د کړکېچ نړېوالی ډلې د افغانستان د چارو لوړپوړي څارونکي وایي چې ښایي د افغانستان مسله د امریکا د نوي حکومت لپاره مهمه نه وي .
د دې ډلې یوه لوړپوړي چارواکي انډي وارکنېس په یوه ځانګړې مرکه کې ویلي چې د امریکا د نوي ولسمشر له نږدې همکارانو او سلاکارانو سره یې خبرې کړي او په وینا یې، افغانستان به د بایډن ادارې د بهرني سیاست په لومړیتوبونو کې نه وي.
د عامې روغتیا وزارت وايي چې کورونا په تېره یوه شپه او ورځ کې ۳ کسان مړه کړي او ۷۹ نور پرې اخته شوي دي.
د دغه وزارت په وینا، په تېرو څلېرویشت ساعتونو کې یې د ۱۸۴۹ کسانو نمونې چې د کورونا شک پرې کېده، کتلې دي.
د عامې روغتیا وزارت وايي، کورونا په تېره يوه شپه او ورځ کې ۴کسان مړه کړي چې دوه يې په هرات کې دي او دوه يې په فراه کې او همداراز ۸۱ نور پر دغه ويروس اخته شوي دي. دغه وزارت نن په خپل ورځني راپور کې ویلي، دومره موده کې يې د ۱۵۸۴ شکمنو کسانو نمونې کتلي.
طالبانو له افغانستانه د شاوخوا دوو زرو امریکايي سرتېرو د وتلو له اعلان څو ساعته وروسته په کندهار کې د ځانګړې قطعې پر کنډک موټربم برید وکړ. په همدې حال کې د طالبانو نفوذي کسانو بېګاه د هرات په غوریان ولسوالي کې پر ولسي پاڅونوالو برید کړی چې له کبله یې ۱۲ پاڅونوال وژل شوي دي. په بلخ کې بیا ۸ طالبان وژل شوي او ۱۱ ټپیان دي.
د عامې روغتیا وزارت وايي، کورونا په تېره يوه شپه او ورځ کې ۳ کسان مړه کړي او ۴۶ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۱۳۴۱ شکمنو کسانو نمونې کتلي.
د ياد وزارت په راپور کې راغلي، په همدې موده کې له کورونا ۳۱ کسان بېرته ښه شوي هم دي. د راپور پربسټ، تازه پېښې په ۹ ولايتونو کې ثبت شوې دي.
د عامې روغتیا وزارت وايي، کورونا په تېره يوه شپه او ورځ کې ۶ کسان مړه کړي او ۸۴ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۲ زره او ۱۰۹ شکمنو کسانو نمونې کتلي.
سره له دې چې د یوه نوي قانون له مخې افغانستان نه د نورو امریکایي ځواکونو وتل بند شوي؛ خو د امریکا د دفاع وزارت یا پنټاګون پرته له دې چې د ځواکونو د ايستو مسلې خطرونه او ناوړه پایلې کانګرس سره شریکې کړي، د امریکایي ځواکونو د ايستو بهیر ته دوام…
د عامې روغتیا وزارت وايي، کورونا په تېرو ۲۴ ساعتونو کې ۱۳ کسان مړه کړي او ۴۶ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۱۸۸۶ شکمنو کسانو نمونې کتلي.
د عامې روغتیا وزارت وايي چې ټاکل شوې د کورونا واکسین لومړۍ جوپه به تر راتلونکو شپږو میاشتو پورې د نړیوال بانک او اسیا پراختیايي بانک په مالي ملاتړ افغانستان ته راوړل شي. د چارواکو په وینا، دغه واکسین به له ۲۰ تر ۳۰ میلیونه هېوادوالو ته ورسېږي.
د بېپولې خبریالانو سازمان وايي، افغان حکومت باید د خبریالانو د خوندیتوب لپاره خپل ټول توان وکاروي. د دغه بنسټ په وینا، افغانستان په ۲۰۲۰ کال کې د خبریالانو لپاره تر ټولو خونړی هېواد و چې د غور غږ راډیو د مسوول بسمالله عادل په ترور سره ۲۰۲۱ کال هم په نړۍ کې د خبریالانو په وژل کېدو پیل شو.
د عامې روغتیا وزارت وايي چې کورونا په تېره یوه شپه او ورځ کې ۷ کسان مړه کړي او ۱۲۰ نور پرې اخته شوي دي.
د ناټو سرمنشي ینس سټولټنبرګ وايي، د دغه سازمان د دفاع وزیرانو په غونډه کې به چې راتلونکې میاشت جوړېږي، په افغانستان کې د ناټو ځواکونو د پاتې کېدو یا ترې د وتلو پرېکړه وکړي.
سټولټنبرګ روان میلادي کال په افغانستان کې د ناټو نظامي حضور په برخه کې د دغه سازمان لپاره مهم یادوي او وايي، د ناټو د دفاع وزیران به په فبروري میاشت کې په دې اړه پرېکړه وکړي.
د عامې روغتیا وزارت وايي، کورونا په تېرو ۲۴ ساعتونو کې ۱۰ کسان مړه کړي دي. دغه وزارت نن په خپل ورځني راپور کې ویلي، د ۱۵۷۵ شکمنو کسانو نمونې يې کتلي چې له ډلې یې د ۱۰۲ کسانو پایلې مثبتې ختلې دي.
د ياد وزارت په راپور کې راغلي، په همدې موده کې له کورونا ۱۲۵ کسان بېرته ښه شوي هم دي. د راپور پربسټ، تازه پېښې په ۱۴ ولايتونو کې ثبت شوې دي.
د عامې روغتیا وزارت وايي چې کورونا په تېره یوه شپه او ورځ کې ۱۱ کسان مړه کړي او ۱۱۶ نور چې پر کورونا اخته وو، بېرته ښه شوي دي.
د دغه وزارت په وینا، په تېرو څلېرویشت ساعتونو کې یې ۱۲۳۰ نمونې کتلي چې له ډلې یې په ۱۶ ولایتونو کې د ۱۲۰ هغو پایلې مثبتې ختلې دي.
د ۲۰۱۹ کال په پای کې د معمول په څېر یوشمېر خبري او تفریحي وېبسایټونو د هغو پېښو وړاندوینه کړې وه چې ښايي په ۲۰۲۰کې وشي. نږدې دغه ټول وېبسایټونه مې وکتل، هر هغه څه چې په دغه کال یې وړاندوینه شوې وه، له کورونا پرته ټول سم وو.
کورونا په ۲۰۲۰ کال کې ټوله نړۍ وځپله. کلونه وروسته نور نسلونه چې د تاریخ په اړه خبرې کوي، له شک پرته به ۲۰۲۰ د کورونا په نوم یادوي. په دغه کال کې ټول سیاسي، اقتصادي، کلتوري او ټولنیز پروګرامونه د کورونا تر سیوري لاندې راغلل.
چابهار بندر شاوخوا درې کاله وړاندې د ۱۳۹۶ کال د لیندۍ په ۱۲مه د یو میلیارډ ډارو په پانګونې سره د ایران د ولسمشر له لوري پرانېستل شو. دغه بندر د ایران په سیستان او بلوچستان ولایتونو کې پروت دی، افغانستان، هندوستان او ایران یو له بل سره نښلوي. خو د ۳۶ میاشتو په تېرېدو سره لا هم د سوداګرو لپاره پر یوې ښې لارې نه دی بدل شوی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
