یاده غونډه چې پرون «شنبه چنګاښ ۲۴مه» د بلخ مرکز مزارشریف ښار کې جوړه شوې وه، له حکومت وغوښتل چې افغانستان کې د سویډن کمېټې د فعالیتونو ځنډېدو پر پرېکړې بیاکتنه وکړي.
د سلاموطندار پښتو فېسبوکپاڼه وڅارئ
د غونډې یوه ګډونوال سیدمحمد یزدانپرست افغانستان کې د سویډن کمېټې د فعالیتونو ځنډېدو په اړه د اندېښنې ترڅنګ وویل چې د یادې کمېټې فعالیتونه دې بېرته ژر تر ژره پیل شي.
هغه سلاموطندار ته وویل چې د سویډن کمېټې فعالیتونو په ځنډېدو سره معلول کسان له روغتیايي، شغلي او ښوونیزو فرصتونو محروم شوي دي.
بلخ کې د نابینایانو ټولنې مسوول او معلول عبدالرحیم صفا وویل چې سرپرست حکومت د سویډن کمېټې فعالیتونو لپاره بدیل خدمات نهلري او په وینا یې، د یادې کمېتې فعالیتونه باید بېرته پیل شي.
یوه بل معلول عبدالباسط هم افغانستان کې د سویډن کمېټې د فعالیتونو بیاپیل غوښتنه کوي او وايي: «د یوه سویډني جنایت باید د یاد سازمان پر خدمتونو اغېز ونهکړي.»
د افغانستان سرپرست حکومت د روانې چنګاښ میاشتې په ۲مه سهشنبه سویډن کې د یوه عراقي کډوال له لوري د قرانکریم د یوې نسخې سوځولو په غبرګون کې افغانستان کې د سویډن کمېټې او د دغه هېواد اړوند بنسټونو ټول فعالیتونه ځنډولي دي.
د افغانستان لپاره د سویډن کمېټه د یاد هېواد تر ټولو لوی سازمان دی چې له تېرو ۴۰ کلونو راهیسې د هېواد په ۱۹ ولایتونو کې خلکو ته روغتیايي، محلي حکومتولي او معلولو کسانو ته خدمات وړاندې کوي.
