د ماشومانو د ګوزڼ واکسین کمپاین به ډېر ژر پیل شي
د عامې روغتیا وزارت د کتلوي معافیت پروګرام مسوول ګلاخان ایوب د ټول هېواد په کچه د ماشومانو د ګوزڼ یا د پولیو واکسین د کمپاین پیلېدو څخه خبر ورکوي.
د عامې روغتیا وزارت د کتلوي معافیت پروګرام مسوول ګلاخان ایوب د ټول هېواد په کچه د ماشومانو د ګوزڼ یا د پولیو واکسین د کمپاین پیلېدو څخه خبر ورکوي.
د افغانستان د بیارغونې پلټونکې اداره یا سیګار وايي چې د امریکا دفاع وزارت خپل هغه نظامي تجهیزات ارزوي چې د افغانستان په واک کې یې ورکړي وو.
سیګار په یوه راپور کې لیکلي چې دا ارزونه د هغو احتمالي تجهیزاتو شمېر، ډول او ارزښت په بر کې نیسي چې د نظام له ړنګېدو مخکې د افغانستان امنیتي او دفاعي ځواکونو ته پاتې وو.
د مخکیني حکومت له سقوط وروسته او د اسلامي امارت په راتلو سره ګڼشمېر خبریالانو هڅه وکړه چې د ځان خوندیتوب په موخه له هېواده ووځي. د خبریالانو پر وړاندې رامنځ ته شوي خراب وضعیت ته په کتو، ګنشمېر کورنیو او بهرنیو بنسټونو د افغان خبریالانو لپاره د تخلیې فرصتونه برابر کړل.
د لوګر ولایت اوسېدونکي د اسلامي امارت له چارواکو غواړي چې په لوګر ولایت کې د بې اسناده او یو کیلي موټرو په ګرځېدو بندیز ولګوي. دوی د بې اسناده موټرو له ګرځېدو په نیوکې سره وايي چې تر ډېره امنیتي او جنايي پېښې د همدې موټرو په وسیله تر سره کېږي.
فرانسپرس خبري اژانس د یوه رپوټ په خپرولو سره ویلي چې د سردار محمد داوود خان پر څلور سوه بستریز روغتون د داعش ډلې په پروني وسلهوال برید کې د کابل د قولاردو قومندان هم وژل شوی دی. فرانسپرس د طالب چارواکو له قوله ویلي چې په دغه برید کې د حمدالله مخلص په نوم د دوی یو پوځي قومندان له وسلهوالو سره په جګړه کې وژل شوی دی.
د اسلامي امارت د ویاند مرستیال بلار کریمي له سلاموطندار سره په مرکه کې د دغو چاودنو د تایید ترڅنګ، ویلي چې لومړنۍ چاودنه د سردار داوودخان روغتون مخې ته د ملکیانو په منځ کې او بله هم روغتون ته نږدې شوې ده.
دا چاودنې چې ډول یې لا هم نه دی معلوم، نن ماسپښین وشوې. بلال کریمي وايي، چاودنې مرګژوبله لري، خو تر اوسه یې کره شمېرې نه لري.
که څه هم په مخکیني حکومت کې به د ژمي پر مهال د هېواد په بازارونو کې د سوند توکو ترڅنګ، د لومړنیو خوراکي توکو بیې هم لوړېدې، خو د نوي حکومت په راتلو سره د خوراکي توکو بیې په کمساري توګه لوړې شوي چې ګڼشمېر خلک یې د اخیستو وس نه لري. دوی له اسلامي امارت څخه غواړي چې د توکو بیې راټيتې کړي.
یوشمېر خبریالان وايي، پر افغانستان د اسلامي امارت په واکمنېدو سره خپل رسنیزو فعالیتونو ته په اندېښنه کې دي او له یوه نامعلوم برخلیک سره مخ دي. دوی زیاتوي چې څوک ورته پام نه کوي او که ملاتړ ورڅخه ونه شي، اړ دي چې خپل مسلک پرېږدي. خبریال سید معروف سعیدي وايي، د رسنیو وضعیت ناهیلی کوونکی دی او که چېرته دوام وکړي، رسنۍ به له فعالیت څخه ولوېږي او په هېواد کې به اطلاع رسونه له ناوړه وضعیت سره مخ شي.
