د کابل ښار د دولتي ښوونځیو یوشمېر زدهکوونکي شکایت کوي چې د ښوونکو د کمښت له امله یې درسي بهیر ټکنی شوی دی.
کابل کې د یوه ښوونځي د نهم ټولګي زدهکوونکی احسان سلاموطندار ته وايي چې ښوونځی یې د ښوونکو له کمښت سره مخ دی او یو ښوونکی ورته څو مضمونونو تدریسوي.
د افغانستان لپاره د امریکا ځانګړي استازي د قطر د بهرنیو چارو له وزیر سره په لیدنه کې د اسلامي امارت له زندان څخه د امریکايي وګړي د خوشېکېدو برخه کې له همګارۍ مننه کړې ده.
یوشمېر افغان مېرمنو چې نن د دې ورځې په مناسبت راټولې شوې وې، له خلکو وغوښتل چې یو بل ته لاس ورکړي او د ملي یووالي لپاره ګډ کار وکړي. د دوی په وینا، ژبنی، ګوندي او سیمهييز بېلوالی او تعصب افغانستان کې د سولې نه ټینګښت اصلي لامل دی.
دغو ښځو پر ا.ا هم نیوکه وکړه چې تېر یوه کال کې یې د سولې لپاره هېڅ کار نه دی کړی.
د افغانستان بانک په یوې خپره کړې خبرپاڼه کې ویلي چې افغانستان سره د نړیوالې ټولنې د بشردوستانه مرستو په لړ کې نن چهارشنبه د وږي ۳۰مه د ۴۰ میلیونه ډالرو د مرستې یوه بله جوپه کابل ته راورسېده.
د کابل د امنیې قومنداني ویاند خالد ځدراڼ د درېیمې امنیتي حوزې اړوند دهمزنګ سیمه کې چاودنه تایید کړې او ویلي یې دي، پېښه کې درې کسان وژل شوي او ۱۳ نور ټپیان دي.
چاودنه نن چهارشنبه د وږي ۳۰مه د برښنا عمومي ریاست ته څېرمه په یوه هوټل کې رامنځته شوې وه.
د پکتیکا د ارګون ولسوالي هټۍوال وایي، له نن سهار راهیسې یې بازار له دې امله د اعتراض په توګه تړلی چې د مستوفیت مسوولانو لهخوا ترې د تېرو کلونو په پرتله څو چنده مالیه اخیستل کېږي.
د هلمند محلي مسوولانو منلې چې درې ورځې وړاندې دغه ولایت کې د کور په کور چاڼیزو عملیاتو پرمهال امنیتي ځواکونو په تېروتنه دوه ښځې وژلي او دوه نور یې ټپیانې کړې دي.
د امریکا د بهرنیو چارو وزارت په افغانستان کې له ښځو سره د اقتصادي مرستې لپاره د یوې نوې طرحه خبر ورکوي.
د امریکا د بهرنیو چارو وزیر انټوني بلنکېن بېګاه شپه د وږي ۲۹مه پر خپله ټوېټرپاڼه لیکلي چې امریکا په افغانستان کې د ښځو اقتصادي پیاوړتیا په موخه یوه نوې طرحه چمتو کړې ده.
د پاکستان د بهرنیو چارو وزیر بلاول بوټو زرداري د افغانستان لپاره د امریکا له ځانګړي استازي ټوماس وېسټ سره په خبرو کې ویلي چې «سولهيیز، باثباته او پر ځان بسیا افغانستان د پاکستان لومړیتوب دی.» د پاکستان د بهرنیو چارو وزارت په یوه خبرپاڼه کې لیکلي چې بلاول بوټو زرداري په نیویارک کې له ټوماس وېسټ سره خبرې کړې دي.
هېواد کې د نورو ناورینونو او ننګونو ترڅنګ روانې وچکالۍ هم خلک او کروندګر تر ډېره اغېزمن کړي دي. کروندګر وايي چې د عاید یوازینۍ سرچینه کښت دی، خو سږنۍ وچکالي او د حاصلات نهشتون، له اقتصادي پلوه زیانمن کړي دي.
پاکستاني رسنیو د ملګرو ملتونو د کډوالو ادارې یا (یواېناېچسيار) د چارواکو له قوله راپور ورکړی چې دغه اداره په پام کې لري چې یاد هېواد کې ۸۰۰زره سېلاب ځپلیو افغان کډوالو سره مرسته وکړي.
رسنیو همداراز ویلي چې اسلاماباد کې د امریکا سفارت دغه هېواد کې له سېلاب ځپلیو سره د دوو میلیونو ډالرو نوې مرستې اعلان هم کړی دی.
په هېواد کې د کور په کور پلټنې پر دوام د اسلامي امارت ځواکونو نن په کندهار کې د کورونو د پلټنې په موخه چاڼیز عملیات پیل کړل.
وروسته له هغې چې اسلامي امارت پنجشېر کې د جګړې پرمهال د نیول شویو بندیانو د وژنې ادعاوو په اړه د څېړنو ژمنه وکړه، افغانستان کې د ملګرو ملتونو د بشري حقونو ځانګړي راپور ورکوونکي ریچارډ بنټ ویلي، اسلامي امارت د خپلو سرتیرو د کړنو مسوولیت لري. ریچارډ بنټ پرون (یکشنبه- وږي ۲۷) پر خپله ټوېټرپاڼه لیکلي چې څېړنې او قضايي څار باید د واقعیتونو او د نړیوالو معیارونو پربنسټ وشي.
له نن یو کال وړاندې پر همدې ورځ هېواد کې له شپږم ټولګي پورته ښوونځیو ته د نجونو پر تګ بندیز ولګېد. ښوونځیو ته د افغان نجونو د نه پرېښودو د یوه کال پورهکېدو په تړاو د ملګرو ملتونو سرمنشي ویلي، د تېر یوه کال پرمهال د افغان نجونو د زدهکړو برخه کې له لاسي تللي فرصتونه به بېرته جبران نه شي.
په څه باندې تېر یوه کال کې چې اسلامي امارت بیاځلې واک ته رسېدلی، افغانستان تر ټولو ناوړه سیاسي، اقتصادي او ټولنیز ناورین تجربه کوي او تراوسه یې په اړه بېلابېلو هېوادونو کې ځینې غونډې هم جوړې شوې دي. همدا نن د اتریش په پلازمېنې ویانا کې د یوشمېر پخوانیو چارواکو او سیاستوالو درې ورځنۍ غونډه پای ته ورسېده.
د ملي دفاع وزارت وايي چې د ا.ا ځواکونو له لوري یې په پنجشېر کې د نیول شویو اسیرانو د وژلو اړوند ادعاوو په اړه یې څېړنې پیل کړي او که رښتیا داسې شوي وي، عاملان به یې د قانون منګولو ته وسپاري. په وروستیو ورځو کې پر ټولنیزو رسنیو داسې ویډیوګانې لاس په لاس کېږي چې ښيي د اسلامي امارت ځواکونه یوشمېر کسان چې لاسونه یې تړلي، وژني.
