«ښځې د اسلامي حجاب په پام کې نیولو سره مرستندویه بنسټونو کې کار کولای شي»

د سمنګان والي عبدالرحمان کندوزي پرون ماښام د مرستندویه ادارو له مسوولانو سره په ناسته کې ویلي چې دغه ادارې دې ژرترژره کور په کور سروې پیل او اړمنو کورنیو ته ژمنۍ مرستې ورسوي.
هغه په ناسته کې د ښځو د فعالیت اجازه هم ورکړې او ویلي یې دي چې پر اړمنو د عادلانه وېش لپاره د ښځو ګډون مهم دی، خو باید اسلامي حجاب په پام کې ونیسي.

د غزني را تښتېدلی والي په میدان ښار کې ونیول شو

د کورنیو چارو وزارت ویاند میرویس ستانکزی وايي، د کورني امنیت پولیسو د غزني والي او د هغه مرستیال د میدان وردګ ولایت په مرکز میدان ښار کې نیولي دي.
نن سهار پر ټولنیزو رسنیو د غزني د والي داوود لغماني داسې تصویرونه پر ټولنیزو رسنیو خپاره شول چې ښيي وسله‌والو طالبانو د غزني‌ـ‌میدان وردګ پر لویه لاره د داوود لغماني امنیت نیولی او له یاد ولایت نه یې د کابل پر لور ملتیا کوي.

د فراه والي او ښاروال له ۱۰۰ سرتېرو او پاڅونوالو سره طالبانو ته تسلیم شوي

په ولسي جرګه کې د فراه استازي همایون شهیدزاده سلام‌وطندار ته ویلي چې د دغه ولایت والي مسعود بختور او ښاروال بېګاه له شاوخوا ۱۰۰ سرتېرو او ولسي پاڅونوالو سره طالبانو ته تسلیم شوي او ورسره هم‌مهاله د ملي اردو دویمه لوا چې له دوو ورځو راهیسې کلابنده وه، د طالبانو لاس ته ورغلې ده.

نورستان کې سېلابونه؛ تر اوسه ۶۵ جسدونه پیدا شوي

د نورستان چارواکي وايي، د ختیځ نورستان په کامدېش ولسوالي کې د سېلابونو له امله د ۱۸۰ ورکو خلکو له جملې تر اوسه ۶۵ جسدونه موندل شوي دي.
د نورستان والي حافظ عبدالقیوم سلام‌وطندار ته ویلي چې د سېلاب وړیو په ډله کې مېرمنې، ماشومان او سپین‌ږیري شامل دي.

جوزجان والي: طالبان په زوره خلک له خپلو مېنو اېستلو ته اړ باسي

د هېواد په شمال کې د جګړو پر دوام د جوزجان ولایت محلي چارواکي وایي چې جګړه د دغه ولایت د مرکز تر څنډو رارسېدلې او هره ورځ وسله‌وال طالبان تر خپلې ولکې لاندې سیمو کې خلک اړ باسي چې خپلې مینې پرېږدي او نورو سیمو ته کډه وکړي.

والي: کابل کې ناستې ځینې کړۍ غواړي کندهار سقوط کړي

په کندهار کې له تېرې څه باندې یوې اوونۍ سختې جګړې او د ګڼو ولسوالیو له سقوط وروسته نن د کندهار والي روح‌الله خانزاده په دغه ولایت کې د یوې خبري ناستې پرمهال وویل، له تېرو  ۱۸ کالو راهیسې دغه ولایت کې امنیتي ادارې په قومونو پوري تړلي وې او لاهم تړلي دي.

طالبانو د بادغیس له محلي اداره سره تر نامعلومې نېټې اوربند کړی

د بادغیس والي حسام‌الدین شمس سلام‌وطندار ته وایي چې د دغه ولایت د سپین ږیرو او مخورو په منځګړیتوب یې له طالبانو سره تر ناملعومې نیټې پورې اوربند کړی دی. نوموړی وایي چې  ۱۰ مخورو او قومي مشرانو د دغه اوربند په منځګړیتوب کې برخه درلوده.

«بادغیس ته یو تازه‌دمی سرتېری هم نه دی استول شوی»

سره له دې چې د بادغیس د مرکز قلعه‌نو ښار په ځینو برخو کې د طالبانو او امنیتي ځواکونو له جګړې شاوخوا ۱۰ ورځې تېرېږي، خو په ولسي جرګه کې د دغه ولایت استازي ادعا کوي چې تر اوسه بادغیس ته مرستندویه ځواکونه نه دي لېږل شوي.

د سلما بند د ساتنې کنډک قوماندان: د هرات والي دروغ وايي

د هرات والي عبدالصبور قانع پرون په یوه خبري غونډه کې سلما بند ته د پېښو امنیتي ګواښونو د رد ترڅنګ، ډاډ ورکړ چې د دغه بند د ساتنې لپاره به ټول امکانات وکاروي.
هغه سلما بند ته د پېښو امنیتي ګواښونو خپرېدل د دښمن تبلیغات یاد کړل او په وینا یې، د یاد بند د ساتنې لپاره لازم ځواک شته او که نورو ځواکونو ته اړتیا پیدا کړي، ور وبه یې لېږي.

د سلما بند د امنیت ټینګښت په اړه د چارواکو ډاډ

د هرات والي عبدالصبور قانع وايي چې د لا ښې همغږۍ او مدیریت لپاره یې د دغه ولایت د چشت ولسوالي په مرکز کې مېشت ځواکونه یې دویم ځای ته لېږدولي دي. هغه سلما بند ته پېښ ګواښونه نه مني او په وینا یې، دا د دولت د مخالفانو شایعات دي. نوموړی خلکو ته ډاډ ورکوي چې یاد بند خوندي دی او لازم ساتونکي لري، خو په خبره یې، که په دې برخه کې نورو سرتېرو ته اړتیا شوه، ور وبه یې لېږي.

د ولسي جرګې پلاوی: د بدخشان والي باید له دندې ګوښه شي

د روان کال د غبرګولي په ۱۸مه د بدخشان یو‌شمېر اوسېدونکو د اوبو او برېښنا نه‌شتون او د ناامنیو زیاتېدو په تړاو اعتراض وکړ، خو دغه اعتراض په تاوتریخوالي واوښت او په پایله کې یې ۴ اعتراض کوونکي ووژل شول او تر ۴۰ زیات ټپیان شول.

حکومت د بدخشان پېښې د حقایقو پټولو په موخه پلاوی ټاکلی

د بدخشان ولایت یو‌شمېر اوسېدونکو دوه ورځې وړاندې په دغه ولایت کې د ناامنیو زیاتېدو او د اوبو او برښنا نه موجودیت له کبله اعتراض وکړ، خو دغه اعتراض پر تاوتریخوالي واوښت او امنیتي ځواکونو پر معترضانو ډزې وکړې چې په ترڅ کې یې درې کسان ووژل شول او ۴۳ نور ټپیان شول.