په کابل او یوشمېر ولایتونو کې د اعتراضونو او مدني حرکتونو پر دوام، نن په بامیانو کې یوشمېر ښځو د یوه اعتراضیه لاریون پر مهال ښځو ته په حکومت کې د ونډې ورکولو او په هېواد کې د بېوزلۍ د پراخېدو د مخنیوي او پوهنتونونو او ښوونځيو د پرانیستلو غوښتنه وکړه .
د تاجکستان «خاور» خبري اژانس رپوټ ورکړی چې د دغه هېواد د کورنیو چارو وزارت د تاجکستان په خاوره کې د چین له لوري د پوځي اډې جوړول رد کړي او ویلي یې دي چې د دغه شان پوځي اډې جوړېدل په پلان کې نه لري. وړاندې ویل شوي وو چې چین غواړي د تاجکستان په خاوره کې د یوې پوځي اډې ټول لګښت ورکړي.
په قطر کې د طالبانو د سیاسي دفتر ویاند سهیل شاهین په راتلونکي ژمي کې د بېځایه شویو، بېوزله او ناورین ځپلو کسانو له ناوړه وضعیت څخه د اندېښنې په څرګندولو سره له جي۲۰ هېوادونو غوښتنه وکړه چې د افغانستان کنګل شوې پیسې دې ازادې کړي او د بشري مرستو د ورکړې په اړه دې خپلې ژمنتیا ته دوام ورکړي.
د بشري مرستو په برخه کې د ملګرو ملتونو د سرمنشي مرستیال مارتین ګریفیتس په افغانستان کې د سختې لوږې له امله خبرداری ورکړی دی.
د اسلامي امارت د ویاند مرستیال احمدالله وثیق د کابل په لوېدیځ کې د لوږې له امله د یوې کورنۍ د ۸ ماشومانو مړینه رد کړې او هغه یې د نظام پر وړاندې «پروپاګند» بللی دی. وثیق ویلي، د دشت برچي اړوند «اتفاق ښارګوټي» ټولې هغه سیمې یې لټولي چې ویل کېده په دغه سیمه کې د لوږې له امله اته ماشومان مړه شوي، خو چا په دې اړه معلومات نه دي ورکړي.
د زمري په ۲۴مه د مخکیني ولسمشر محمداشرف غني د حکومت له پرځولو او د هغه له تېښتې وروسته، د اسلامي امارت ځواکونه کابل ته دننه شول او په بشپړه توګه یې افغانستان تر خپلې ولکې لاندې کړ. اوس چې د محمداشرف غني له تېښتې نږدې دوه میاشتې تېريږي، یوشمېر هېوادوال لا هم نوموړی د «بابا» په نوم یادوي.
امریکا له افغانستان سره خپلې نوې بشري مرستې اعلان کړې. د دغه هېواد د بهرنیو چارو وزارت ویلي چې په افغانستان کې له ناورین ځپلو سره د مرستې لپاره یې ۱۴۴ میلیونه ډالره نوې بشري مرستې ځانګړې کړي دي. د دغه وزارت په خبره، له نویو اعلان شویو مرستو سره په افغانستان او سیمه کې له افغان کډوالو سره په روان کال کې د امریکا د بشري مرستو کچه ۴۷۴ میلیونه ډالرو ته رسېږي.
رویټرز خبري اژانس د تاجکستان د پارلمان له قوله نن رپوټ ورکړی چې ټاکل شوې د چین حکومت له افغانستان سره پولې ته څېرمه د دغه هېواد د پولیسو ځانګړو ځواکونو د یوې اډې د جوړولو لګښت ورکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون