د کابل د امنیې قومنداني ویاند خالد ځدراڼ سلاموطندار ته ویلي چې د پلازمېنې د ۱۷ امنیتي حوزې اړوند د خیرخانې سیمې په یوه جومات کې د پرونۍ چاودنې پرمهال ۲۱ کسان وژل شوي او ۳۳ نور ټپیان دي.
په ورته مهال د الجزیرې خبري شبکې بیا د کابل د یوې امنیتي سرچینې له قوله راپور ورکړی چې په دغه چاودنه کې ۲۰ کسان وژل شوي او ۴۰ نور ټپیان دي.
د کابل امنیتي مسوولانو نن د یوې خبري ناستې پرمهال وویل چې له تېر یوه کال راهیسې پلازمېنه کابل کې امنیت ښه شوی او په بشپړه توګه یې د وژنو مخه نیولې ده.
د بشريحقونو څار بنسټ، د جورج ټاون پوهنتون د ښځو او سولې موسسې او ځینو نورو بنسټونو پرون سپینې ماڼۍ ته یوه وړاندیز کې غوښتنه وکړه چې د ا.ا د چارواکو پر سفر د بندیز معافیت لغوه کړي. هغې وویل، د یادې پرېکړې په عمليکېدو سره به ا.ا ته وښودل شي چې افغانستان کې یې د ښځو او بشري حقونو پر وړاندې کړنې منفي دي.
د دفاع وزارت په یوې خبرپاڼه کې ویلي چې مولوي مهدي مجاهد یي ایران سره پولې ته نږدې د هرات ولایت په یوې سرحدي سیمه کې وژلی دی. د دغه وزارت په خبرپاڼه کې راغلي، مولوي مهدي مجاهد غوښتل چې له هېواده بهر وتښتي، خو د سرحدي ځواکونو له لوري په نښه او وژل شوی دی. د مولوي مهدي مجاهد کورنۍ تراوسه د نوموړي د وژنې اړه څه نه دي ویلي.
د ا.ا د بیاواکمنېدو یوه کال پورهکېدو سره هممهاله، د افغانستان ژغورنې لپاره د مقاومت شورا چې د یوشمېر افغان سیاسي څېرو له لوري رامنځته شوې، څو ورځې وړاندې د انلاین غونډې له لارې خپل منشور اعلان کړ. د دې شورا غړی همایون خیري سلاموطندار ته ویلي، د اوسني حکومت پر وړاندې به ۱۶ کاري کمېټو کې فعالیت ته دوام ورکړي.
د امریکا ولسمشر جو بایډن شاوخوا درې اوونۍ وړاندې ادعا وکړه چې کابل کې یې د القاعده شبکې مشر ایمن الظواهري د یوه هوايي برید پرمهال وژلی دی. که څه هم د ا.ا حکومت په رسمي توګه تراوسه په دغه هوايي برید کې د ایمنالظواهري مړینه نهده تایید کړې، خو بیا یې هم پر افغانستان ناوړه پایلې د راڅرګندېدو په حال کې دي.
د ملګرو ملتونو د بشردوستانه مرستو د همغږۍ دفتر یا اوچا نن سه شنبه په یوه خپور کړي راپور کې ویلي، افغانستان کې د ماشومانو د ګوزنډ یا پولیو ناروغۍ پېښې تر ټولو ټيټې کچې ته رسېدلې دي. دغه بنسټ زیاته کړې چې افغانستان کې د ۲۰۲۱ کال پرمهال د پولیو څلور او په ۲۰۲۰ کال کې بیا ۵۶ مثبتې پېښې ثبت شوې وې.
د دفاع وزارت سرپرست محمد یعقوب مجاهد د ا.ا د واکمنۍ لومړۍ کلیزې په اړه جوړه شوې غونډې ته د وینا پرمهال وویل، واخان د افغانستان سر دی او تر څو چې دوی وي، افغانستان به خوندي وي. نوموړي وویل: «واخان د افغانستان لپاره د سر حیثیت لري، څو چې موږ پورې سرونه وي، افغانستان به خوندي وي.»
امیرخان متقي چې پر افغانستان د اسلامي امارت د بیاواکمنېدو د لومړۍ کلیزې په اړه جوړې شوې نمانځغونډې ته وینا کوله همداراز زیاته کړه چې افغانستان کې بېثباتۍ ته لمن وهل د چا په ګټه نه ده او په وینا یې، نړیوال باید د بندیزونو پرځای له افغانستان سره همکاري وکړي.
اسلامي امارت د تېر ۱۴۰۰ کال د زمري مياشتې په ۲۴ نېټه له خپلې لومړۍ واکمنۍ نږدې ۲۰ کاله وروسته د دويم ځل لپاره پر افغانستان بيا واکمن شو چې سبا يې د بيا واکمنېدو يو کال پوره کېږي.
تېرو شلو کلونو کې د رسنیو او بیان ازادۍ یوه له مهمو لاستهراوړنو څخه شمېرل کېږي، خو دې وروستي یوه کال په تېرېدو سره چې افغانستان کې تازه سیاسي بدلونونه رامنځته شول، رسنۍ او خبریالان له ګڼو ستونزو سره مخ شوي دي.
افغانستان له بدلونونو ډک کال شاته پرېښوده او د یوه سیاسي بدلون پرمهال د حکومت چارې یوې نوې رهبرۍ ترلاسه کړې. اسلامي امارت تېر کال د زمري میاشتې پر ۲۴مه کله چې د جمهوريت چارواکي له کابل څخه ووتل واک ته ورسېده.
د ا.ا بیاواکمنېدو راهیسې افغان ښځې لاهم له ګڼو محدودیتونو او یوه نامعلوم برخلیک سره مخ دي. د بشريحقونو څار بنسټ وايي، تېر یو کال د افغان ښځو لپاره وحشتناک کال و. د بشرحقونو څار بنسټ اړوند د ښځو څانګې د مدیر مرستیاله هیدر بار سلاموطندار ته ویلي، په تېر یوه کال کې د ا.ا کړنو دا وښوده چې ښځې عمومي ژوند کې ځای نه لري.
کورنیو چارو وزارت په یوې خبرپاڼه کې لیکلي، هغه افغانان چې په نورو هېوادونو کې یې په نظامي برخو کې د «لېسانس، ماسټرۍ او دوکتورا» تر کچې پوځي زدهکړې کړې وي، پر دندو ګوماري.
د جوزجان د فیضاباد ولسوالي د بالامردیان کلي کې د اورلګېدنې دوه اوونۍ وروسته د یاد ولایت محلي ادارې د خپرو شویو اوازو په لړ کې وايي، دوی له څېړنو وروسته موندلې چې پېریان دې سیمه کې د خلکو کورونو ته اور اچوي. مسوولان همداراز وايي، د اور د خپرېدو چټکتیا دومره ډېره ده چې دوی یې په مهارولو کې پاتې راغلې دي.
د کابل د دیارلسمې امنیتي حوزې امنیتي مسوولان وايي چې د دغه حوزې اړوند سیمه کې د شوې چاودنې له امله د ا.ا د دوو ځواکونو په ګډون څلور کسان ټپیان شوي دي.
