نیمروز کې پر ډاکټرانو او د درملو پر نه موجودیت د خلکو نیوکې

خالد چې ۲۸ کاله عمر لري او خپل کوچنی ورور یې د زرنج ښار ولایتي روغتون ته د درملنې لپاره بیولی، د ډاکټرانو پر بې‌غورۍ او د درملو پر نه موجودیت نیوکه کوي او وايي، ډاکټران د ناروغانو د درملنې په کیسه کې نه دي.
هغه وايي، د ناروغانو پایوازان اړ دي چې د اړتیا وړ درمل په درملتونونو کې وپېري، خو په وینا یې، دوی یې د پېرلو وسه نه لري.

د ایران سفیر: د افغانستان اقتصادي ستونزې د ترهګرو ډلو لیکې پیاوړې کوي

په کابل کې د ایران سفیر بهادر امینیان ویلي، د افغانستان اقتصادي ستونزې د خلکو لپاره ناورین دی چې له امله یې د پراخې کډوالۍ او د ترهګرو ډلو له لیکو سره په ځانګړې توګه داعش چې د افغانستان او ایران ګډ دښمن دی، د خلکو د یوځای کېدو لامل شوی دی. هغه زیاته کړې چې دغه کار به د ترهګرو ډلو لیکې پیاوړې کړي.

لوګر کې د بانکونو تړل کېدو د خلکو کاروبار خراب کړی

د لوګر یوشمېر اوسېدونکي او سوداګر وایي، د اسلامي امارت له راتګ او دغه ولایت کې د بانکونو له تړلو وروسته د زرګونو کسانو، په ځانکړې توګه د سوداګرو کاروبار خراب شوی او له ګڼو ستونزو سره مخامخ دي.
دوی د اسلامي امارت له مسوولانو غواړي چې ژرترژره د بانکونو فعالیت ته د پخوا په شان اجازه ورکړي، څو سوداګر او عام خلک خپلو پانګو ته لاسرسی پيدا او خپلې چارې پر مخ یوسي.

د ملګرو ملتونو پراختیايي پروګرام په افغانستان کې خپل فعالیت بیا پیل کړ

عبدالمجید چې ۲۳ کاله عمر لري، له سهار نه تر ماښامه کار کوي، څو د هرات ښار کثافات ټول او د اوبو کانالونه پاک کړي. هغه تر دې وړاندې په دولت کې دنده لرله، خو اوس یې له لاسه ورکړې او د ملګرو ملتونو په پروګرام کې کار کوي.
نوموړی چې د خپلې اووه کسیزې کورنۍ سرپرست دی، له نړیوالو سازمانونو غواړي چې نور ورته پروګرامونه هم پیل کړي.

۸۰ سلنه فراهیان په لوږه او بې‌وزلۍ کې ژوند کوي

لوږې او بې‌وزلۍ د فراه ولایت په لرې پرتو سیمو کې لسګونه کورنۍ اړ کړي چې د دغه ولایت مرکز ته را کډه شي او د یوې مړۍ ډوډۍ موندلو لپاره هره دروازه وټکوي.
د فراه یو اوسېدونکی عبدالقادر د دغو کورنیو له ډلې د یوې هغې غړی دی چې د بې‌وزلۍ او ناچارۍ له کبله سختې شپې او ورځې تېروي. دغه کورنۍ بیړنیو بشردوستانه مرستو ته اړتیا لري. هغه وايي، څلور بچیان لري او هرې مرستندویې ادارې ته چې ورغلی، څه یې لاس ته نه دي ورغلي.

د هرات ښاروالي له څوارلس میلیونه افغانیو ډېر عواید را ټول کړي

په هرات ښار کې یو میوه‌ پلورونکی غلام‌نبي وايي چې ښار زموږ خپل کور دی او ټول مسوولان او خلک یې د ساتلو مسوولیت لري.
هغه چې تازه د خپلې هټۍ مالیه د هرات ښاروالي ته ورکړې، د دغې ادارې له مسوولانو غواړي چې را ټولې شوې پیسې پر ښاري خدمتونو ولګوي.

