د ملي جنبش ګوند مشر عبدالرشید دوستم په فاریاب کې له خپلو پلویانو سره په ټیلیفوني خبرو کې هغوی ته لارښوونه کړې چې د دغه ولایت نوی والي محمد داوود لغمانی پر ټنډه وولي. هغه خپلو پلویانو ته ویلي، څومره وسلې چې لري، را ودې باسي او د هر ډول وضعیت لپاره دې چمتووالی ولري.
په وارخطایئ لنډې، لنډې خبرې کوي. هرې جملې سره یې ژبه نښلي. د مهاجرت لفظ اورېدو سره داسې راټولېږي چې فکر کوې یو لوی ډار پسې اخستی. هغه ته اوس ستونزمنه ده چې د خپل سفر ترخې کیسې هېرې کړي.
کونړی ځوان قیاس قاضيخېل په ناقانونه لارو د ښه ژوند په لټه همدا تېره میاشت اروپا ته د تلو زړه ښه کړی وو، خو ناخبره له دې چې بخت به یې په زندان او پولیسو اړوي.
د عامې روغتیا وزارت وايي چې په تېرو څلېرویشت ساعتونو کې یې د ۱۴۰۲ کسانو نمونې چې د کورونا شک پرې کېده، کتلې دي. د دغه وزارت په وینا، په یاده موده کې ۳ کسان چې پر کورونا اخته وو، مړه شوي او ۱۱۴ نور پرې اخته شوي دي.
د هرات په ادرسکن ولسوالي کې یوه باوري سرچینه چې نه غواړي نوم یې یاد شي، سلاموطندار ته ویلي چې طالبانو پرون سهار د دغې ولسوالي د پوځ سرتېرو د کنډک په ۵۰۰ مترۍ کې یوه ۲۵ کلنه ښځه په صحرايي محکمه کې وژلې ده.
د افغان دولت او طالبانو ترمنځ د کوچني اختر درې ورځنی اوربند بېګاه دولس بجې پای ته ورسېد. په سوېل کې پوځیان وايي، د طالبانو پر وړاندې یې یرغلیز، چاڼیز او د ترهګرۍ ضد عملیات پیل کړي چې د مارجې ولسوالي لپاره او پر لښکرګاه ښار د طالب ډلې د بریدونو مسوول حسیني په ګډون پهکې ۲۱ طالبان وژل شوي او ۱۳ نور ټپیان دي.
په فاریاب کې د ملي جنبش ګوند یوشمېر پلویانو د دغه ولایت د والي په توګه د محمد داوود لغماني ټاکل کېدو په غبرګون کې لاریون کړی او د فاریاب ولایت مقام ودانۍ یې کلابنده کړې ده. دوی نن د میمنې ښار سړکونو ته راووتل او د فاریاب ولایت مقام دروازه یې وتړله.
په فاریاب کې د ملي جنبش ګوند غړی عبدالجلیل اور وایي، د دغه ولایت لپاره د نوي ګومارل شوي والي مخه به نیسي او په وینا یې، د خلکو له لوري د والایانو ګومارنې په تړاو د عبدالرشید دوستم د څرګندونو ملاتړ کوي.
د بدخشان په پامیر غرونو کې مېشت قرقیزیان وایي، په وروستیو کلونو کې د دولت د نه پاملرنې له کبله یې په پامیر سیمه کې ژوند سخت شوی او په وینا یې، که دولت د قرقیزیانو ژوند ته پاملرنه ونه کړي، افغانستان به پرېږدي او د سیمو هېوادونو په ځانګړي توګه قرقیزستان ته به ګډوال شي.
قرقیزیان د افغانستان د لږګیو اقلیتونو څخه شمېرل کېږي چې د پامیرغرونو په لمنو کې د سمندر له سطحې ۴زره متره لوړ ژوند کوي.
په هرات کې یوه باوري سرچینه سلاموطندار ته وایي چې د ملا رسول په مشرۍ د طالبانو د جلا شوې ډلې مرستیال ملا عبدالمنان نیازی تېره شپه په کابل کې مړ شوی دی. د سرچینې په وینا، ملا نیازی له هرات څخه کابل ته د درملنې لپاره راوړل شوی و.
ملا نیازی د تېرې اوونۍ د سه شنبې په ماښام، د هرات د ګذرې ولسوالي اړوند په «میرداوود» سیمه کې له وسلهوالو کسانو سره په نښته کې ټپي شوی و. په دې نښته کې د ملا نیازي درې کسان هم وژل شوی دي. خو په هرات کې یوه امنیتي سرچینه وایي، ملا نیازی په هماغه شپه چې ټپي شوی و، مړ شوی؛ خو د طالبانو جلا شوې ډلې د نوموړي د مرګ خبر پټ ساتلی و.
