د «سولې او عدالت ملي خوځښت» سیاسي جریان د یوشمېر سیاسي، فرهنګي او د مخکیني حکومت د ځینو څېرو په غړیتوب د موجودیت اعلان وکړ. اتمر زیاته کړې، که افغانستان کې مشروع نظام رامنځته نهشي، نه یوازې هېواد کې به ناورین پراخ شي، بلکې د سیمې او نړۍ لپاره به هم جدي ستونزې رامنځته کړي.
د کندهار او روزګان اوسېدونکو له کلونو راهیسې د روزګان-کندهار لویې لارې چې ۱۷۳ کیلومټره ده، د رغولو لپاره له حکومتونو غوښتي چې یاده لاره ورته ورغوي، خو چا یې غږ نهدی اورېدلی.
تازه روزګانیانو د یوه سوداګر بورجان ذهين په مشري را ټول شوي، پیسې یې را غونډې کړي او هڅه کوي تر ژمي مخکې یاده لاره د موټرو تګراتګ ته چمتو کړي.
د ا.ا د سرپرست حکومت ویاند ذبېحالله مجاهد د دیني عالمانو په اوومه نړیواله غونډه کې د ګډون په موخه ترکیې ته تللی، نن یې په یاده غونډه کې وینا کړې ده.
هغه په دې نړیواله غونډه کې ویلي چې افغانستان کې به له شپږم ټولګي د پورته نجونو ښوونځي هرومرو پرانېستل کېږي.
د بغلان په مرکز پلخمري ښار کې سرچینو سلاموطندار ته ویلي چې یوه کس نن سهار په دغه ښار کې خپله مېرمن وژلې ده.
د سرچینو په وینا، دا پېښه د پلخمري ښار د لومړۍ ناحیې اړوند په «بمبه» سیمه کې شوې ده.
د روسیې ولسمشر ولادیمیر پوتین د «روسیه ـ منځنۍ اسیا» په نوم غونډه کې چې د جمعې په ورځ د قزاقستان په پلازمېنې استانه کې جوړه شوې وه، افغانستان کې د ناامنیو ډېروالي په اړه اندېښنه ښودلې ده.
اسلامي امارت په یوه خبرپاڼه کې د امریکا له لوري یې پر چارواکو د ویزو بندیز پر وړاندې غبرګون ښودلی او دا پرېکړه یې غندلې ده.
په دې خبرپاڼه کې چې د ا.ا د ویاند ذبېحالله مجاهد پر ټویټر خپره شوې لیکل شوي چې امریکا دا پرېکړه پر افغانانو د زړهخوږي له مخې نهده کړې، بلکې په وینا یې، امریکا په افغانستان کې خپلو موخو ته د رسېدو لپاره پلمې لټوي.
د روسیې ولسمشر وايي، افغانستان لا هم سیمه کې د یوې سترې امنیتي ننګونې په توګه پر ځای پاتې دی.
د روسیې ولسمشر ولادیمیر پوتین پرون پنجشنبه د تلې ۲۱مه د قزاقستان پلازمېنه استانه کې د سیکا ناستې په ترڅ کې د وینا پرمهال ویلي، «افغانستان د سيمې لپاره يو له تر ټولو سترو امنيتي ننگونو په توگه پر ځاى پاتې دى.»
روزګان کې یوې سرچینې سلاموطندار ته ویلي چې په دغه ولایت کې د مخکیني حکومت یو نظامي وژل شوی دی.
د اکټوبر پنځلسمه د ړندو (نابینایانو) له نړیوالې ورځې سره برابره ده. د دغې ورځې په رارسېدو سره هېواد کې یوشمېر نابینایان دوی ته د اسانتیاوو نهشتون له امله شکایت کوي.
بلخ کې یوشمېر نابینایان شکایت کوي چې ښوونځي یې تړل شوي، په برېل خط لیکل شوي کتابونه، کاري او نورې اسانتیاوې ورته نه دي برابرې شوي.
د زابل په مرکز کلات ښار کې د «تورې بند» رغنیزې چارې نن په رسمي توګه پیل شوې. دغه بند چې د رغونې چارې به یې د ملي پراختیا شرکت له لوري پرمخ وړل کېږي، د ۱۸ میاشتو په موده کې به د ۹۷میلیونه افغانیو په لګښت جوړ شي.
د اوسپنې پټلۍ ادارې مسوولان وايي چې یادې ادارې د روان کال په لومړیو شپږو میاشتو کې د توکو د لېږد رالېږد له درکه ۱.۴ ملیارډ افغانۍ عواید ټول کړي دي. عبدالسمېع دراني زیاته کړې چې په تېرو شپږو میاشتو کې د اوسپنې پټلۍ ادارې ۱.۸ میلیون مټریک ټُن توکي انتقال کړي چې پهکې صادرات او واردات شامل دي.
افغانستان په داسې حال کې د ملګروملتونو د بشری حقونو شورا کې له څلورو ټاکل شویو څوکیو څخه د یوې ترلاسه کولو لپاره په سیالي کې شو چې د اسیاـ پاسفیک لپاره ځانګړې شوې وې.
د کاپیسا د تګاب ولسوالي محلي مسوولانو په تازهګۍ سره د دغه ولسوالي له ښځو غوښتنه کړې چې له شرعي محرم پرته دې په بازار کې د هټیو دننه خپل د اړتیا وړ توکي نه پېري. په همدې حال کې د تګاب یوه بل اوسېدونکي شمیم سلاموطندار ته وايي، هټۍوال نشي کولای چې د ښځو د اړتیا وړ ټول توکي له دوکان د باندې کېږدي.
د پروان امنیتي مسوولان وايي چې دغه ولایت کې د اسلامي امارت ځواکونو په تېروتنه پر یو بل ډزې کړي چې په پایله کې یې د جبلالسراج ولسوالي جنايي امر د خپل یوه همکار سره وژل شوی دی. د پروان امنیې قومندان همداراز ویلي چې دې نښته کې د اسلامي امارت دوه سرتیري تپیان شوي هم دي.
ارګ پر خپلې ټویټرپاڼې لیکلي چې ریچارډ بنټ افغانستان کې د سېکانو او هندوانو په ګډون، د لږکیو د امنیت ټینګښت، د نجونو زدهکړو، د ښځو حقونو او د رسنیو فعالیت په اړه له عبدالسلامي حنفي سره خبرې کړي او ویلي یې دي چې غواړي افغانستان کې د بشري حقونو وضعیت وارزوي.
که څه هم امنیتي ادارې هېواد کې د سل سلنه امنیت ټینګښت ډاډ ورکوي، خو کابل ښاریان د وسلهوالو غلاوو د زیاتېدو په اړه شکایت کوي.
یوشمېر هغو کسانو چې وسلهوالو غلو لوټلي، سلاموطندار ته ویلي، داسې ورځ نشته چې وسلهوال غله دې په کابل ښار کې څو کسان ونه لوټي.
