د افغان ښځو او بشري حقونو لپاره د امریکا ځانګړې استازې رینا امیري په کابل او بلخ کې پرونیو چاودنو ته په غبرګون کې ویلي چې اسلامي امارت باید د خلکو امنیت ټينګ کړي.
نوموړې پر خپله ټویټرپاڼه لیکلي: «دغه بریدونه یوازې بېګناه افغانانو ته چې په کافي اندازه یې درد او غم لیدلي، له ویجاړۍ پرته نور څه نه لري.»
د بلخ د امنیې قومنداني ویاند محمداصف وزیري وایي چې د مزارشریف ښار د پنځمې او لسمې امنیتي حوزو اړوند سیمو کې د درېیو پرلهپسې چاودنو له امله ۹ کسان وژل شوي او ۱۵ نور ټپیان شوي دي.
افغانستان کې د بشري حقونو د وضعیت څېړنې لپاره د ملګرو ملتونو ځانګړي رپورټر ریچارډ بنېټ ویلي، دغه هېواد کې دې پر ملکیانو بریدونه ودرول شي.
د رزوګان محلي مسوولان وايي چې د دغه ولایت په دهراوود ولسوالي کې یې یو کس د خپل ماما د وژنې په تور نیولی دی.
د اسلامي امارت لهخوا افغانستان ته د پخوانیو چارواکو د بېرته ستنېدو جوړ شوی کمېسیون نن رسماً کار پیل کړ. دا کمېسیون دنده لري چې د تېر نظام هغه چارواکي او سیاستوال چې بهر ته تللي، وهڅوي څو بېرته افغانستان ته راشي.
د اسلامي امارت ویاند ذبېحالله مجاهد په ترکیه کې د افغان سیاسي مشرانو د غونډې په تړاو وايي، که دغه غونډه د افغانستان د سولې او ارامۍ له پاره جوړه شوي وي، ورڅخه هرکلی کوي او که د افغانستان بېثباتۍ لپاره وي، ورسره به مقابله وکړي.
د هېواد په بېلابېلو ولایتونو کې پر جوماتونو او تکیهخانو ځانمرګونو بریدونو او چاودنو د غزني ښار په «خانقاو» کې پر تصوفي او عرفاني غونډو او فعالیتونو سیوری غوړولی دی.
د امریکا د دفاع وزارت د دغه هېواد کانګرېس ته په یوه تازه راپور کې ویلي، القاعدې شبکې د اسلامي امارت په لارښوونه افغانستان کې خپل حضور او فعالیتونه محدود ساتلي، ځکه چې اسلامي امارت د نړیوال مشروعیت ترلاسه کولو په لټه کې دی.
د بامیان د امنیې قومنداني د رسنیو دفتر له لوري په یوې خبرپاڼه کې ویل شوي چې پرون دوشنبه د بندامیر ملي پارک په «ذوالفقار» جهیل کې د یوه سپین ږیري کس جسد موندل شوی چې د ژمي جامې یې اغوستي دي.
د ټولیز امنیت تړون سازمان د غړیو هېوادونو د مشرانو ناسته پرون د روسیې په پلازمېنه مسکو کې جوړه شوه.
د روسیې تاس خبري اژانس راپور ورکړی چې د ټولیز امنیت تړون سازمان د غړیو هېوادونو مشرانو له افغانستان سره د پولو د امنیت په تړاو اندېښنه څرګنده کړې او خپلو پولو کې یې د امنیت پر پیاوړتیا ټينګار کړی دی.
په کونړ ولایت کې امنیتي سرچینې وايي چې پاکستاني ملېشو د ډیورنډ فرضي کرښې له هغې غاړې د کونړ پر ناړۍ ولسوالي له تېرو دوو شپو راهیسې سخت راکېټي بریدونه کړي چې د ګڼو مالي زیانونو ترڅنګ یې ځاني زیان هم اړولی دی.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
په روزګان کې یوشمېر هغه کورنۍ چې د تېرو ناامنیو پرمهال د خپلو سیمو پرېښودو ته اړ شوي او کورونه یې د جګړو په سنګرونو بدل شوي وو، اوس وايي چې له جګړو د پاتې شویو ماینونو د وېرې له امله خپلو مېنو او کورونو ته بېرته نهشي ګرځېدلی.
د کندهار محلي مسوولان وايي چې پرون ناوخته د کندهار ښار د «یوولسمې حوزې» اړوند په «عينو مينې» ښارګوټي کې د ناپېژنده وسلهوالو له لوري د افغان ترک خصوصي لېسې د مدیر مرستیال وژل شوی دی. د کندهار امنيې قومنداني وياند محمداصف حکيمي سلاموطندار ته ویلي چې د نوموړي د قاتلانو د نیولو په موخه یې هڅې پیل کړي دي.
په لوګر ولایت کې ولسي سرچینې سلاموطندار ته وايي چې بېګاه شپه د دغه ولایت د مرکز پل علم ښار په دوو جلا سیمو کې ناپېژنده وسلهوالو دوه کسان په ډزو وژلي دي.
د بامیان محلي مسوولان وایي چې د بامیان د یکهولنګ نمبر۱ ولسوالي ولسوال مختار احمدي چې شاوخوا ۲۰ ورځې مخکې تښتول شوی و، له بند څخه خوشې شو.