د کابل پولیس وايي چې د شکردرې ولسوالي په یوه جومات کې د جمعې لمانځه پر مهال د چاودنې له کبله د وژل شویو کسانو شمېر ۱۲ ته ورسېد.
د کابل د پولیسو ویاند فردوس فرامرز وايي، په یاده چاودنه کې د جومات مفتي نعمان هم وژل شوی او ۱۵ نور کسان ټپیان شوي دي. هغه زیاتوي، لا هم د مرګژوبلې شمېرې وروستۍ نه دي او ښايي بدلون پهکې راشي.
د کابل د شکردرې ولسوال ګوهرخان بابري سلاموطندار ته ویلي چې نن ماسپښین شاوخوا یوهنیمه بجه د کابل شکردرې ولسوالي د حاجي بخشي سیمې په مرادبېک کلا کې د جمعې لمانځه پر مهال چاودنه شوې ده.
د نوموړي په وینا، په یاده چاودنه کې د جومات د مفتي نعمان په ګډون، ۶ کسان وژل شوي او له ۲۰ ډېر نور ټپیان دي.
د عامې روغتیا وزارت وايي چې په تېره یوه شپه او ورځ کې یې د کورونا ۵۶۶ شکمنې نمونې کتلي چې د ۷۰ هغو پایلې مثبتې ختلې دي. د دغه وزارت په وینا، په یاده موده کې ۶ کسان چې پر کورونا اخته وو، مړه شوي دي.
د روغتیا وزارت د شمېرو له مخې، هېواد کې د کورونا ویروس له پیل راهیسې ۴۲۸ زره او ۹۵۶ کسانو ټېسټونه کړي چې له ډلې یې ۶۳ زره او ۴۱۹ هغه پر دغه ویروس اخته شوي او ۲ زره او ۷۳۶ نور یې بیا بېرته ښه شوي دي.
د ولسمشر پخوانی لومړی مرستیال او د افغانستان د اسلامي جبنش ګوند مشر مارشال عبدالرشید دوستم طالبانو ته خبرداری ورکوي او وایي، اجازه نه ورکوي چې طالبان په افغانستان کې خپل د خوښې اماراتي نظام جوړ کړي او څرګنده یې کړه چې جګړه د افغانستان روان کړکېچ نه شي حلولی.
د کابل شمال د کوهدامن په اوو ولسوالیو کې محلي او روغتیایي مسوولان، په دغو ولسوالیو کې له یوې اوونۍ راهیسې د ډاکټرانو او روغتیایي کارکوونکو د کاربندیز له امله د روغتیایي چوپړتیاوو د بندېدو خبر ورکوي. د کابل په ۷ ولسوالیو میربچهکوټ، قرهباغ، کلکان، اسټالف، ګلدره، فرزه او شکردره کې روغتیایي کارکوونکو او ډاکټرانو کاربندیز کړی.
کندهاراو کندوز ولایتونو امنیتي مسوولان، د اختر او اوربند په لومړۍ ورځ په دغو ولایتونو کې د ماین چاودونو خبر ورکوي. د دغو چاودونو له امله چې دوه یې د کندهار په پنجوایي او میوند ولسوالیو او یوه یې هم د کندوز په ښار کې شوي، له امله یې ۹ملیکان وژل شوي او ۱۷ټپیان دي.
ولسمشر غني له طالبانو وغوښتل چې د افغان سولې بهیر په اړه د روان فرصت هرکلی وکړي او سولې ته دې غاړه کېږدي. ولسمشر غني نن د کوچني اختر له لمانځه وروسته وویل، د بهرنیو ځواکونو له وتلو سره سم د سولې ټینګښت لپاره ستر فرصت رامنځته شوی او له طالبان باید له دغه تاریخي فرصت څخه ګټه واخلي او سوله وکړي. ولسمشر غني وویل، د طالبانو لپاره د ولس او جمهوریت غېږه خلاصه ده او دا ډله دې هم د ټولنې بېلابېلو پوړونو ته درناوی وکړي.
بدخشان ولایت کې یوه ملکي سرچینه وایي، د دغه ولایت هغه ځوانان چې په امنیتي ځواکونو کې دنده ترسره کوي، د مرګژوبلې شمېر یې په تېرو ۳ ورځو کې په کمسارې توګه زیات شوی دی.
د بدخشان ولایت د مدنې ټولنې رییس سیف الدین سایس وایي، په تېرو ۳ ورځو کې په بېلابېلو ولایتونو کې د بدخشان ولایت د هغو ځوانانو ۱۸۰ جنازې چې د امنیتي ځواکونو په لیکو کې یې دنده ترسره کوله، دغه ولایت ته ور وړل شوي دي. سایس له سلاموطندار سره خبرو کې وویل چې دغه شمېرې یې په کابل کې د سردار محمد داوود خان روغتون کې له یوې روغتیایي سرچینې څخه لاسته راوړي دي.
