په روزګان کې د لومړنیو ښوونځیو یوشمېر زدهکوونکې وايي، سره له دې چې ښوونیز کال په خلاصېدو دی، خو دوی لا کتابونه او درسي توکي نه لري.
د دوی په وینا، په ښوونځیو کې ښوونکي هم کم دي او دغه وضعیت یې پر زدهکړو منفي اغېز کړی دی. دغه نجونې له مسوولانو غواړي چې دوی ته پاملرنه وکړي او لپاره یې د زدهکړو اسانتیاوې برابرې کړي.
د روزګان په مرکز ترینکوټ کې ۳۵ کلن جانان چې ۱۰ کاله وړاندې د ماین چاودنې ښکار شو او په یوه پښه ګوډ شو، خو همت یې له لاسه ور نهکړ او له پنځو کلونو راهیسې یې سلګونو ځوانانو ته د سپورټ اسانتیاوې برابرې کړې دي.
په روزګان کې يوه سرچينه وايي چې ناپېژنده وسلهوالو بېګاه د دغه ولايت په دهراود ولسوالي کې یوه کور ته وراوښتي او یو کس یې پهکې وژلی دی.
روزګان کې یوې سرچینې د نوم نه ښودلو په شرط سلاموطندار ته ویلي، د دغه ولایت په مرکز ترینکوټ ښار کې بېګاه شپه یوه کس خپله مېرمن په وهلو ډبولو وژلې ده.
د کندهار او روزګان اوسېدونکو له کلونو راهیسې د روزګان-کندهار لویې لارې چې ۱۷۳ کیلومټره ده، د رغولو لپاره له حکومتونو غوښتي چې یاده لاره ورته ورغوي، خو چا یې غږ نهدی اورېدلی.
تازه روزګانیانو د یوه سوداګر بورجان ذهين په مشري را ټول شوي، پیسې یې را غونډې کړي او هڅه کوي تر ژمي مخکې یاده لاره د موټرو تګراتګ ته چمتو کړي.
د روزګان د فوټبال فدراسیون چارواکي وايي، د دغه ولایت د فوټبال غوره لیګ یې پیل کړی چې دوه میاشتې به دوام وکړي.
د روزګان د فوټبال فدراسيون رییس ميرزامحمد اميرزی وايي سيالۍ يې د افغانستان د فوټبال فدراسيون په مرسته پیل کړي چې نهه لوبډلې پهکې ګډون لري.
د روزګان محلي مسوولان وايي چې د دغه ولایت اړوند په ترینګوټ ولسوالي کې د مخکیني حکومت یو نظامي کس وژل شوی دی.
روزګان کې د افغانې سرې میاشتې ټولنې مسوولان وايي چې دغه ولایت کې بېوزلي ناچاري زیاته شوې او په وینا یې، اوس ۹۵ سلنه خلک بیړنیو مرستو ته اړتیا لري.
د روزګان مرکز ترينکوټ ښار کې یوشمېر نجونې زدهکوونکې وايي، که هېواد کې له شپږم ټولکي پورته د نجونو ښوونځي همداسې تړلي وي، خپلې کورنۍ به اړ کړي، څو هغو هېوادونو ته کډه شي چې دا مهال پهکې د نجونو ښوونځي پرانېستې دي.
روزګان کې یوې سرچینې د نوم نه ښودلو په شرط، سلاموطندار ته ویلي چې بېګاه شپه د دغه ولایت په چنارتو ولسوالي کې یوه کس ځانوژنه کړې ده.
د روزګان والي عليجان احمد بېګاه په دغه ولایت کې یوې جوړې شوې مشاعره کې د وینا پر مهال ویلي، «هغوی چې سندرې وايي یا موسیقي غږوي، د شیطان د لښکر غړي دي.»
د روزګان د اطلاعاتو او کلتور رییس اغاولي قریشي سلاموطندار ته ویلي چې ناپېژنده کسانو د چهارشنبې په ورځ د دغه ولایت په دهراود ولسوالي کې لومړی یو ماشوم تښتولی او بیا یې په بېرحمانه ډول وژلی دی.
د روزګان محلي مسوولان وايي چې یوه ملکي وګړي د دغه ولایت په خاص روزګان ولسوالي کې د اسلامي امارت پر غړیو ډزې کړي چې له کبله یې د ا.ا دوه غړي وژل شوي او دوه ملکیان هم ټپیان شوي دي.
د روزګان محلي مسوولان وايي چې د دغه ولايت په خاص روزګان ولسوالي کې له تېرو څو ورځو راهیسې د شویو اورښتونو له امله سېلابونه راوتلي چې یو ماشوم یې مړ کړی او یو بل کس تراوسه لادرکه دی.
د روزګان د ترینکوټ ښاروالي لسګونه کارکوونکو نن ترینکوټ ښار کې د خپل ناوړه اقتصادي وضعیت له امله اعتراض وکړ او له اړوند ادارو او موسسو یې غوښتنه وکړه چې مرستې ورسره وکړي. اعتراض کوونکي وايي، د میاشتې ۵۰۰۰ افغانۍ معاش لري چې د توکو لوړو بیو ته په پام یې د ژوند اړتیاوې پرې نهشي پوره کولای. یوشمېر نور اعتراض کوونکي هم وايي چې ټوله ورځ د ښار پر پاکولو بوخت وي او نور کار-روزګار نهشي کولای.
د روزګان محلي مسوولان وايي چې د دغه ولايت د خاص روزګان ولسوالي په یوه کلي کې د ښځو او ماشومانو په ګډون شاوخوا ۱۰۰ کسان پر نسناستي اخته شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
