د امریکا د بهرنیو چارو وزارت په افغانستان کې له ښځو سره د اقتصادي مرستې لپاره د یوې نوې طرحه خبر ورکوي.
د امریکا د بهرنیو چارو وزیر انټوني بلنکېن بېګاه شپه د وږي ۲۹مه پر خپله ټوېټرپاڼه لیکلي چې امریکا په افغانستان کې د ښځو اقتصادي پیاوړتیا په موخه یوه نوې طرحه چمتو کړې ده.
د امریکا د بهرنیو چارو وزارت په یوې خبرپاڼه کې د افغانستان د کنګل شویو شتمنیو د ساتنې او مصرف لپاره د یوه نوي ځانګړي صندوق د جوړولو خبر ورکړی دی.
خبرپاڼه کې ویل شوي چې د «افغان فنډ» په نوم دغه نوي جوړ شوي صندوق ته به د افغانستان د کنګل شویو شتمنیو له جملې شاوخوا ۳نیم میلیارډ ډالر وسپارل شي.
د بهرنیو چارو وزارت چارواکي وايي چې د امریکا له لوري د افغانستان د هوايي حریم نقض اسلامي امارت ته اخلاقي غورهوالی ورکړی دی.
د بهرنیو چارو وزارت سرپرست دې ناسته کې له هېوادونو وغوښتل چې پر امریکا فشار راوړي، څو د افغانستان د هوايي حریم له نقض څخه لاس واخلي.
د پوهنې وزارت سرپرست نورالله منیر د امریکا د زدهکړو پراختیا پروګرام له رییس ران مک کامن سره تر لیدنې وروسته ویلي چې امریکا په افغانستان کې انلاین زدهکړې پیلوي.
پوهنې وزارت نن په یوه خبرپاڼه کې لیکلي چې د امریکا د زدهکړو پراختیا پروګرام په پام کې لري چې د افغانستان په لرو پرتو سیمو کې ماشومانو او ځوانانو ته انلاین زدهکړې پیلوي.
د ملګرو ملتونو امنیت شورا بېګاه ناوخته افغانستان کې د اقتصادي او بشري وضعیت د ارزونې په اړه غونډه وکړه.
که څه هم دغه ناسته د افغانستان په اړه جوړه شوې وه، خو د نړۍ ستر ځواکونو دې ناسته کې پر بل تندې نیوکې وکړې. ویل کېږي چې دغه ناسته د روسیې او امریکا د استازیو ترمنځ په لفظي شخړې پیل شوه.
د دفاع وزارت مسوولان وايي، پاکستان د امریکا هغو بېپېلوټه الوتکو ته په خپله خاوره کې ځای ورکړی چې وخت ناوخت د افغانستان پر فضا څار کوي.
د دفاع وزارت سرپرست محمدیعقوب مجاهد نن کابل کې د یاد وزارت د کلني راپور وړاندې کولو پرمهال وویل، هغه بېپېلوټه الوتکې چې د افغانستان پر فضا ګرځي، پاکستان څخه راپورته کېږي.
د نیویارک یوې محکمې امریکا کې د سپټمبر میاشتې د ۱۱مې پېښې قربانیانو ته د افغانستان د کنګل شویو پیسو د ورکړې غوښتنه رد کړې ده. د امریکا د فدرال محکمې یوې څارنوالې سارا نيټبرن د دې پرېکړې په اړه ویلي چې د افغانستان بانک په اړه امریکايي محکمې پرېکړه نه شي کولای.
د افغانستان پرځول شوي مخکیني ولسمشر محمد اشرف غني له یوې رسنۍ سره په مرکه کې ویلي چې د امریکا د ناسم ډاډ او ژمنو له کبله د نوموړي په مشري «جمهوري نظام» پرځول شوی دی. نوموړي ویلي، هیله لري داسې یوه افغانستان ته ورستون شي چې بېوزله او شتمن په ټولو برخو کې یو شان ونډه ولري او هغه ثبات لاس ته راوړي چې ترې اخیستل شوی دی.
د مذهبي ازادۍ په برخه کې د امریکا نړیوال کمېسیون ویلي چې افغانستان د مذهبي لږکیو لپاره خوندي ځای نه دی. د دغه کمېسیون په وینا، اسلامي امارت د مذهبي لږکیو پر ازادۍ محدودیتونه لږولي او د هغوی حقونه یې نقض کړي دي.
رویټرز خبري اژانس د یوې سرچینې له قوله راپور ورکړی چې کابل کې د القاعده شبکې د مشر ایمن الظواهري له وژلکېدو سربېره به امریکا له اسلامي امارت سره د افغانستان بانک د کنګل شویو پیسو د ازادېدو په تړاو خپلو خبرو ته دوام ورکړي. والسټرېټ ژورنال لیکلي و چې امریکا په دې اړه له اسلامي امارت سره خبرې هم درولي دي.
د امریکا ولسمشر جو بایډن شاوخوا درې اوونۍ وړاندې ادعا وکړه چې کابل کې یې د القاعده شبکې مشر ایمن الظواهري د یوه هوايي برید پرمهال وژلی دی. که څه هم د ا.ا حکومت په رسمي توګه تراوسه په دغه هوايي برید کې د ایمنالظواهري مړینه نهده تایید کړې، خو بیا یې هم پر افغانستان ناوړه پایلې د راڅرګندېدو په حال کې دي.
د بهرنيو چارو وزارت سياسي مرستیال شېرمحمد عباس ستانکزي نن د کابل په يوې تکیهخانه کې د عاشور مراسمو ته د وینا پرمهال پر امریکا نیوکه وکړه چې دغه هېواد پر اسلامي امارت فشارونه زیاته کړي دي. ستانکزي دې مراسمو ته همداراز وویل، امریکا د ا.ا پر حکومت بېلابېل سیاسي، اقتصادي او ډیپلوماتیک فشارونه راوستي دي.
کابل کې د امریکا د یوې بېپېلوټه الوتکې په هوايي برید کې د القاعده ډلې مشر ایمن الظواهري له وژلکېدو وروسته د یاد هېواد د بهرنیو چارو وزارت خبرداری ورکړی چې د امریکا له لوري د القاعده مشر وژل کېدل، ښايي یاده ډله پر امریکايي وګړو او تاسیساتو بریدونو ته وهڅوي.
د امريکا ولسمشر جو بايډن ویلي چې دغه هېواد د افغانستان په پلازمېنه کابل کې د القاعده شبکې مشر ايمن الظواهري په يوه دقيق بريد کې وژلى دى. دا برید په ۲۰۱۱ کال کې د اسامه بن لادن له وژلکېدو راهیسې دغې ډلې ته تر ټولو لوی ګوزار ګڼل کېږي.
د امریکا ولسمشر جو بایډن پرون سپینه ماڼۍ کې د وینا پر مهال وویل، د روانې اوونۍ د یکشنبې پر ورځ یې کابل کې د القاعده شبکې مشر ایمن الظواهري د بېپیلوټه الوتکې برید کې وژلی دی. کابل کې د القاعده شبکې د مشر وژل کېدو ګڼ غبرګونونه راپورته کړي دي.
د ازبکستان په پلازمېنه تاشکند کې د افغانستان په اړه نړیواله ناسته له یوه ورځ ځنډ وروسته نن د یوشمېر هېوادونو او نړیوالو سازمانونو د استازیو په ګډون پیل شوه. ویل کېږي چې یاده نړیواله ناسته به پر اقتصادي او امنیتي موضوعاتو راڅرخي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