بلخ کې د درملو او امکاناتو نه موجودیت؛ خلک له کلیو ښارونو ته راغلي

د بلخ په ولسوالیو کې د درملو او نورو امکاناتو نه موجودیت هغه ستونزه ده چې له کبله یې سلګونه ناروغان او د هغوی پایوازان مزارشریف ښار ته راغلي او دلته هم د ډاکټرانو او مسوولانو نه پام له ستونزو سره مخ کړي دي. مرتضی چې خپله مور یې د شولګرې ولسوالي له یوه کلي نه ښار ته راوستلې وايي، مزارشریف کې هم درمل او ډاکټر نه پیدا کېږي.

غور ولایت کې ۹۱ روغتیايي مرکزونه تړل شوي

غور کې د طالبانو د عامې روغتیا رییس مولوي احسان‌الله دغه ولایت کې د ۹۱ روغتیايي مرکزونو د تړل کېدو خبر ورکوي او وايي، ګڼ‌شمېر دغه مرکزونه د بودیجې نه‌شتون له امله اړ شوي چې خپل فعالیتونه ودروي.

کابل او ننګرهار کې د طالبانو هوايي ډزې؛ ۱۷ کسانو ته مرګ‌ژوبله اوښتې

بېګاه شاوخوا نهه بجې کابل او ځینې نور ولایتونه د طالبانو د سختو هوايي ډزو شاهدان وو.
د طالبانو د مسوولانو په وینا، په یادو هوايي ډزو کې ۱۷ کسانو ته مرګ‌ژوبله اوښتې ده. که څه هم طالبانو نه ده روښانه چې په دغو کسانو کې څو کسان وژل شوي او څو یې ټپیان دي، خو د راپورونو له مخې، یوازې په کابل کې دوه کسان وژل شوي او درې نور ټپیان دي.

هېواد کې د واک د تشې په اړه اندېښنې

سره له دې چې د طالبانو له خوا د افغان حکومت له نیولو یوه اوونۍ تېرېږي، خو لا هم د واک تشه پر ځای ده او ډېری دولتي ادارې او بانکونه تړلي دي. د چارو ځینې شنونکي د واک تشه او ناڅرګند برخلیک د هېواد پر زیان بولي.

د سیاسي چارو کارپوه او د ولسي جرګې پخوانی غړی شهزاده شاهد اندېښنه ښيي چې ځینې کورنۍ او بهرنۍ کړۍ به د واک له تشې څخه ګټه پورته او هېواد به یو ځل بیا په لوی لاس ناامنیو ته لاړ شي.

د طالبانو د ویاند لومړۍ خبري‌ناسته؛ په ټولنه کې د ښځو حضور ته اړتیا ده

د طالبانو له لوري د کابل تر نیولو دوه ورځې وروسته، د دې ډلې ویاند ذبیح‌الله مجاهد چې له دې وړاندې د نوموړي تصویر په رسنیو کې نه و خپور شوی، په خپله لومړۍ خبري غونډه کې چې بېګاه شپه یې د اطلاعاتو او رسنیو مرکز کې جوړه کړې وه، وایي، په ټولنه کې د ښځو حضور او فعالیت ته شدیده اړتیا ده.

په کندهار، هلمند او هرات ولایتونو کې جګړه لا هم دوام لري

په ولسي جرګه کې د هلمند د خلکو استازي غلام‌ولي افغان سلام‌وطندار ته ویلي چې په مرکز لښکرګاه کې امنیتي وضعیت ترینګلی دی او له کبله یې زرګونه کورنۍ بندې پاتې دي.
د نوموړي په وینا، اوس د هلمند پر امنیې قومانداني، ولایت مقام، محبس او ملي امنیت ریاست سخته جګړه روانه ده چې ملکیانو ته هم په‌کې مرګ‌ژوبله اوښتې ده.

د طالبانو پر ضد د «الله اکبر» نارې په کابل او یوشمېر نورو ولایتونو کې شور جوړ کړ

له هرات وروسته د کابل، خوست، تخار، ننګرهار او بدخشان ولایتونو ډېری اوسېدونکو د افغان ځواکونو په ننګه او له طالب ډلې د کرکې په موخه د «الله اکبر» نارې وکړې. خلک داسې مهال واټونو ته راووتل چې په یوشمېر ولایتونو کې جګړې زور اخیستی او طالبانو د څو ولایتونو په ښارونو کې د جګړې سنګر تود ساتلی دی.