طالبانو د غزني په مالستان ولسوالي کې د خلکو شتمنۍ لوټ کړې
د غزني د مالستان ولسوالي یوشمېر اوسېدونکو نن په کابل کې د یوې خبري غونډې پرمهال وویل چې وسلهوالو طالبانو په دغه ولسوالي کې د خلکو شتمنۍ لوټ کړي دي.
د غزني د مالستان ولسوالي یوشمېر اوسېدونکو نن په کابل کې د یوې خبري غونډې پرمهال وویل چې وسلهوالو طالبانو په دغه ولسوالي کې د خلکو شتمنۍ لوټ کړي دي.
د پکتيا د ولايتي شورا او مدني ټولنو استازي وايي، پکتیا د جغرافيې او د وګړو د شمېر له مخې، د سوېل ختیځ زون مرکزي ولایت دی، خو لا هم پهکې د ۴۲ کاله پخوانۍ سروې پر بنسټ خدمتونه وړاندې کېږي. د دوی په وینا، سره له دې چې د ولايت د لومړۍ درجې کولو غوښتنه یې کړې، خو لا هم نه ده منل شوې.
د عامې روغتیا وزارت د لوی اختر له را رسېدو سره سم له خلکو غواړي چې د کورونا ویروس د خپرېدو مخنیوي لپاره دې د اختر په ورځو کې یو د بل کورونو ته تګراتګ نه کوي. د عامې روغتیا وزارت سرپرست وحید مجروح نن په کابل کې یوې خبري غونډې ته وویل، که څه هم په هېواد کې د کورونا ویروس د خپرېدو کچه، پر دغه ویروس د اخته کېدونکو کسانو او له کبله یې د مړینې کچه کمه شوې، خو د خلکو بېغوري به بیا وضعیت خراب کړي.
د میدان وردګ ولایت سلګونو اوسېدونکو نن د اعتراض په توګه د کابل-کندهار لویه لاره وتړله. لاریونوال وايي، که څه هم د ولایت نوم یې «میدان وردګ» دی، خو یوشمېر ادارې یې بیا هم په دولتي اسنادو کې نه لیکي او خلکو ته یې سرخوږی جوړ کړی دی. لاریونوال خبرداری ورکوي، تر هغه چې د برښنايي پېژندپاڼو ترڅنګ، په ټولو دولتي اسنادو کې د ولایت بشپړ نوم «میدان وردګ» ونه لیکل شي، د کابل-کندهار لویه لاره به تړلې وي.
په بدخشان کې یوشمېر مېرمنې ادعا کوي چې د دغه ولایت د ښځو چارو ریاست فعالیتونه یوازې مرکزي سیمو پورې محدود دي او لرې پرتو سیمو کې د ښځو وضعیت د ښهوالي لپاره یې بنسټیز کار نه دی کړی.
په روان کال کې وچکالۍ د هېواد لوېدیځې سیمې په ځانګړې توګه بادغیس ولایت ډېر ځپلی او د دغه ولایت اوسېدونکي یې له ګڼو ستونزو سره ، دوی وایي، روان کال په دغه ولایت کې ورښت کم وو او ځمکو یې هم هېڅ حاصلات نه دي ورکړي. لاس او ګریوان کړي چې ځينې یې ان اړ کړي، څو خپلې مینې پرېږدي او د بادغیس مرکز قلعهنو ښار ته کډه شي. دوی وایي، سږکال په دغه ولایت کې ورښت کم وو او ځمکو یې هم ښه حاصلات نه دي ورکړي.
له تېرې یوې نیمې اوونۍ راهیسې وسلهوالو طالبانو د کونړ په یوې لېرې غرنۍ ولسوالي، غازي اباد کې خوځښتونه زیات کړي چې د وضعیت د ترینګلتیا له امله تر اوسه سلګونه کورنۍ له خپلو سیمو بېځایه شوي دي. د دغې ولسوالي اوسېدونکي وايي، طالبانو غازي اباد ته ورغلې لارې په ډبرو سره تړلي او په ولسي خلکو یې د څښاک اوبه هم بندې کړي دي.
