د اسیا کپ کرېکټ په سیالیو کې نن د افغانستان او سریلانکا ترمنځ سیالي وشوه چې افغان ملي لوبډلې سریلانکا ته ۱۷۶ منډې هدف وټاکه.
که څه هم دا یو لوړ هدف و، خو د سریلانکا لوبډله وتوانېدله چې د ۱۹ اورونو په لوبولو سره په څلورو ویکټو دا هدف پوره او افغانستان ته ماتې ورکړي.
افغانستان تر دې مخکې خپله لومړۍ لوبه له سریلانکا نه ګټلې وه. افغانستان به په دغو سیالیو کې له پاکستان او هند سره هم مخامخ شي.
د اسیا کپ سیالي په متحده عربي اماراتو کې کېږي.
