فارین پالیسي یوه راپور کې ادعا کړې چې روسیې له پخوانیو افغان ځواکونو سره اړیکې نیولي او هڅه کوي چې د اوکراین جګړې لپاره یې جذب کړي.
فارین پالیسي له یوشمېر پخوانیو کومانډویانو سره چې سخت اقتصادي او امنیتي وضعیت تجربه کوي، هم خبرې کړي او په وینا یې، د دوی سخت ژوند یاده جګړه کې د هغوی ښکېلتیا ته لاره هواره کړې ده.
«ګالوپ» څېړنیز بنسټ د یوې نظرپوښتنې د پایلو پر بنسټ چې نن (چهارشنبه، لړم څلورمه) خپره کړې، سینګاپور د نړۍ تر ټولو امن او افغانستان تر ټولو ناامنه هېواد معرفي کړی دی.
دغه بنسټ په یاده نظر پوښتنه کې د هېوادونو له خلکو پوښتنه کړې چې ایا پر خپلو محلي پولیسو ډاډمن دي، په خپله سیمه کې د امنیت احساس کوي او په تېرو کلونو کې د غلا او برید قرباني ګرځېدلي دي؟
د بادغیس محلي مسوولان وايي چې دا پېښه نن مازدیګر د دغه ولایت د قادس ولسوالي په مرکز کې شوې ده.
د پنجشېر یوشمېر اوسېدونکي دغه ولایت کې د اسلامي امارت له لوري د بشري حقونو د نقض په اړه شکایت کوي.
د درې ولسوالي اوسېدونکی محمدکریم-مستعار نوم- وايي: «زما د کورنۍ غړی له خپل کارځای او هټۍ نه بیول شوی، وژل شوی او ناڅرګند ځای کې اچول شوی. ۲۰ کاله کېدل چې هټۍوال و او له هېڅ لوري سره یې هېڅ ډول اړیکه نه لرله.»
بدخشان کې د اسلامي امارت محلي مسوولان وايي چې په تېره یوه اوونۍ کې یې د دغه ولایت په بېلابېلو سیمو کې د عملیاتو پرمهال ۳۸ مخالفان وژلي او ۷۸ نور یې ژوندي نیولي دي. د بدخشان د اطلاعاتو او فرهنګ ویلي چې په وژل شویو کې د یادو مخالفانو دوه قومندانان «بحرالدین او عبدالحمید» هم شامل دي.
د اسلامي امارت د سرپرست حکومت مسوولان وايي چې تخار کې یې د اسلامي دولت نومې ډلې یا داعش څلور غړي وژلي دي
تخار کې سرچینې وايي چې د دغه ولایت د مرکز تالقان ښار د درېیمې امنیتي حوزې اړوند په «سرک اول» سیمه کې یو چسپکي ماین چې د امنیتي ځواکونو په رېنجرې پسې نښلول شوی و، چاودلی او د اسلامي امارت دوه غړي پهکې وژل شوي دي.
د طبیعي پېښو پر وړاندې د مبارزې وزارت کې د ماینپاکۍ د انسجام او همغږۍ رییس نورالدین رستمخېل نن سلاموطندار سره په مرکه کې ویلي چې دوی ته د رسېدلو شمېرو له مخې، ماینونو او ناچاودو توکو د تېر یوه کال په موده کې هره میاشت په منځنۍ کچه ۱۲۰ کسانو ته چې ډېری یې ماشومان دي، مرګژوبله اړولې ده.
د اسلامي امارت ویاند ذبېحالله مجاهد وايي، د کابل په اتمه امنیتي حوزه کې د داعش ډلې پر یوه پټنځای د عملیاتو پرمهال شپږ داعشیان وژل شوي او دوه نور یې ژوندي نیولي دي.
ذبېحالله مجاهد نن شنبه د تلې ۳۰مه پر خپله ټوېټرپاڼه لیکلي چې په دغو عملیاتو کې د اسلامي امارت یو سرتېری هم وژل شوی او یو بل یې ټپي دی.
سرچینې د بغلان ولایت په مرکز پلخمري ښار کې د دوو جلا جلا پېښو پر مهال د یوې نجلۍ او یوې ښځې د وژل کېدو خبر ورکوي.
د بغلان په مرکز پلخمري ښار کې امنیتي سرچینو سلاموطندار ته ویلي چې نن سهار د دغه ښار په بالا دوري سیمه کې د یوې نجلۍ مړی موندل شوی دی. دا نجلۍ په مرمیو وژل شوې ده.
غرزي خواخوږي ته نږدې کسان وايي چې هغه نن د زړه سکتې له کبله مړ شوی دی. د دوی په وینا، غرزي خواخوږي د زړه ناروغي لرله چې په وروستیو کې ترې ډېر کړېده.
د بادغیس د امنیې قومانداني د رسنیو دفتر په یوه خبرپاڼه کې ویلي چې نن سهار ۸:۰۰ بجې د دغه ولایت د مقر ولسوالي په خارستان سیمه کې ناچاوده مرمۍ چاودلې ده. په خبرپاڼه کې لیکل شوي دغو ماشومانو هلته له تېرو جګړو پاتې مهمات له اوسپنو سره را ټول او بیا یې په تیږه وهلي چې له کبله یې چاودنه شوې ده. خبرپاڼه زیاتوي چې دې چاودنه کې درې ماشومانې وژل شوې دي.
د کندهار محلي مسوولان وايي چې د دغه ولایت په میوند ولسوالي کې د ځمکې پر سر شخړه کې د یوې کورنۍ درې کسانو ته مرګژوبله اوښتې ده. د کندهار د والي ویاند حاجي زید وايي چې دې پېښه کې یوه لوري پر بل لوري چې موټر کې ناست دي، ډزې کړي او له کبله یې یو ماشوم وژل شوی او بل ورور او پلار یې ټپیان دي.
په روزګان کې يوه سرچينه وايي چې ناپېژنده وسلهوالو بېګاه د دغه ولايت په دهراود ولسوالي کې یوه کور ته وراوښتي او یو کس یې پهکې وژلی دی.
د شانګهای سازمان اړوند د ترهګرۍ ضد د سیمهییزې اجرايي کمېټې رییس روسلان میرزایف «د نړیوالو او سیمهییزو همکاریو او له ترهګرۍ سره د مبارزې لپاره د پولو مدیریت او د ترهګرو مخنیوي» په نوم غونډه کې ویلي چې افغانستان کې د وسلهوالو ډلو شاوخوا ۱۳۵۰۰ غړي د تاجکستان پولې ته نږدې راټول شوي او د دغه هېواد امنیت ګواښي.
د افغانستان بیارغونې لپاره د امریکا ځانګړې پلټونکې اداره (سیګار) وايي، افغانستان کې د میلیونونه بزګرانو او کروندګرو ژوند د تریاکو له حاصل سره تړلی دی.
دې ادارې ویلي چې دا موضوع د اسلامي امارت له لوري د نشهيي توکو پر کښت د بندیز پر وړاندې یوه تر ټولو لویه ننګونه ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
