کندهار کې د سلاموطندار د همکارې راډیو مسوول له اووه ساعت بند وروسته خوشې شو
د اسلامي امارت استخباراتو نن سهار په کندهار ولایت کې د سلاموطندار همکارې څانګې راډیو ته ورغلي او د يادې راډیو مسوول يې نیولی دی.
د اسلامي امارت استخباراتو نن سهار په کندهار ولایت کې د سلاموطندار همکارې څانګې راډیو ته ورغلي او د يادې راډیو مسوول يې نیولی دی.
د کابل ښار یوشمېر هغه ځوانان چې دوه او یا هم درې کاله وړاندې له دولسم ټولګي څخه فارغ شوي وایي، د پوهنې وزارت لهخوا د شهادتنامو د نه ورکولو له کبله له ګڼو ستونزو سره مخ کړي دي.
د افغانستان د ژورنالېستانو او رسنیزو بنسټونو فدراسیون په هېواد کې د خبریالانو او رسنیو له وضعیت څخه اندېښنه څرګنده کړې او ویلي یې دي چې له خبریالانو او رسنیو سره ناقانونه چلن او محدودیت به د رسنیو نیمڅی ورټول کړي. په خبرپاڼه کې راغلي، اسلامي امارت د کورنیو رسنیو پرمټ د یوشمېر نړیوالو رسنیو پر ټلوېزیوني نشراتو هم بندیز لګولی دی.
د اسلامي امارت استخباراتو په کندهار ولایت کې د «ملت غږ» په نوم راډیو باندې چاپه وهلې او د یادې راډیو درې کارکوونکي یې له ځان سره بیولي دي.
بي بي سي نن په یوه راپور کې خبر ورکړ چې د اسلامي امارت په مشري حکومت په ټول افغانستان کې د دوی پر ټلویزیوني خپرونو بندیز لګولی دی. په راپور کې ويل شوي چې د بي بي سي پښتو ټلویزیوني خپرونو سربېره د بي بي سي ازبکي او فارسي ټلويزيوني خپرونې هم له څو ورځو راهیسی بندې شوې دي. د بي بي سي د یادو څانګو ټلویزیوني خپرونې په افغانستان کې د یوشمېر خصوصي ټلوېزيونونو له لارې خپرېدې.
د سولې او ازادۍ لپاره د افغان ښځو موسسې د اسلامي امارت د پوهنې وزارت پر هغې پرېکړې نیوکه کړې چي پر بنسټ یې، له شپږم ټولګي پورته د نجونو زدهکوونکو ښوونځي دې تر بلې خبرتیا پورې تړلې پاتې وي.
د ټرانسپورټ او هوایي چلند وزارت د مطبوعاتو او عامه اړیکو مسوول امامالدین احمد سلاموطندار ته وايي چې د اسلامي امارت د یوشمېر ادارو ګډ پلاوي ازبکستان ته سفر کړی او له دغه هېواد سره یې د افغانستان، پاکستان او ازبکستان ترمنځ د ټرانزیټي لارې د پرانیستلو په اړه خبرې کړي دي.
د امر بالمعروف او نهی عن المنکر وزارت په کابل ښار او اړوند سیمو کې تفریحي پارکونو ته پر یوه وخت د ښځو او نارینهوو پر ورتګ بندیز اعلان کړ او پارکونو ته د ښځو او نارینوو د ورتګ لپاره یې ځانګړی مهالوېش ټاکلی دی.
په پکتیا ولایت کې د کار په بدل کې د غنمو د ورکړې پرواګرام له لارې د دغه ولایت له مرکز سربېره په ټولو ولسواليو کې ۲۴۰۰۰ بېوزله او وزګاره کسانو ته د کار زمینه برابره شوې ده.
د قطر د بهرنیو چارو وزیر او د لومړي وزیر مرستیال شیخ محمد بن عبدالرحمان الثاني پرون د اندونیزیا د بهرنیو چارو له وزیرې رتنو لستاري پریانساري سره په دوحه کې کتلي دي. د دواړو هېوادونو د بهرنیو چارو وزیرانو ژمنه کړې چې د افغان مېرمنو د نقش په اړه به د نړیوالو ناستو او پروګرامونو د جوړولو په برخه کې اسانتیاوې برابروي.
د سلاموطندار خبریال سرور هاشمي چې نن کابل ښار کې د پوهنې وزارت مخته د ښځو د یوه اعتراض د خبري پوښښ لپاره ورغلي و، د اسلامي امارت د استخباراتو له لوري نیول شوی و چې له شپږ ساعت بند وروسته یې بېرته خوشې کړی دی. سرور هاشمي وايي چې په پوهنې وزارت کې شپږ ساعته تر پوښتنو او ګروېګنو لاندې و.
د خوړو نړیوال پروګرام اعلان کړی چې د بودیجې کمښت، په افغانستان کې د دې بنسټ د مرستو رسولو بهیر د درولو لپاره ستر ګواښ دی او ښايي دا لړۍ ټکنۍ او له پښو وغورځوي.
د زابل روغتيايي چارواکي وايي، په دې وروستیو کې دغه ولایت کې يو ډول فنګسي ناروغۍ پیدا شوې چې اوسه پرې سلګونه ماشومان اخته شوي دي.
د غور پوهنتون مسوولان او زدهکړیالان سلاموطندار ته وايي چې یاد پوهنتون د نجونو او هلکانو په بېلو ټولګیو کې د زدهکړو کولو د پرېکړې له کبله د درسي ټولګیو ترڅنګ د مسلکي استادانو له کمښت سره مخ دي.
د ملګرو ملتونو د امنیت شورا لسو غړیو هېوادونو په یوې ګډې ویناپاڼه کې له اسلامي امارت څخه غوښتنه کړې چې له شپږم ټولګي پورته د نجونو زدهکوونکو ښوونځي دې پرانیزي. دوی ټينګار کړی چې دا پرېکړه د هغو ژمنو سره په ټکر کې ده چې اسلامي امارت په وروستیو اوونیو او میاشتو کې له نړیوالې ټولنې سره د تعامل ساتلو لپاره کړې وې.
رویټرز د جمعې په ورځ راپور ورکړی چې متحده ایالاتو د اسلامي امارت د سرپرست حکومت لخوا د نجونو د ښوونځیو د تړلو د پریکړې په غبرګون کې له دې ډلې سره پلان شوې غونډې لغوه کړې.