عبدالکبیر: هر ډول نیوکې په ورین تندي منوو

د ریاست‌الوزرا سرپرست عبدالکبیر نن (د غبرګولي څلورمه، د پنجشنبې ورځ) په سپیدار ماڼۍ کې یوې غونډې ته چې د ا.ا لوړپوړي چارواکي په‌کې ناست وو، د وینا پر مهال ویلي چې د افغانستان سرپرست حکومت له نړۍ سره ښې اړیکې غواړي.

د انتیک‌فروشي کوڅې د بازار سوړوالی؛ «په دوو میاشتو کې یو پېرودونکی نه راځي»

کله چې د کابل په نوي ښار کې د انتیک‌فروشي کوڅې ته ورشئ، سترګې به مو د ګوتمیو او لاس‌بندونو په څېر پر هغو توکو ولګېږي چې زمرودو، فېروزې او یاقوتو له قیمتي ډبرو جوړ شوي او د پلورنځیو پر الماریو کې اېښودل شوي دي. برنجي سماوارونو، قالینچو او د سینګار نورو توکو بیا دې کوڅې ته نوره ښکلا هم وربښلې ده.

امیرخان متقي: افغانستان کې د شته ستونزو عاملان «بهرنیان» دي

د بهرنیو چارو سرپرست وزیر امیرخان متقي څو ورځې وړاندې د دغه وزارت پر کارکوونکو د برید قربانیانو د فاتحې مراسمو کې وویل چې افغانستان کې د شته ستونزو عاملان «بهرنیان او یرغلګر» دي. بله‌خوا سیاسي فعال جمعه‌خان پویا وايي، په افغانستان کې د حکومتونو یو فرهنګ دا دی چې تل د شته ستونزو پړه پر نورو وراچوي او سرچینه یې له بهره ګڼي.

د ا.ا ویاند: د کابل شهرنو کې پر هوټل برید پای ته ورسېد

د اسلامي امارت ویاند ذبېح‌الله مجاهد پر ټویټر لیکلي چې د کابل ښار د شهرنو سیمې اړوند پر یوه هوټل برید د درېوو بریدګرو په وژل کېدو پای ته رسېدلی دی.
د نوموړي په وینا، یاد هوټل کې مېشت مېلمانه ژغورل شوي او هېڅ بهرنی وګړی په دغه برید کې نه‌دی وژل شوی.
هغه وايي، دوو بهرنیو وګړو د برید پر مهال یې له ودانۍ ځانونه راغورځولي، ټپيان شوي دي.

اسلامي امارت: بهرنیان دې کورنیو موضوعاتو کې خپلې غوښتنې پر موږ نه تحمیلوي

څه باندې یو کال تېر شو چې هېواد کې اسلامي امارت واکمن دی او سره له دې چې تر اوسه هېڅ هېواد په رسمیت نه دی پېژندلی، خو لا هم خپل کار ته دوام ورکوي.
په دې موده کې افغانان په بېلابېلو برخو کې له سختو ستونزو او ننګونو سره لاس او ګرېوان وو چې له کبله یې سرپرست حکومت له نړیوالو فشارونو سره هم مخ دی.

کرنې وزارت د نړیوالو مرستو جلب لپاره ښځینه کارکوونکې یوازې غونډو ته رابولي

د کرنې، اوبو لګولو او مالدارۍ وزرت یو‌شمېر ښځینه کارکوونکې وايي چې د دغه وزارت مسوولان د مرستو راجلبولو لپاره د یاد وزارت یو‌شمېر ښځینه کارکوونکو ته له بهرنیانو سره په ناستو کې د ګډون بلنه ورکوي. د کرنې وزارت د کورني اقتصاد ریاست یوه کارکوونکې سجیه وايي چې هره میاشت معاش اخلي، خو د کورنیو برخو کې د ښځو فعالیت درېدلی دی.

د بهرنیو ځواکونو افغان همکاران: له هېواده د اېستلو هڅه مو نه ده شوې

یو‌شمېر افغانان چې کلونه یې له بهرنیو ځواکونو سره په افغانستان کې دنده ترسره کړې، وايي چې له هېواده د دوی د وتلو لپاره هېڅ هڅه نه ده شوې او د وتلو له بهیر څخه پاتې دي. دوی وايي، سره له دې چې په وار وار یې له اړونده چارواکو او بنسټونو سره اړیکه نیولې او د مرستې غوښتنه یې کړې ده، خو ځواب یې نه دی تر لاسه کړی.

دلاور: امریکا په افغانستان کې له طالبانو د اډو غوښتنه کوله

د طالبانو د سیاسي دفتر غړي شهاب الدین دلاور نن کابل کې د قومي مشرانو یوې غونډې ته په وینا کې وویل چې امریکا له دوی څخه په افغانستان کې د دایمي اډو غوښتنه کوله چې دوی یې مخالفت کړی دی. دلاور وویل چې هېڅکله به هم اشغالګرو ته په خپله خاوره کې ځای ورنه کړي.