ولسمشر غني: د طالبانو دا ارمان چې افغانستان به په زور ونيسي، یو کاذب ارمان دی

ولسمشر محمد اشرف غني نن ولسي جرګې ته د کابینې د نوماند وزیرانو معرفي کولو پر مهال هېواد کې د تاوتریخوالي لوړې کچې نه اندېښنه وښوده او ويې ویل، د طالبانو له مشر ملا هبة‌الله نه دې پوښتنه وشي چې چېرته پټ دی او ولې افغانان وژني.

‌وردک ولايت کې د ملي اردو د یوه ټولي سرتېرو ته ۴ ورځو راهیسې ډوډۍ نه‌ده رسېدلې

وردک ولايت کې د ۲۰۳ تندر قول اردو د پنځمې پلې‌لوا د لومړي کنډک دويم ټولي د سي‌سي کمپ سرتېري وايي، تېرو څلور ورځو راهیسې د وسله‌‌والو طالبانو له لوري کلابند شوي او د دفاع وزارت له لوري ورسره هېڅ ډول مرسته نه‌ده شوې.

د دغه کمپ سرتېری نصیب‌الله سلام‌وطندار ته لېږلي غږیز پيغام کې ويلي، د څلورو ورځو راهیسې یې ډوډۍ نه‌ده خوړلې او د مهماتو له کمښت سره هم مخامخ دي.

د جوزجان درزاب؛ يوه مدرسه کې بهرني جنګیالي ۱۲۰ ماشومانو ته ترهګریزه روزنه ورکوي

د جوزجان ولایت د درزاب ولسوالۍ چارواکي وايي، د دغه ولایت په یو شمېر ولسوالیو کې د بهرنیو جنګیالیو موجوديت ډېر شوی او د طالبانو ترڅنګ جګړه‌ییز فعالیتونه لري. چارواکي وايي، بهرنیو جنګیالیو په درزاب ولسوالۍ کې ۱۲۰ ماشومان جذب کړي او نظامي زده‌کړې ورکوي.

د کورنۍ جګړې خبرداری؛ محب: حکومت هم سولې هم جګړې ته چمتووالی نيسي

د افغانستان د ملي امنیت شورا سلاکار حمدالله محب اندېښنه ښيي چې د امریکايي ځواکونو تر وتلو وروسته، افغانستان د کورنیو جګړو ګواښ سره مخ کېدلای شي.

حمدالله محب یوه تازه مرکه کې ویلي، افغان دولت هم سولې او هم جګړې ته چمتووالی نیسي او په ټول توان هڅه کوي چې د کورنیو جګړو مخنیوی وکړي.

وردکو ولايت کې د سړک غاړې ماین چاودنې ۱۰ ملکيان وژلي

د وردکو د ولایتي شورا غړی شریف‌الله هوتک وايي، د سې‌شنبې په ورځ جلرېز ولسوالۍ نه د ملکي وګړيو دوه موټر چې یو فلنکوچ ډوله او بل سراچه ډوله موټر وو، د مرکز میدان‌ښار اړوند «بسراق» سیمې نه تېرېدل د سړک غاړې په خښ شوي ماین ور برابر شوي دي.

ناټو تر ۲۰۲۴ کال پورې له افغان ځواکونو سره مالي ملاتړ ته دوام ورکوي

د شمالي اتلانتیک تړون يا ناټو یوه اعلامیه کې ویلي، ياد سازمان او غړيو هېوادونو يې د افغان امنیتي او دفاعي ځواکونو د ۲۰۲۱ م کال د ملاتړ لپاره پر خپلو مالي ونډو خبرې کړي او ټولو تایید کړې چې تر ۲۰۲۴ م کال پورې به د افغان ځواکونو مالي ملاتړ ته دوام ورکوي.

ارګ پر ملت او دولت د طالبانو وروستي بريدونه «ناروا» وبلل

ارګ ويلي په هلمند او غور کې د طالبانو وروستي بریدونه ښيي چې دوی د افغان د ولس له نېک او صادقانه نیت نه ناوړه ګټه اخیستې او خپلې ناروا جګړې ته یې دوام ورکړی دی.

د ولسمشر وياند صديق صديقي نن پر خپله ټوېټر پاڼه ليکي چې طالبانو د دولت او ملت پر وړاندې خپلو وحشیانه او ترهګریزو بریدونو ته زور ورکړی دی.

ننګرهار کې د داعش ډلې د ځانمرګو بريدونو مسوول ونيول شو

د ننګرهار د والي ویاند عطاالله خوږیاڼی سلام‌وطندار ته وايي، تېره شپه د ملي امنیت ځانګړو ځواکونو «۰۲قطعې» د جلال اباد ښار اوومه ناحیه کې د اخندزاده ګانو کلي کې ځانګړي عملیات ترسره کړي چې پايله کې يې د داعش ډلې د ځانمرګو بريدونو مسوول نیولی دی.

پر کونړ د پاکستان توغول شويو مرميو کې یوه نجلۍ وژل شوې او د کورنۍ ۴ غړي یې ټپیان دي

د کونړ د والي ویاند غني مصمم وايي، تېرو ۲۴ ساعتونو کې د پاکستاني پوځیانو له لوري یوځل بیا د کونړ په مرورې ولسوالۍ ۱۶ د هاوان مرمۍ توغول شوي چې له کبله یې یوه ماشومه وژل شوې او د کورنۍ ۴ غړي یې ټپیان شوي دي.

طالبانو امريکا د دوحې د هوکړې په نقض تورنه کړه؛ خلیلزاد رد کړه

افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د طالبانو هغه څرګندونې رد کړې چې ويلي يې دي امريکا په هلمند کې پر طالبانو هوايي بريدونه کړي چې په دې کار سره يې د امريکا او طالبانو ترمنځ شوې هوکړه نقض کړې ده.

هلمند کې د جګړو دوام؛ ۱۰۰۰ بې‌ځايه شوې کورنۍ د مرستو له نه رسېدو شکايت کوي

هلمند کې د طالبانو او امنیتي ځواکونو ترمنځ جګړه نهمې ورځې ته غځېدلې او اوس هم د دغه ولایت ډېرو برخو جګړې روانې دي.

د هلمند د ولایتي شورا رييس عطاالله افغان وویل، د لښکرګاه ښار تر څلورمې امنیتي حوزې وروسته درېیمه او لسمه حوزه، د هلمند ـ کندهار پر لویه‌لار او ناوې او نادعلي ولسواليو کې اوس هم جګړې روانې دي.