د جګړې د ګردونو او د وسلو د باروتو په منځ کې د جوزجان د ولسوالیو پر لور روان وم. کوچني ماشومان له جګړې پاتې او ویجاړو دېوالونو ترمنځ د خپلو پلرونو راتلو ته شېبې شمېرې او د هغو د لیدو لپاره په هر موټر پسې منډې وهي.
د ماشومانو لوڅې پښې او مایوسې څېرې او خپلو ځامنو ته په تمه میندې د هر انسان زړه ټوټه ټوټه کوي. زه هغو کورونو ته ورغلم چې جګړې یې له ماشومانو د پلار مینه او له میندو هم د خبرو کولو وسه اخیستې ده.
د ملکي هوايي چلند ادارې مسوولان وايي، په ۱۳۹۹مالي کال کې د یادې ادارې عوایدو کې ۹ سلنه کموالی راغلی دی.
د ملکي هوايي چلند ادارې ريیس محمد قاسم وفاييزاده نن «شنبه، د دلوې څلورمه» کابل کې د یوې خبرې غونډې پرمهال وویل، د دوی ارزونې ښيي چې په ۱۳۹۹ کال کې د یادې ادارې په عوایدو کې ۹ سلنه کموالی راغلی دی.
په هرات کې د ملکي وګړو د ساتنې کاري ډلې له لوري خپرې شوې شمېرې ښيي چې د روان لمریز کال په لیندۍ او مرغومي میاشتو کې د دولت او طالبانو ترمنځ په مخامخ نښتو کې ۲۴ ملکي وګړي وژل شوي او ۵۱ نور ټپیان دي.
د دغو شمېرو له مخې، په داسې حال کې چې د همدغه کال په تلې او لړم میاشتو کې د نښتو پر مهال یوازې ۱۰ ملکیان وژل شوي وو.
کورنیو چارو وزارت وايي چې د پولیسو هېڅ مسوول حق نه لري چې خپل تصویر پر ټولنیزو رسنیو خپور کړي.
د دغه وزارت ویاند طارق ارین دا موضوع پر خپلې ټویټرپاڼې خپره کړې او لیکلي یې دي چې د هر امنیتي مسوول له لوري ځانته کېدونکي تبلیغات د پوښتنو ګرېوګنو عواقب له ځان سره لري.
د عامې روغتیا وزارت وايي، کورونا په تېره يوه شپه او ورځ کې ۵ کسان مړه کړي او ۳۶ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۸۸۲ شکمنو کسانو نمونې کتلي.
د ياد وزارت په راپور کې راغلي، په همدې موده کې له کورونا ۳۱ کسان بېرته ښه شوي هم دي. د راپور پربسټ، تازه پېښې په ۱۱ ولايتونو کې ثبت شوې دي.
د امریکا نوی حکومت غواړي چې له وسلهوالو طالبانو سره د دغه هېواد د پخواني ولسمشر ډونالډ ټرمپ د حکومت له لوري د سولې شوی هوکړهلیک وارزوي.
د سپینې ماڼۍ ویاندې امیلي هارون ویلي، د جو بایډن اداره به د امریکا او طالبانو ترمنځ د سولې هوکړهلیک ته د دې ډلې ژمنتیا او نه ژمنتیا وارزوي.
د زابل په شاهجوی ولسوالۍ کې يوه امنيتي سرچينه چې نه غواړي نوم يې خپور شي سلاموطندار ته وايي، وسلهوالو طالبانو تېره شپه د يادې ولسوالۍ د امنيتي ځواکونو پر يو شمېر پوستو بريدونه کړي چې له کبله يې ۵ پوليس وژل شوي.
د جمهوري رياست د چارو د ادارې له لوی رياسته په خپره شوې خپرپاڼه کې راغلي چې د افغانستان اسلامي جمهوریت رييس په بېلابېلو حکمونو کې د مالیې وزیر عبدالهادي ارغندیوال ګوښه کېدل او د محمدخالد پاینده د مالیې وزارت د سرپرست په توګه منظور کړي دي.
د عامې روغتیا وزارت وايي، په تېره يوه شپه او ورځ کې د کورونا ۱۸۴۷ شکمنې پېښې کتل شوي چې له دې ډلې ۷۶ يې مثبتې ختلې دي.
