې دي. په ورته مهال د کندهار په خانشین ولسوالي کې هم د وروستیو اورښتونو له کبله خلکو ته درانه زیانونه اوښتي دي.
د روزګان ولایت یوشمېر ځوانان شکایت کوي او وایي چې په تېرو شلو کلونو کې په دغه ولایت کې هيڅ دولتي او خصوصي پوهنتون نه دیجوړ شوی.
په روزګان ولایت کې د دوو کورنیو ترمنځ د شخصي دښمنۍ له امله درې کسان وژل شوي دي.
روزګان کې محلي سرچینو سلاموطندار ته وایي چې په دغه ولایت کې د ځمکې پر سر شخړه کې یو کس وژل شوی او پنځه نور ټپیان شوي دي.
په روزګان ولایت کې د ۱۲ لوبډلو ترمنځ په شخصي لګښت د پیل شویو سیالیو اتلولي رحیم لوبډلې وګټله. دغه سیالۍ ۲۷ ورځې وړاندې پیل شوې وې.
په روزګان ولایت کې «نجونې او هلکان ښوونځي ته ولېږئ» په نوم د فوټبال سيالۍ پیل شوې. دغه سيالۍ چې د پوهنې رياست تر چتر لاندې د يونېسف په مالي ملاتړ پیل شوي، مسوولان یې وايي چې د یادو سیالیو څخه یې موخه ښوونځيو ته د ماشومانو هڅول دي.
د رزوګان محلي مسوولان وايي چې د دغه ولایت په دهراوود ولسوالي کې یې یو کس د خپل ماما د وژنې په تور نیولی دی.
وروسته له هغې چې سلاموطندار د روزګان ولایت مقام ۵۰ مترۍ کې د ترینکوټ ښار په «تریاکو چوک» کې د نشهيي توکو د ازاد بازار په اړه يو راپور خپور کړ، اوس د یاد ولایت امنیتي مسوولان وايي چې دغه بازار یې تړلی دی. د روزګان د امنیې قومنداني وياند اغاولي قريشي سلاموطندار ته ویلي، د تریاکو دغه بازار یې نن تړلی دی.
د روزګان محلي مسوولان وايي چې د دغه ولایت په دهراوود ولسوالي کې پرون ناوخته یوه کس خپله مېرمن وژلې او له سیمې څخه تښتېدلی دی.
د روزګان ولایت په دهراوود ولسوالي کې یوه سرچینه سلاموطندار ته وايي چې د دغه ولسوالي په «کمکوچ» سیمه کې د خپلمنځي شخړې له امله یو کس وژل شوی او درې نور ټپیان دي.
په روزګان ولایت کې د یوه کس په شخصي لګښت د اتو لوبډلو ترمنځ د هارډبال شل اووره سیالۍ پیل شوې چې ۱۵ ورځې به دوام وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
