د کابل ښار یوشمېر اوسېدونکي سلاموطندار ته وايي چې د څو ورځو راهیسې د پلازمېنې په بازارونو کې د ترکاري بیې لوړې شوي او دوی یې د پېرلو توان نهلري.
د پلازمېنې اوسېدونکي همداراز شکایت کوي چې ځینې ترکاري لکه رومیان په بازار کې کم شوي دي.
د سلاموطندار پښتو فېسبوکپاڼه وڅارئ
په همدې حال کې د کابل د ترکاري او تازه مېوو مارکېټونو کې پلورونکي بیا د هېواد په بازارونو کې د ترکاري د بیو لوړېدو اصلي لامل پاکستان ته د ترکاري صادرول په ګوته کوي. دوی وايي چې پاکستان د ترکاري لېږد لامل شوی چې د هېواد په بازارونو کې کمه شي.
ترکاري پلورونکي له ا.ا غواړي چې پاکستان ته د ترکاري د لېږد مخه ونیسي او د هېواد په بازارونو کې دې د ترکاري بیې کنټرول کړي.
بلخوا د سوداګرۍ او صنعت وزارت چارواکي سلاموطندار ته وايي چې د کرنیزو محصولاتو په ډېرېدو سره یې بهر ته صادرات هم زیات شوي دي.
د سوداګرۍ او صنعت وزارت ویاند احمدجواد دبیر د کابل په بازارونو کې د ترکاري کمښت د هېواد په یوشمېر ولایتونو کې وروستي سېلابونه یادوي چې د بزګرانو کښتونه یې لهمنځه وړي دي.
نوموړی همداراز وايي چې پاکستان ته د ترکاري د صادراتو په ډېرېدو سره د ترکاري د خرابېدو مخه نیول شوې ده. د نوموړي په وینا چې د تېرو ورځو په پرتله د کابل په بازارونو کې د ترکاري بیه له ۲۰ تر ۴۰سلنه راټيټه شوې ده.
سلاموطندار پر ټویټر هم وڅارئ
د یادونې وړ ده چې پاکستان ته له افغانستان څخه د ترکاري صادرات داسې مهال زیات شوي چې د دغه هېواد د کرنیزو ځمکو ډېره برخه وروستیو سېلابونو ویجاړه کړې ده.