له یوه کاله ډېره موده وشوه چې اسلامي امارت افغانستان کې واک ته رسېدلی، خو لا یې هم د ګڼشمېر نجونو پر مخ د ښوونځيو دروازې تړلې دي. اسلامي امارت تر اوسه هېواد کې له شپږم ټولګي د پورته نجونو ښوونځي نه دي پرانېستي. شریفه چې د یوولسم ټولګي زدهکوونکې ده وايي، د ښوونځیو په تړل کېدو سره یې د روښانه راتلونکې لرلو هیلې له لاسه ورکړې دي.
د بشريحقونو څار بنسټ د ښځو برخې مرستیالې هیدر بار د المان له هغې نوې طرحې هرکلی کړی چې له مخې یې دغه هېواد له ګواښ سره مخ افغانان المان ته لېږدوي.
غزني کې یوشمېر نجونې زدهکوونکې وايي چې دغه ولایت کې د ښوونځیو تړلي پاتېکېدو وروسته لسګونه نجونو زدهکوونکو د خیاطۍ زدهکړې ته مخه کړې ده.
پکتیا کې د تېرو جګړو او د سږکال اورښتونو له امله د مرکز ګردېز په ګډون بېلابېلو سیمو ته شاوخوا ۳۰۰۰ کورنۍ بېځایه شوي چې د ژمي په رارسېدو سره له ګڼو ستونزو سره مخ دي.
د بهرنیو چارو وزارت ویاند عبدالقهار بلخي شنبه شپه د تلې ۳۰مه پر خپله ټوېټرپاڼه لیکلي، د بشريحقونو برخه کې د افغانستان لپاره د ملګرو ملتونو ځانګړي رپورټر ریجارډ بنټ د بهرنیو چارو وزارت له سیاسي مرستیال شېرمحمد عباس ستانکزي سره کتلي دي. د یادې کتنې د کره نېټې په اړه څه نه دي ویل شوي.
د پروان د تخنیکي او مسلکي زدهکړو انسټیټیوټ یوشمېر زدهکوونکې وايي چې د دغه انسټیټیوټ تړلکېدو اندېښمنې کړې دي.
د بښنې نړیوال سازمان ویلي چې د کابل پوهنتون له لیلیې څخه د نجونو زدهکړیالانو د شړلو په اړه د رسنیو راپورونه د اندېښنې وړ دي.
څو ورځې وړاندې د کابل پوهنتون مسوولانو له پوهنتون او لیلیې څخه یې یوشمېر نجونې زدهکړیالانې وشړلې.
د کډوالو او بېرته راستنېدونکو چارو وزارت مالي او اداري مرستیال محمدارسلاح خروټي هغه راپورونه رد کړل چې ګواکې په دغه وزارت کې ښځو ته د کار اجازه نه ورکول کېږي.
نوموړي نن په یوه خبري غونډه کې وویل چې په دې اړه خپاره شوي راپورونه ناسم او د سیاسي موخو لپاره دي.
روزګان کې یوې سرچینې د نوم نه ښودلو په شرط سلاموطندار ته ویلي، د دغه ولایت په مرکز ترینکوټ ښار کې بېګاه شپه یوه کس خپله مېرمن په وهلو ډبولو وژلې ده.
یوشمېر نجونو زدهکړیالانو نن (سهشنبه، تلې ۲۶مه) د کابل پوهنتون له لیلیې څخه د دوی د شړلو له امله د یاد پوهنتون د دروازې مخې ته اعتراض کړی دی.
اعتراض کوونکو له ځان سره د «تحصیل، زموږ سره کرښه ده»، «موږ یې د لوستلو په جرم له پوهنتون وشړلو» شعارونه لېږدول.
د ا.ا د سرپرست حکومت ویاند ذبېحالله مجاهد د دیني عالمانو په اوومه نړیواله غونډه کې د ګډون په موخه ترکیې ته تللی، نن یې په یاده غونډه کې وینا کړې ده.
هغه په دې نړیواله غونډه کې ویلي چې افغانستان کې به له شپږم ټولګي د پورته نجونو ښوونځي هرومرو پرانېستل کېږي.
افغانستان په داسې حال کې د ملګروملتونو د بشری حقونو شورا کې له څلورو ټاکل شویو څوکیو څخه د یوې ترلاسه کولو لپاره په سیالي کې شو چې د اسیاـ پاسفیک لپاره ځانګړې شوې وې.
د کاپیسا د تګاب ولسوالي محلي مسوولانو په تازهګۍ سره د دغه ولسوالي له ښځو غوښتنه کړې چې له شرعي محرم پرته دې په بازار کې د هټیو دننه خپل د اړتیا وړ توکي نه پېري. په همدې حال کې د تګاب یوه بل اوسېدونکي شمیم سلاموطندار ته وايي، هټۍوال نشي کولای چې د ښځو د اړتیا وړ ټول توکي له دوکان د باندې کېږدي.
ملګروملتونو د جنسیتي برابري او عامه پوهاوي لوړولو په هدف د اکټوبر ۱۱مه د کوچنیو نجونو نړیوالې ورځې په نوم نومولې ده.
د ملګروملتونو سرمنشي انټونیو ګوټرېش نن سهشنبه د اکټوبر پر یوولسمه چې د کوچنیو نجونو نړیوالې ورځې سره برابره ده، افغانستان کې له ښوونځیو څخه د نجونو پر محرومیت اندېښنه ښودلې ده.
د ا.ا ویاند ذبېحالله مجاهد بېګاه ناوخته د یوې خبرپاڼې په خپرولو سره ویلي، د ا.ا مشر هبتالله اخندزاده د استخباراتو عمومي ریاست له مسوولانو او د ۳۴ ولایتونو د استخباراتو له رییسانو سره کتلي دي. نوموړي زیاته کړې چې د اسلامي امارت مسوولان به هغه ته حساب ورکوي چې د تېر یوه کال په موده کې یې څومره شریعت تطبیق کړی دی.
د میدانوردګ محلي مسوولان وايي چې دغه ولایت کې یوې مېرمنې خپله دولس کلنه بنزۍ سخته وهلې چې له امله یې ساه ورکړې ده.