د دایکندي ولایت د پاتوی سیمې اوسېدونکي چې د جګړو له امله د دغه ولایت مرکز نیلي او یوشمېر امن ولسوالیو ته بېځای شوي وایي چې وسلهوالو طالبانو د دغې ولسوالي د سرتګاب سیمې له نیولو وروسته د دوی کورونه په بمونو الوزولي او مړي یې له قبرونو راویستلي دي.
په افغانستان کې پر کورونا د اخته کسانو او له کبله یې د مړینې شمېرو ډېرېدو ته په کتو، د عامې روغتیا وزارت له لوري ناسم وضعیت سره د مخامخېدو په اړه د خبرداري تر څنګ، د بښنې نړیوال سازمان په یوه خبرپاڼه کې لیکلي، که افغان حکومت د کورونا د درېیمې څپې مخنیوي لپاره بیړني تدابیر ونه نیسي او نړیواله ټولنه یې هم لاسنیوی ونه کړي، وضعیت به له کنټروله ووځي.
په سعودي عربستان کې د افغانستان سفیر احمدجاوېد مجددي نن په مکه کې د افغان سولې په اړه د مفتیانو او دیني عالمانو په ګډه غونډه کې وویل، عربستان او پاکستان په افغانستان کې د سولې راتلو برخه کې مهم رول لري. د نوموړي په وینا، د عربستان او پاکستان دیني عالمان دې په روښانه توګه په افغانستان کې روانه جګړه ناروا اعلان کړي.
د بدخشان ولایت یوشمېر اوسېدونکو دوه ورځې وړاندې په دغه ولایت کې د ناامنیو زیاتېدو او د اوبو او برښنا نه موجودیت له کبله اعتراض وکړ، خو دغه اعتراض پر تاوتریخوالي واوښت او امنیتي ځواکونو پر معترضانو ډزې وکړې چې په ترڅ کې یې درې کسان ووژل شول او ۴۳ نور ټپیان شول.
پرون ورځ په بدخشان کې د څښاک اوبو د شبکې د پرې کېدو، برښنا او د امنیت نهشتون په اړه پراخ لاریون وشو، خو دغه لاریون پر تاوتریخوالي واوښت. د لاریون راغوښتو په اړه څو ورځې کمپاین شوی وو.
عزیزاغا چې د خپلې اته کسیزې کورنۍ مشر زوی او ګټیالی وو. له خپلو ټولو ځوانو هیلو سره خاورو ته سپارل کېږي. هغه ۲۸ کاله عمر درلود او د بغلان پوهنتون د ښوونې او روزنې پوهنځي څخه فارغ شوی وو.
نن د یوشمېر ترانسپورټي او باروړونکو شرکتونو مسوولانو په یوې اعتراضیه غونډه کې د ځمکني ټرانسپورټ د انسجام شورا پر لویو لارو کې د اخاذۍ پر اخیستلو تورونه کړه او وویل چې دغه شورا په ناقانونه توګه له موټر چلوونکو څخه پیسې اخلي.
د لوګر ولایت د عامې روغتیا ریاست چارواکي وایي چې پر کورونا ناروغۍ د اخته کسانو له ډلې لسګونه یې پر رواني ستونزو اخته شوي چې د هرې ورځې په تېرېدو دغه شمېره مخ پر لوړېدو ده.
د اریانا نیوز د خبرونو ویانده مینا خیري چې د پنجشنبې ورځ د کابل ښار په پلسخته سیمه کې پر یوه ټونس ډوله موټر پسې د نښلول شوي ماین چاودنه کې لومړی ټپي او بیا یې په روغتون کې ساه ورکړه، نن خاورو ته وسپارل شوه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون