دفاع وزارت: پر «منصوري» او «عزم» قول‌اوردوګانو هوایي بریدونه نه دي شوي

د ملي دفاع وزارت په پکتیا کې پر منصوري او د هلمند په ګرشک ولسوالي کې پر عزم قول‌اردوګانو هوايي بریدونه رد کړل.

د دغه وزارت ویاند عنایت‌الله خوارزمي نن پر خپلې ټویټرپاڼې لیکلي چې پر یادو قول‌اردوګانو د بریدونو ادعاوې او په اړه یې خپاره شوي خبرونه ناسم دي.

دا په داسې حال کې ده چې ځینو رسنیو راپور ورکړی چې د هلمند په ګرشک ولسوالي کې د اسلامي امارت پر یوه مرکز هوایي برید شوی دی.