یونیسف: پر خوست او کونړ د پاکستان هوايي بریدونو کې ۲۰ ماشومان وژل شوي
د ماشومانو لپاره د ملګرو ملتونو د ملاتړې ادارې یا یونیسف، استازی محمد اګ ایویا ویلي چې پر خوست او کونړ د پاکستاني ځواکونو د هوايي بریدونو په پایله کې ۲۰ ماشومان وژل شوي دي.
د ماشومانو لپاره د ملګرو ملتونو د ملاتړې ادارې یا یونیسف، استازی محمد اګ ایویا ویلي چې پر خوست او کونړ د پاکستاني ځواکونو د هوايي بریدونو په پایله کې ۲۰ ماشومان وژل شوي دي.
د افغانستان لپاره د امریکا د بهرنیو چارو وزارت ځانګړي استازي توماس وېسټ له پخواني ولسمشر حامد کرزي سره ټیلیفوني خبرې کړې دي. نوموړي د کابل په لوېدیځ کې پر دوو ښوونیزو مرکزونو شوي بریدونه وحشیانه بللي او د نجونو پر زدهکړو د محدودیتونو له دوام څخه یې اندېښنه څرګنده کړې ده.
د اسلامي امارت د استخباراتو عمومي ریاست مرستیال رحمتالله نجیب پرون کابل کې د یوې ولسي غونډه پرمهال وویل چې د مخکیني جهموري نظام پر مهال جوړ شوی، د پوهنې ښوونیز نصاب له اسلامي شریعت سره په ټکر کې دی.
د ماشومانو لپاره د ملګرو ملتونو د ملاتړې ادارې یا یونیسف د نړیوالو اړیکو مسوولې پالومه سکودرو ویلي چې څو لسیزو جګړو، وچکالۍ او د افغانستان مخ پر ودي اقتصاد پاشلتیا لامل شوی چې ماشومانو لپاره یو بېمخینې بشري ناورین رامنځته کړي. نوموړې ټينګار کړی چې یونیسف له تېرو ۷۰ کلونو راهیسې افغانستان کې د نجونو او ماشومانو لپاره کار کوي او له دې وروسته به هم له دغه هېواد څخه خپل ملاتړ ته دوام ورکړي.
د افغانستان د ځواکمنو ښځو غورځنګ له شپږم ټولګي پورته د نجونو د ښوونځیو پر تړل پاتېدو نیوکه وکړه. د دغه غورځنګ غړو نن کابل کې یوې خبري غونډې ته وویل، زدهکړه د ښځو اساسي حق ده او اسلامي امارت دې ژر تر ژره پر خپلې پرېکړې بیا کتنه وکړي.
په میدان وردګ ولایت کې روغتیايي چارواکي وايي چې د دغه ولایت اړوند د چک ولسوالي په روغتون کې یوې مور د جراحي عملیاتو په واسطه دوه غبرګوني ماشومان زېږولي، خو ماشومان د خېټې په برخه کې یو له بل سره نښتي دي.
د امریکا د بهرنیو چارو وزارت له اسلامي امارت څخه غوښتي چې له شپږم ټولګي پورته د نجونو زدهکوونکو ښوونځي له کوم ځنډ پرته بېرته پرانیزي. د دغې وزارت ویاند نیډ پرایس په یوې غونډه کې خبریالانو ته ویلي چې له شپږم ټولګي پورته د نجونو زدهکوونکو د ښوونځیو تړل پاتې کېدل، په دغه هېواد کې میلیونونه افغانان ناهیلي کړي دي.
د اسلامي امارت د پوهنې وزارت مسوولان وايي چې له شپږم ټولګي پورته د نجونو زدهکوونکو د ښوونځیو د بیا پرانستلو لپاره هڅې روانې دي او په دې برخه کې تر یوه بریده پرمختګ شوی دی.
د ننګرهار د کار او ټولنیزو چارو رییس فریدالله حقاني وایي، دغه مرسته د خوړو نړیوال سازمان لخوا د BFANO ادارې په تخنیکيهمکارۍ شوې ده. حقاني وایي چې دغه مرسته هغو مېرمنو ته ورکړل شوه چې څلور میاشتې د ګلدوزۍ، خیاطۍ، حجاب او د ماشومانو دبسترو د جوړونې په برخو کې ورته روزنه ورکړل شوې وه.
د کډوالو په چارو کې د ملګرو ملتونو عالي کمېشنرۍ «UNHCR» په افغانستان کې د ناورین د ډېرېدو په اړه اندېښنه ښودلې او ویلي یې دي چې دغه هېواد د خوراکي توکو له کمساري کمښت او خوارځواکۍ سره مخ دی. دغې ادارې پر خپل ټویټرپاڼه لیکلي. د افغانستان ناورین تر بل هر چا ښځې او ماشومان ډېر ځپلي دي.
د هرات د ښځو د سوداګرۍ او صنایعو خونې مسوولان وايي، دوی له ډېرو هڅو وروسته بریالي شو چې د ښځو د فعالیتونو په برخه کې د اسلامي امارت، سوداګرو او یوشمېر هېوادونو ملاتړ راجلب او خپل فعالیتونه بېرته پیل کړي. دوی له ا.ا غواړي چې ښځو ته د هېواد د پرمختګ په برخه کې ونډه ورکړي.
شاوخوا اته میاشتې کېږي چې له شپږم ټولګي پورته نجوني ښوونځي ته د تلو اجازه نه لري، سره له دې چې د اسلامي امارت د پوهنېوزارت ژمنه کړې وه چې د وري په درېمه نېټه به ټول ښوونځي د زده کونکو پر مخ پرانیستل شي، خو هغوی پر خپلې ژمنې عمل ونه کړ اوله شپږم ټولګي پورته نجونو لپاره د ښوونځیو دروازې نه دي پرانیستل شوي.
د ماشومانو لپاره د ملګروملتونو ملاتړي ادارې یا «یونیسف» اعلان کړی چې د بریټانیا په مالي مرسته یې په دایکندي ولایت کې پر څه باندې ۶۰۰۰ کورنیو بېړنۍ نغدي مرستې وېشلې دي.
د اروپايي ټولنې، فرانسې، المان، ایټالیا، ناروې، بریټانیا او د امریکا ځانګړیو استازیو پرون جمعه په یوې ګډه خبرپاڼه کې ویلي، له دې وروسته د دوی مرستې د اسلامي امارت کړنو پورې تړلې دي. په خبرپاڼه کې راغلي چې اسلامي امارت له ښځو او قومي لږکیو سره ښه چلن نه لري.
اغاشيرين چې د ترينکوټ ښار په يوه مارکېټ کې په لاس د جوړو شویو غاړو او نورو بېلابېلو توکو کاروبار کوي، وايي چې اوس ورسره په دې کار کې شاوخوا ۶۵۰ کونډې مېرمنې پر کار بوختې دي.
نوموړی وايي چې دغه بېسرپرسته مېرمنې ورسره په ورځنۍ مزدورۍ کار کوي او د غاړو او نورو ګنډونو په بدل کې پیسې ورکوي.
د ننګرهار سیمهییزې سرچینې سلام وطندار ته وایي چې د دغه ولایت په هسکې مېنې ولسوالي کې د هاوان مرمۍ د چاودنې له امله یو ماشوم وژل شوی او مور یې ټپي شوې ده.