د «کاسا ۱۰۰۰» پروژې د چارو ځنډېدل؛ د اوبو او انرژۍ وزارت ویاند: خبر نه یم
کاسا۱۰۰۰ د افغانستان له لارې پاکستان ته د تاجکستان او قرغیزستان د برښنا لېږد ستره پروژه ده چې د پليکېدو چارې یې له تېرو څو کلونو راهیسې له ډېرو ننګونو سره مخ شوي دي.
کاسا۱۰۰۰ د افغانستان له لارې پاکستان ته د تاجکستان او قرغیزستان د برښنا لېږد ستره پروژه ده چې د پليکېدو چارې یې له تېرو څو کلونو راهیسې له ډېرو ننګونو سره مخ شوي دي.
د ماشومانو د ژغورنې موسسې (سېف د چېلډرن) د اسلامي امارت د واکمنۍ د یوه کال پورهکېدو په درشل کې په خپل یوه تازه راپور کې ویلي چې د تېر یوه کال پرمهال د افغان نجونو ژوند تریخ شوی دی. راپور کې راغلي چې تېر یوه کال کې له ۸۸ سلنه کم عمره نجونو څخه د والدینو لهخوا د کورنۍ مالي وضعیت ښهوالي په موخه د واده غوښتنه شوې ده.
په دې وروستیو کې د هېواد په یوشمېر ولایتونو کې د «څارویو د پوستکي» یا لمپي سکېن ناروغۍ خپرېدو په اړه راپورونه ورکړل شوي چې ګواکې دغه ناروغۍ ګواښونکې ده او له څارویو انسان ته سرایت کوي.
په داسی حال کې چې لوی اختر ته د ګوتو په شمېر ورځې پاتي، خو د تېرو کلونو په پرتله د خلکو له لوري د قربانۍ لپاره د څارویو د پېر بازار سوړ دی.
د کابل ښار اوسېدونکي وايي چې هېواد کې د وروستیو سیاسي تحولاتو او د خراب اقتصادي وضعیت له امله نهشي کولای چې د قربانۍ لپاره څاروي واخلي.
د کورونا ویروس خپرېدو او ورپسې د اوکرایین جګړې د افغانستان په ګډون نړۍ کې د خوراکي او نفتي توکو نرخونه لوړ کړي دي.
په دې تړاو نړیوال بانک د نړۍ د اقتصادي ودې په اړه کلني راپور کې خبرداری ورکړی چې د خوراکي توکو او تېلو بیو لوړېدو له امله به د ۱۹۷۰ کال څخه وروسته په لومړی ځل نړۍ له لوړ انفلاسیون سره مخ شي.
د ملګروملتونو سرمنشي انټونیو ګوټرېش ویلي چې د افغانستان اقتصادي نظام نغدو پيسو ته اړتیا لري. نوموړي زیاته کړې چې د افغانستان اقتصادي نظام کې د نغدو پيسو کمښت به د دغه هېواد اوسېدونکو ته ناوړې پایلې ولري.
د کندهار د صنعت کارانو د ټولنې مسوولان وايي، د دغه ولایت په صنعتي پارک کې زیاتره فابریکې د برېښنا نشتون له امله تړل شوي چې ورسره زرګونه کسان وزرګار شوي دي.
د امریکا او پاکستان ترمنځ د نویو راټوکېدلو ناندریو په درشل کې د افغانستان لپاره د امریکا مخکیني ځانګړي استازي زلمي خلیلزاد په اسلاماباد کې د پاکستان د پوځ له مشر جنرال قمر باجوه سره لیدلي دي. دواړو لوریو د دواړو هېوادونو پر اړیکو او د افغانستان پر وروستیو حالاتو خبرې کړې دي.
د اسلامي امارت ویاند ذبیحالله مجاهد په یوې خپره کړې خبرپاڼه کې ویلي چې په یاده ناسته کې د اسلامي امارت مشر هبتالله اخندزاده د سرپرست حکومت وزیرانو او مسوولانو ته د ادارو کارونو او د اسلامي امارت د پیاوړتیا سربېره، د نظم راوستلو او ستونزو هواري په برخه کې اړینې توصیې او لارښوونې کړې دي.
یوشمېر حقوق پوهانو، اقتصادي کارپوهانو او د پوهنتون استادانو نن کابل کې یوې خبري غونډه کې د اسلامي امارت له لوري د حکومتولۍ لپاره د ځانګړې تګلارې د ټاکلو غوښتنه وکړه.
د افغانستان بیارغونې لپاره د امریکا ځانګړې پلټونکې ادارې یا سیګار ویلي چې افغانستان کې د ښځو پر کار د بندیزونو لګول به د دغه هېواد اقتصاد ته یو میلیارد ډالر زیان ور واړوي. سیګار د ملګروملتونو پراختیايي پروګرام د رپوټ پر بنسټ پر خپله ټویټرپاڼه لیکلي، د ښځو پر کار بندیز د دې لامل هم شوی چې د افغانستان ناخالص تولید پنځه سلنه راټيټ شي.
د ملګروملتونو سرمنشي انتونیو ګوټرېش وايي چې د افغانستان اقتصاد مخ په ځوړند او د سقوط په درشل کې دی. هغه پر ټویټرپاڼه لیکلي چې د اقتصادي پاشلتیا او د بحران مخنیوي لپاره باید هرڅه ژر دغه هېواد ته نغدې پیسې ورکړل شي.
د پاکستان د ملي امنیت سلاکار معید یوسف پرون د یوه پلاوي په مشري کابل ته راغی او له یوشمېر لوړپوړو افغان چارواکو سره یې د دواړو هېوادونو ترمنځ پر سیاسي، اقتصادي، امنیتي او دوه اړخیزو اړیکو او نورو مهمو مسایلو خبرې کړي دي. نوموړي د رییسالوزرا مرستیال عبدالسلام حنفي د بهرنیو چارو سرپرست امیرخان متقي او یوشمېر نورو چارواکو سره لیدلي.
د افغانستان بانک عالي شورا غړي شاه محرابي ویلي چې د افغانستان اقتصاد د پاشلتیا په درشل کې دی او امریکا کولای شي چې د پاشلتیا مخه یې ونیسي. نوموړي الجزیرې خبري شبکې ته په یوه استولي لیک کې ټينګار کړی چې افغانستان له یوه سخت ناورین سره مخ دی او د مخنیوي حل لاره یې نیویارک کې ده.
د پاکستان لومړي وزیر عمران خان د دغه هېواد چارواکو ته لارښوونه کړې چې په طبي، ټکنالوژۍ، حسابداري او مالي چارو کې روزل شوی کاري ځواک افغانستان ته واستوي. د پاکستان د لومړي وزیر دفتر د دغه کار موخه په افغانستان کې د بشري ناورین د پېښېدو مخنیوی بلل دی.
د اقتصادي چارو یوشمېر کارپوهان وايي، په قزاقستان کې روانه ناامني او بېثباتي کولای چې د افغانستان پر اقتصاد منفي اغېز وکړي. دوی ټینګار کوي، که په قزاقستان کې اوسنی حالت دوام پیدا کړي، نو افغانستان ته به له یاد هېواد څخه واردات او صادرات له ستونزو سره مخ کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون