د اسلامي امارت د پوهنې وزارت تېره پنجشنبه اعلان وکړ چې په وري میاشت کې به په ټول هېواد کې د نجونو او هلکانو ښوونځي بېرته پرانستل شي. په همدې حال کې د یاد وزارت ویاند د ښوونځیو د بیاپرانستلو لپاره د چمتووالي خبر ورکوي. عزیزاحمد ریان سلاموطندار ته وايي، په پلازمېنه کابل او یوشمېر ولایتونو کې د کتابونو د وېش لړۍ روانه ده.
سلاموطندار د تېرې اوونۍ د پنجشنبې پر ورځ په فاریاب کې د یوې کورنۍ په اړه راپور خپور کړ چې د بېوزله له کبله یې خپل لس کلنه لور د میمنې ښار بازار ته د پلور لپاره راوستې وه چې وروسته د نجلۍ پلار هغه پر یوه کس وپلورله. له یوې خیرغوښتونکې مېرمنې سره د سلاموطندار په همغږۍ، پلورل شوې نجلۍ بېرته خپلې کورنۍ ته ستنه کړل شوې ده.
د ملګروملتونو سرمنشي انتونیو ګوترېش د اسلامي امارت له لوري د نجونو او هلکانو پر مخ د ښوونځيو د پرانیستلو له اعلان څخه هر کلی کړی دی.
په کندهار کې نن پنجشنبه د بېنوا لوړو زدهکړو موسسې څخه ۱۹۳ نجونې او هلکان د انجنیري او کمپیوټر ساینس پوهنځیو څخه فارغ شول.
د افغانستان او اوکراین یوشمېر ښځو په یوې ناسته کې له نړیوالې ټولنې غوښتنه وکړه چې د دواړو هېوادونو د ښځو، سولې او امنیتي وضعیت ته پام وکړي.
د بشري حقونو د څار ادارې د ښځو برخې مرستیالې هیدر بار، کابل ته د کډوالو په چارو کې د ملګروملتونو د عالي کمیشنر فیلیپو ګراندي له سفر سره هممهاله، له هغه غوښتي چې د اسلامي امارت له خوا د افغان ښځو پر بهرني سفر د بندیز لرې کولو په اړه دې خبرې وکړي.
د افغانستان د موج تحول ګوند نن کابل کې د مارچ اتمه، د ښځو د یووالي نړیواله ورځ ونمانځله او له اسلامي امارت څخه یې غوښتنه وکړه چې ښځو ته د زدهکړې او کار حق ورکړي.
د ملګرو ملتونو د بشري حقونو عالي کمېشنرې میشل باشله ویلي، افغان مېرمنو ته باید د رهبرۍ فرصت ورکړل شي څو د سولې، بشري او پرمختیايي بهیرونو کې د بدلون او په هېواد کې د سولې او پرمختګ په برخه کې فعاله ونډه واخلي.
د اسلامي امارت له راتګ سره هممهاله پر رسنیو د بندیزونو پر دوام په ګڼشمېر ولایتونو کې رسنیو خپل فعالیتونه پرېښي دي. په دې لړ کې هلمند هم هغه ولایت دی چې پر رسنیو یې د محدودیت له امله ټولو ښځینه خبریالانو یې خپلې دندې له لاسه ورکړي دي.
د فاریاب ولایت مرکز میمنې ښار اړوند بازار کې یوه پلار د بېوزلۍ او ناچارۍ له کبله خپله کوچنۍ لس کلنه لور د ۲۰۰زره افغانیو په بدل کې خرڅلاو ته وړاندې کړې ده.
دغه کس نن د میمنې ښار بازار ته راغلی او د خپلې کوچنۍ لس کلنې لور د خرڅولو لپاره د پېردونکي په لټه کې دی.
په بغلان کې یوشمېر ښځو د مارچ اتمې یا د ښځو د یووالي نړیوالې ورځې په مناسبت د «اسلام له نظره د ښځو حقونو» تر عنوان لاندې غونډه جوړه کړې وه.
د مارچ اتمه نېټه یعنې د ښځو پیوستون نړیوالې ورځې سره هممهاله د ښځو نهضت بنسټ غړي د اسلامي امارت له چارواکو څخه مشخصې غوښتنې لري. د دغه بنسټ غړي د خپلو اساسي غوښتنو په ترلاسه کولو ټینګار کوي. د هغوی په وینا، اسلامي امارت باید ښځو ته په ټولنه کې د ګډون زمینه برابره کړي او هغوی ته د فعالیت اجازه ورکړي.
ولایتونو کې د رسنیو مسوولان وايي، د اسلامي امارت په راتګ سره د سیمهییزو خبریالانو په وړاندې بندیزونه زیات شوي. دوی وایي چې د خپلو ریپوټونو چمتو کولو لپاره باید لومړی د اسلامي امارت د اطلاعاتو او فرهنګ ریاست اجازه ترلاسه کړي.
نن د مارچ اتمه د ښځو د پیوستون نړیواله ورځ ده. د دغې ورځې په رارسېدو سره، سلاموطندار تېر یوه کال کې د افغان مېرمنو وضعیت څرنګوالی ارزولی دی. د اسلامي امارت د حکومت په لومړیو ورځو کې د ښځو د ملاتړ تر ټولو ستر بنسټ، د چارو وزارت لغوه شو.
دې وروستي کال کې له سیاسي، ټولنیز، کاري او ښوونیز اړخه د ښځو وضعیت د پام وړ بدلون کړی دی. تېرو شلو کلونو کې ښځو د مخکېنیو حکومتونو ټولو برخو کې حضور درلود.
د خبریالانو خوندیتوب کمېټې نن د مارچ اتمې یا د ښځو د نړیوالې ورځې په مناسبت په یوې خبرپاڼه کې ویلي، په وروستیو څو میاشتو کې په هېواد کې د ښځینه خبریالان وضعیت د اندېښنې وړ دی. د دغه بنسټ په وینا، تراوسه د هېواد په ګڼشمېر ولایتونو کې ښځو د دې اجازه نه ده ترلاسه کړې، څو په رسنیو کې کار او شمېر یې کم شوی دی.
پاکستاني رسنیو رپوټ وکړی چې د دغه هېواد په پنجاب ایالات کې یوه کس خپله د اوو ورځو نوې زېږېدلې لور وژلې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