دغه مثبتې پېښې په کابل، هرات، کندهار، بلخ، ننگرهار، تخار، بغلان، کندز، بدخشان، کاپیسا، هلمند، کونړ، غور او سرپل ولايتونو کې ثبت شوې دي.
په بغلان او نيمروز ولايتونو کې سرچينې وايي، د طالبانو په بريدونو کې ۸ امنيتي ځواکونه وژل شوي دي او ۹ نور ټپيان دي.
نيمروز کې يوه سرچينه چې نه يې غوښتل نوم يې خپور شي سلاموطندار ته وايي، طالبانو تېره شپه د دې ولايت د چخانسور ولسوالۍ « هليلی» سيمه کې پر يوې پوستې ډلهييز بريد کړی چې له کبله يې ۶ پوليس وژل شوي او ۳ نور ټپيان دي او همداراز طالبانو د پوستې ټول تجهيزات له ځانه سره وړي دي.
د بلخ ولايت روغتیا ریاست کې د روږدو کسانو د درملنې د مرکز مسوولان په دې ولایت کې د روږدو کسانو د شمېر له زياتېدو اندېښمن دي.
ياد ولايت کې د مسوولو بنسټونو د معلوماتو له مخې اوس مهال د ماشومانو او مېرمنو په ګډون شاوخوا ۴زره کسان پر نشهيي توکيو روږدي دي چې نږدې ۲زره يې په کوڅو او سړکونو کې دي.
د ولسي جرګې غړي غلام حسین ناصري نن په کابل کې «د سولې پېچلې لاره، ننګونې او فرصتونه» سیمینار کې وویل، د امريکا او طالبانو ترمنځ د سولې له شوې هوکړې سربېره دواړو لوريو د ۹۰۰ پاڼو يوه ضمیمه هم لاسلیک کړې ده. د ناصري په وينا، دغه ضمیمه په پټه لاسلیک شوې او ولسمشر محمد اشرف غني او د ملي پخلاینې عالي شورا رییس عبدالله عبدالله يې له متنه خبر نه دي.
ولسمشر غني نن د يوه لوړپوړي پلاوي په مشري هرات ته لاړ؛ خو هېڅ خبريال ته اجازه نه ده ورکړې شوې چې د ولسمشر سفر تر پوښښ لاندې ونيسي.
له دې سره د هرات محلي ادارې له خبريالانو غوښتي چې د ولسمشر د وياند د مرستيال دواخان مينهپال خبري ناسته کې ګډون وکړي؛ خو خبريالانو په دې ناسته کې ګډون د ځان بېحرمتي بللې او د ولسمشر غني سفر يې تحريم کړی دی.
ولسمشر محمد اشرف غني د امریکا د نوي ولسمشر په توګه د جوبایډن ټاکل کېدل، د متحده ایالتونو لپاره تاریخي ورځ بللې. جمهور رييس غني جوبایډن ته د مبارکۍ پیغام کې ویلي، افغانستان کې کلونو راهیسې جګړه روانه ده او د امریکا د نوي حکومت له مشرتابه تمه لري چې دې روانو شرایطو کې د افغانستان ترڅنګ ودرېږي او دلته د روانې جګړې د پای ته رسولو لپاره کار وکړي.
د عامې روغتیا وزارت وايي، کورونا په تېره يوه شپه او ورځ کې ۷ کسان مړه کړي او ۸۰ نور پرې اخته شوي دي. دغه وزارت نن په خپل ورځني راپور کې ویلي، دومره موده کې يې د ۱۸۶۶ شکمنو کسانو نمونې کتلي.
د ياد وزارت په راپور کې راغلي، په همدې موده کې له کورونا ۱۲۸ کسان بېرته ښه شوي هم دي. د راپور پربسټ، تازه پېښې په ۱۴ ولايتونو کې ثبت شوې دي.
د مالیې وزارت مسوولان وايي چې د معاشونو یوشانوالی چې د ولسي جرګې له لوري یې وړاندیز شوی، باید د دې جرګې له لوري تعریف شي.
د مالیې وزارت مرستیال عبدالمجیب ځدران نن ملت ته د دولت حسابورکونې په غونډه کې وویل چې د معاشونو یوشانوالي طرحه د عملي کېدو وړ نه ده، خو کېدای شي چې تعادل پهکې په پام کې ونیول شي.
