په پلخ ولایت کې د اسلامي امارت قوماندان مخدوم محمد عالم د نیولکېدو په تړاو د فاریاب ولایت د اوسېدونکو له دوه ورځني لاریون او اعتراض وروسته، د کرنې او مالدارۍ وزارت سرپرست، د هېواد په شمال کې د الفتح قول اردو د قوماندان او د جوزجان ولایت د والي او مسوولانو په ګډون د حکومت یو لوړپوړي پلاوي فاریاب ولایت ته سفر کړی چې په دغه ولایت کې رامنځته شوې ستونزې وڅېړي.
د پاکستان لومړي وزیر عمران خان د دغه هېواد چارواکو ته لارښوونه کړې چې په طبي، ټکنالوژۍ، حسابداري او مالي چارو کې روزل شوی کاري ځواک افغانستان ته واستوي. د پاکستان د لومړي وزیر دفتر د دغه کار موخه په افغانستان کې د بشري ناورین د پېښېدو مخنیوی بلل دی.
د امریکا د بهرنیو چارو وزیر انتوني بلنکېن وايي، افغانستان ته د نړیوالو مرستو د لېږد په اړه پر داسې لارو چارو غور کوي چې له مخې یې، دغه مرستې په مستقیمه توګه افغانانو ته ورکړل شي او د اسلامي امارت تر مشري لاندې د حکومت لاس ته ونه لوېږي. نوموړي ویلي چې امریکا به له افغانانو سره خپلې مرستې جاري وساتي.
د پاکستان د کورنیو چارو وزیر شیخ رشید احمد وايي، د ډیورنډ کرښې په اوږدو کې به د اغزن تار غځولو پروژه د کابل په خوښه بشپړه شي. د پاکستان ډان ورځپاڼې ویلي چې د دغه هېواد د کورنیو چارو وزیر شېخ رشید احمد د جمعې په ورځ په یوه خبري غونډه کې افغانستان خپل ورور هېواد بللی او ویلي هیلهمندي ښودلی چې د اغزن تار غځولولو پروژه به د افغانستان په خوښه بشپړه ش
د افغانستان مشهور جراح او د ټکواندو فدراسیون مشر ډاکټر نجیبالله سکندر د تښتوونکو له منګولو وژغورل شو او تښتوونکي د اسلامي امارت د ځواکونو له نیول شوي دي.
په ننګرهار کې د دوست په نوم د یوې سیمهییزې راډیو مسوول سهار سیرت د کورنۍ غړي وایي چې سیرت د تېرې پنجشنبې په ورځ کابل کې نادرکه شوی، خو د یوې اونۍ په تېرېدو سره لا هم د هغه په اړه معلومات نشته.
د بشري حقونو څار سازمان په ۲۰۲۱ میلادي کال کې په افغانستان کې د بشري حقونو د وضعیت په اړه خپل کلنۍ راپور کې ویلي چې په تېر اګست میاشت کې د اسلامي امارت له راتګ وروسته په افغانستان کې اوږد مهاله جګړه د بشري ناورین او بشري حقونو بحران ته لاره هواره کړه.
ځینو سرچینې رسنیو ته ویلي چې د افغانستان د ټکوانډو فدراسیون رییس او عصبي جراح پروفیسور ډاکټر نجیبالله سکندر په کابل ښار کې تښتول شوی دی.
د امر بالمعروف او نهې عنالمنکر وزارت وايي، ځینې رسنۍ هېواد کې د نظام له بدلېدو وروسته د اسلامي امارت پر وړاندې منفي تبلیغات کوي او پهکار ده چې لاس ترې واخلي.
د روغتیا وزارت مسلکي معین عبدالباری عمر نن یوې غونډې ته د خبرو پر مهال د نړۍ له هېوادونو او سازمانونو وغوښتل چې په افغانستان کې روغتیایي برخه له سیاسي مسلو سره ونه تړي او د دې برخې د تمویل لپاره خپلو مرستو ته دوام ورکړي. عبدالباري عمر په دیني علماوو هم غږ وکړ .چې د روغتیا وزارت سره د عامه پوهاوي په برخه کې مرسته وکړي
د میدان وردګ ولایت اړوند د سیداباد ولسوالي د «تنګي درې» اوسېدونکي وایي چې په دغه سیمه کې یې د دوو کسانو مړي موندلي چې تېره اوونۍ د ناپېژنده وسلهوالو له لوري تښتول شوي وو.
سيانان خبري شبکې د امریکا کانګرېس او بهرنیو چارو وزارت کې د یوې باخبرې سرچینې له قوله رپوټ ورکړی چې شاوخوا ۸۰ امریکايي وګړي په افغانستان کې شتون لري او غواړي چې له دغه هېواد څخه ووځي، خو له یوې میاشتې راهیسې اسلامي امارت د تخلیې الوتنې درولې دي.
د اسلامي امارت د دفاع سرپرست وزیر ملا محمد یعقوب سېشبنې په ورځ کابل کې د هوايي ځواک قومنداني کې د وینا پر مهال هغو هېوادونو ته خبرداری ورکړ چې د افغان هوايي ځواک چورلکې چې د تېر حکومت د پرځېدو پر مهال دغو هېوادونو ته وړل شوي بېرته دې افغانستان ته وسپاري.
د سلام افغانستان رسنیزې موسسې (سلاموطندار راډیو) مرستیال نورمحمد هاشمي پرون مازدیګر د کابل ښار د څلورمې امنیتي حوزې اړوند د تایمني پر دویم سړک هغه مهال د ناپېژنده وسلهوالو تر برید لاندې راغی چې له دفتر څخه د کور پر لورې روان و. که څه هم هاشمي په دغه برید کې پر سر ټپي شوی، خو روغتیايي وضعیت یې د ډاډ وړ دی.
ټاکل شوې چې نن د ملګرو ملتونو دوه ادارې په افغانستان کې دننه افغانانو ته د بشري مرستو رسولو او د سیمې په یوشمېر هېوادونو کې د بېځایه شویو افغان کډوالو وضعیت ته د رسېدنې په موخه خپل ګډ پلانونه اعلان کړي. دغه سازمان ویلي، افغانستان کې د لومړنیو روغتیايي خدمتونو د نهشتون له کبله، په لسګونه زره ماشومان پر خوارځواکۍ اخته شوي دي.
د چین د بهرنیو چارو وزارت ویلي، امریکا دې د افغانستان د روان ناورین د اصلي لامل په توګه خپلې تېروتنې ومني او پر افغانانو لګولي بندیزونه دې لرې کړي. د یاد وزارت ویاند وانګ ونبین نن په یوې غونډه کې خبریالانو ته ویلي، امریکا په افغانستان کې د اوسني ناورین لامل دی او دغه هېواد باید پر افغانستان د اقتصادي بندیزونو له لګولو لاس په سر شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
