د بېپولې خبریالانو سازمان د افغان خبریالانو پر وړاندې د ګواښونو له داوم څخه د تازه رپوټ په خپرولو سره اندېښنه ښوولې او ویلي یې دي چې په دې وروستیو دوو میاشتو کې د خبریالانو احضار او خپلسره نیونې زیاتې شوي دي.
دغه سازمان ټینګار کړی، چې د اسلامي امارت واکمنېدو راهیسې، د خبریالانو او د رسنیو کارکونکو د نیولو ۵۰ موارده ثبت شوي، چې ځینې یې تاوتریخوالي هم له ځانه سره لري.
د سلاموطندار پښتو فېسبوکپاڼه وڅارئ
د بېپولې خبریالانو سازمان د اسلامي امارت او د امرباالمعروف او نهيعنالمنکر وزارت له خوا د خبریالانو پر وړاندې ګواښوونه او د رسنیو کارونو کې لاسونه، د ټولیزو رسنیو قانون سره په ټکر کې بولي او غندنه یې کوي.
د خبریالانو نړیوال فدراسیون هم یوه اعلامیه کې افغانستان کې د رسنیو د کارکوونکو نیول، وژل او پر وړاندې یې د بریدونو زیاتېدل، د رسنیو ازادۍ ته د اسلامي امارت بېاعتنايي او د ورځپاڼهلیکونکو ځورول بولي.
اعلامیه کې ویل شوي چې د ۲۰۲۱ کال اګست میاشت راهیسې، افغانستان کې د ۳۱۸ رسنیو فعالیت بند شوی او د پنځه زره او ۹۶ خبریالانو له ډلې چې د اسلامي امارت له تسلط وړاندې یې کار کاوه، یوازې دوه زره او ۳۳۴ کسان کار کوي.دغه فدراسیون له اسلامي امارت څخه غوښتي چې د «افغانستان رسنیو ته سپکاوی» پایته رسووي.
دې سره اسلامي امارت د خبریالانو او رسنیو وضعیت څخه د اندېښنو په غبرګون کې ویلي، چې دوی د رسنیو ازادۍ ته ژمن دي او پر وړاندې یې د خنډونو لرې کولو لپاره هڅې کوي.
د اسلامي امارت ویاند ذبیحالله مجاهد پر ټویټرپاڼه لیکلي، رسنۍ هم مکلفیت لري چې بېپرې او اسلامي او ملي ارزښتونوته ژمنې وي او د رسنیو قانون ته درناوی ولري.
د هغه په وینا، په دې اړه خپاره شوي رپوټونه او اندېښنې تر غور لاندې دي.
دغه اندېښنې داسې مهال مطرح کیږي چې دې وروستیو میاشتو کې د رسنیو ملاتړ بنسټونو او خبریالانو په وار وار افغانستان کې د رسنیو او د بیان ازادۍ پر وړاندې د محدویتونو وضع کول او د ځپلو لپاره هڅې یې محکومې کړي او هغه یې د بشري حقونو تر پښو لاندې کول بللي دي.
