د اسلامي امارت ویاند ذبېحالله مجاهد پر ټویټر لیکلي چې د کابل ښار د شهرنو سیمې اړوند پر یوه هوټل برید د درېوو بریدګرو په وژل کېدو پای ته رسېدلی دی.
د نوموړي په وینا، یاد هوټل کې مېشت مېلمانه ژغورل شوي او هېڅ بهرنی وګړی په دغه برید کې نهدی وژل شوی.
هغه وايي، دوو بهرنیو وګړو د برید پر مهال یې له ودانۍ ځانونه راغورځولي، ټپيان شوي دي.
د راپورونو له مخې، په دغه هوټل کې چینایان او ځینې نور بهرنیان مېشت و.
تر اوسه کوم چا یا وسلهوالې ډلې د دغه برید مسوولیت پر غاړه نهدی اخیستی.
د سلاموطندار پښتو فېسبوکپاڼه وڅارئ
نن ماسپښین شاوخوا دوهنیمې بجې د کابل په زړه شهرنو کې څو پرلهپسې چاودنې وشوې او ورپسې ډزې هم پیل شوې.
