افغانستان کې د ا.ا د واکمنۍ د لومړي کال د پورهکېدو په درشل کې د امریکايي ځواکونو پخواني قومندان ډېوېډ پېټریوس له افغانستان څخه د امریکايي ځواکونو پر وتلو نیوکه کړې ده. ډېوېډ پېټریوس د دوحې تړون او مرکزي حکومت ته د ډېر واک ورسپارل هغه لاملونه بولي چې په وینا یې، مخکینی حکومت یې راوپرځاوه.
د بادغیس د امنیې قومنداني مطبوعاتي دفتر د یوې خبرپاڼې په خپرولو سره ویلي چې ناپېژنده وسلهوالو بېګاه په قلعهنو ښار کې یو ۲۳کلن ځوان وژلی چې دوی یې جسد په لومړۍ امنیتي حوزه کې پیدا کړی دی.
د بهرنيو چارو وزارت سياسي مرستیال شېرمحمد عباس ستانکزي نن د کابل په يوې تکیهخانه کې د عاشور مراسمو ته د وینا پرمهال پر امریکا نیوکه وکړه چې دغه هېواد پر اسلامي امارت فشارونه زیاته کړي دي. ستانکزي دې مراسمو ته همداراز وویل، امریکا د ا.ا پر حکومت بېلابېل سیاسي، اقتصادي او ډیپلوماتیک فشارونه راوستي دي.
نن په کابل او یوشمېر ولایتونو کې شیعهګانو له امنیتي ګواښونو سره-سره د محرم لسمه یا د عاشورا ورځ ولمانځله. د کابل په لوېدیځ حسینیه خاتم الانبیا کې د ا.ا د ځینو چارواکو ترڅنګ سلګونو کسانو هم د عاشورا مراسمو کې ګډون کړی وو.
د ا.ا مشر هبتالله اخندزاده په یوې نوې سپارښتنه کې د ریاستالوزرا اقتصادي معاونیت ته دنده سپارلې چې کابل کې د سوالګرو د راټولولو بهیر پیل کړي.
هبتالله اخندزاده په دې سپارښتنه کې همداراز ویلي چې د ریاستالوزرا اقتصادي معاونیت دې له نورو اړوند ادارو سره په همغږۍ سوالګر راټول او د هغوی ستونزې دې هوارې کړي.
د زابل محلي مسوولان وايي چې په مرز کلات ښار کې یې د زنا او غلا په تور دوه ښځې او درې نارینه په عام محضر کې په دورو وهلي دي.
د پکتیکا محلي مسوولان وايي چې پرون ماښام د دغه ولایت د یحيخېلو ولسوالي په «یحيخېلو» کلي کې د یوې هاوان مرمۍ د سرګلولې د چاودنې له امله یو ماشوم وژل شوي او دوه نور ټپیان دي.
د عاشورا مراسمو لمانځنې په ترڅ کې د کابل ښار د تکیهخانو او جوماتونو یوشمېر مسوولان د دغو مراسمو د امنیت په اړه اندېښمن دي.
دوی وايي چې هېواد کې ناامني او بېثباتي لامل شوې چې شیعهګان د تېرو کلونو په پرتله، سږکال تکیهخانو او جوماتونو کې کمرنګه حضور ولري.
د افغانستان پخواني ولسمشر حامد کرزي ویلي چې په افغانستان کې تر شپږم ټولګي پورته د نجونو ښوونځي د اسلامي احکامو له مخې نه، بلکې دا کار د پاکستان په امر شوی دی. د ا.ا سرپرست حکومت تراوسه د پخواني ولسمشر حامد کرزي د دغو څرګندونو په اړه په رسمي توګه څه نه دي ویلي.
د ا.ا ویاند ذبیح الله مجاهد پر خپله ټوېټرپاڼه لیکلي چې نن ماښام د کابل ښار په شپږمه امنیتي حوزه کې په يوې لاسي کراچۍ کې ځای پر ځای شويو چاودېدونکو توکو ته چاودنه ورکړل شوې ملکيانو ته يې مرګ ژوبله اړولې ده. نوموړي ویلي چې د دې چاودنې په پایله کې ۸ ملکيان وژل شوي او ۱۸ نور ټپیان دي.
وروسته له هغې چې امریکا په یوه هوايي برید کې د القاعده ډلې مشر ایمن الظواهري په کابل کې وواژه، نن د هېواد په ګڼشمېر ولایتونو کې زرګونه افغانان لارو او کوڅو ته راووتل او د امریکا پر ضد یې شعارونه ورکړل.
لاریون کوونکو د امریکا پر ضد شعارونه ورکول او د دغه هېواد له لوري یې په کابل کې وروستی هوايي برید وغانده.
د ننګرهار امنیتي مسوولان وايي چې دغه ولایت کې یوه کس خپله مور او دوه ورونه وژلي دي.
د کابل کارته سخي سیمه کې د پرونۍ وسلهوالې نښتې وروسته لا هم دغه سیمه د امنیتي ځواکونو له لوري کلابنده ده او د خبریالانو په ګډون هېچا ته اجازه نه ورکول کېږي چې د پېښې ځای ته ورنږدې شي. د پوځي کارپوه اسدالله ندیم په وینا، امنیتي ځواکونه باید له نویو تکتیکونو کار واخلي او هغه څه ونه کړي چې د عامو خلکو ژوند له ګواښ سره مخ کوي.
د اسلامي امارت ویاند ذبیح الله مجاهد پر خپله ټویټر پاڼه لیکلي چې کابل ښار کې د اسلامي امارت د ځواکونو او (داعش) ډلې پورې د اړوند وسله والو کسانو ترمنځ جګړه پای ته رسېدلې ده.
کابل کې د امریکا د یوې بېپېلوټه الوتکې په هوايي برید کې د القاعده ډلې مشر ایمن الظواهري له وژلکېدو وروسته د یاد هېواد د بهرنیو چارو وزارت خبرداری ورکړی چې د امریکا له لوري د القاعده مشر وژل کېدل، ښايي یاده ډله پر امریکايي وګړو او تاسیساتو بریدونو ته وهڅوي.
د عاشور ورځې په رانږدېکېدو سره پکتیا کې شیعه مذهبي د ا.ا له سرپرست حکومت غوښتنه کوي چې د عاشورا ورځې د لمانځنې مراسمو لپاره دې ورته کلک امنیتي تدابیر ونیول شي. دوی د پکتیا له محلي مسوولانو غوښتنه کوي چې د یادو مراسمو د ښه تر سراوي لپاره دې امنیتي تدابیر زیات شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
