د اطلاعاتو او کلتور وزارت د رسنیو پر نشراتو د څار رییس عبدالحق حماد منلې چې امنیتي ادارو د پوهنتون استاد اسماعیل مشعل بیولی دی. حماد پر ټویټر لیکلي چې مشعل د څېړنو لپاره بیول شوی دی. هغه تور لګولی چې مشعل د نظام پر وړاندې «پاروونکې کړنې» سر ته رسولې او خبریالان یې پر ځان را ټول کړي وو چې پر سړک یې بیروبار هم جوړ کړی و.
د امریکا د بهرنیو چارو وزیر انټوني بلېنکن سیمې ته د افغانستان لپاره د دغه هېواد د ځانګړي استازي ټوماس وېسټ له سفر سره هممهاله ویلي، که ا.ا پر افغان ښځو لګېدلي محدودیتونه لرې نه کړي، نور فشار به هم پرې راوړي. خو د ا.ا د ویاند مرستیال بلال کریمي وايي، د ملي ګټو او اسلامي ارزښتونو پر بنسټ به خپلې تګلارې ته دوام ورکړي.
هېواد کې یوشمېر سوداګرې ښځې وايي چې د اسلامي امارت له بیا واکمنېدو راهیسې یې کاروبار خراب شوی دی.
دغو سوداګرو مېرمنو سلاموطندار ته وویل چې د اسلامي امارت له واکمنۍ مخکې به یې یوشمېر هېوادونو ته خپل سوداګریز توکي لېږل، خو اوس یې کاروبار خورا محدود شوی دی.
د هېواد په ځینو ګرمسېرو ولایتونو کې زدهکوونکې وايي چې له نږدې دوو کالونو راهیسې د ښوونځیو دروازو بېرته پرانېستلو ته شېبې شماري.
د امریکا د بهرنیو چارو وزارت په یوې خبرپاڼه کې ویلي چې د افغانستان لپاره د دغه هېواد ځانګړی استازی توماس وېسټ پاکستان، المان او سویس ته سفر کوي.
د امریکا د بهرنیو چارو وزارت په خبرپاڼه کې راغلي چې دغه سفر د جنورۍ ۲۹مې نېټې څخه پیل شوی او د فبرورۍ تر څلورمې به دوام ولري.
له شپږم ټولګي پورته یوشمېر نجونې زدهکوونکې د زدهکړو د دوام په اړه د اندېښنې په څرګندولو سره وايي، خپلې تحصیلي راتلونکې ته ناهیلې شوي دي.
دوی سلاموطندار ته وايي، تمه یې لرله چې بېلابېلو څانګو کې لوړې زدهکړې وکړي، خو د هغوی پرمخ د پوهنتونونو تړل کېدو او د ۱۴۰۲ کال کانکور ازموینې څخه د نجونو راګرځولو اندېښمنې کړي دي.
د لوړو زدهکړو وزارت په یوه مکتوب کې له خصوصي پوهنتونونو او موسسو څخه غوښتي چې نجونې محصلانې ونه نیسي. د لوړو زدهکړو وزارت دغه مکتوب نن پر ټولنیزو رسنیو لاس په لاس کېږي.
د اسلامي امارت د پوهنې وزارت د زدهکړو نړیوالې ورځې په مناسبت یوه خبرپاڼه کې لیکلي چې زدهکړې د هر افغان لپاره اړینې دي.
دغه وزارت افغان ولس او نړیوالې ټولنې ته ډاډ ورکړی چې افغانانو ته به د معیاري زدهکړو د اسانتیاوو برابرولو لپاره هڅې کوي.
نن د سلواغې څلورمه او د جنوري ۲۴مه، د زدهکړو له نړیوالې ورځې سره برابره ده. یونسکو سږ کال داسې مهال دا ورځ افغان نجونو ته ځانګړې کړې چې اسلامي امارت د افغان نجونو پر مخ د ښوونځي او پوهنتون دروازې تړلې دي. افغان نجونې وايي، واک ته د ا.ا له رسېدو سره سم له زدهکړو بېبرخې شوي او اوس یې بېخي هیلې له لاسه ورکړې دي.
د ملګروملتونو سرمنشي انټونیو ګوټرېش د زدهکړو د نړیوالې ورځې په مناسب پر خپله ټوېټرپاڼه لیکلي، اسلامي امارت دې د نجونو د زدهکړو پر وړاندې تبعیضي چلند پای ته ورسوي. نوموړي لیکلي: «زه پر اسلامي امارت غږ کوم چې د نجونو د ثانوي، لېسې او لوړو زدهکړو ته د لاسرسي په اړه خپل ظالمانه محدودیتونه لغوه کړي.»
د بامیان محلي مسوولان وايي، دغه ولایت کې دوو ښځو ځانوژنه کړې او ژوند ته یې د پای ټکی اېښی دی. د بامیان د امنیې قومنداني د رسنیو دفتر په یوې خبرپاڼه کې ویلي، د یاد ولایت سیغان ولسوالي کې یوې ۱۶کلنې نجلۍ او د یکاولنګ نمبر۱ ولسوالي کې یوې ۵۰کلنې مېرمنې ځانوژنه کړې ده. د بامیان د امنیې قومنداني د خبرپاڼې له مخې، تراوسه معلومه نه ده چې دغو دوو ښځو ولې ځانوژنه کړې..
د افغانستان د قرغېز قوم چې د بدخشان د واخان ولسوالي په پامیر غرونو کې اوسېږي، د ژوند له لومړیو امکاناتو هم بېبرخې دي او لا هم د سخت ژوند شپې او ورځې پرې سبا کېږي.
دوی وايي، تر اوسه په دې سیمه کې روغتیایي، مخابراتي او ټرانسپورټي اسانتیاوو ته لاسرسی نه لري.
د ملګرو ملتونو د یونسکو برخې سږ کال د «ښوونې او روزنې» نړیواله ورځ چې د جنوري ۲۴مه ورځ ده، هغو افغان نجونو او ښځو ته ځانګړې کوي چې له زدهکړو بېبرخې شوې دي.
یونسکو نن د یوې خبرپاڼې په خپرولو سره له اسلامي امارت څخه غوښتي چې ژرترژره د افغان نجونو او ښځو پر زدهکړو بندیزونه لرې کړي.
افغانستان ته د ملګرو ملتونو راغلی پلاوی پرون کندهار ته تللی او هلته یې د دغه ولایت له مسوولانو سره په خبرو کې ویلي چې غواړي له نړیوالې ټولنې سره د اسلامي امارت اړیکې پیاوړې کړي.
د روزګان ولایت مسوولان وايي چې یوه کس د دغه ولایت په چهارچینو ولسوالي کې خپله مېرمن په مرمۍ وژلې ده.
د روزګان د والي ویاند احسانالله حماس سلاموطندار ته وويل چې د محمدنسيم په نوم دغه کس تېره ورځ خپله مېرمن وژلې ده.
په افغانستان کې د ملګرو ملتونو ځانګړې استازولۍ یا یوناما رسنیو ته په لېږلې خبرپاڼه کې لیکلي چې د دغه سازمان یو لوړپوړی پلاوی کابل ته راغلی، څو د افغان ښځو د زدهکړو او کار په اړه د اسلامي امارت له مشرانو سره خبرې اترې وکړي.
