د «زرغون افغانستان» جام دویم پړاو یو ورځنۍ سیالي نن شنبه د غويي نهمه د څلور لوبډلو په ګډون د خوست په کورني لوبغالي کې پیل شوې.
یاد جام کې څلور لوبډلې «پامیر لېجنټز، هندوکش سټرایکرز، میوند ډېفنډرز او جونییر چمپینز» ګډون لري چې د ملي لوبډلې د لوبغاړو سربېره، د نولس کلنې لوبډلې او کورني کرېکټ لوبغاړي هم پهکې لوبېږي.
د غزني امنيه قوماندان خالد سرحدي سلام وطندار ته ويلي چې پېښه پرون جمعه د اندړ ولسوالي په «ميرهزار» کلي کې د دوو موټرسایکلو د ټکر له کبله رامنځته شوې چې په پايله کې يې يو کس مړ او درې نور ټپيان شوي دي.
د يادې ټرافيکي پېښې لامل د موټرسايکل چلوونکو بې احتیاطي ښودل شوې ده.
د هند کرېکټ غوره لیګ یا ایپياېل سیالیو په لړ کې نن ماښام لکناو سوپر جاینټز لوبډله له پنجاب کنګز سره سیالي کوي.
ټاکل شوې چې دغه لوبه نن ماښام ۶:۳۰ بجې د پنجاب په کورني لوبغالي کې ترسره شي.
د فاریاب دولتاباد ولسوالي کې محلي سرچینې وايي چې په دغه ولسوالي کې د درېوو بېلابېلو ټرافیکو پېښو له امله یو کس مړ او دوه ماشومان ټپیان شوي دي.
د ننګرهار امنیتي مسوولان وايي چې دغه ولایت کې ناپېژنده وسلهوالو یو ځوان په ډزو ویشتلی او وژلی یې دی.
د ننګرهار د امنیې قومنداني ویاند عبدالبصیر زابلی وايي، د یاد ولايت د لعلپورې ولسوالي په «کرداوي» کلي کې د سیدشاه په نوم يو ځوان بېګاه شپه د ناپېژنده وسلهوالو له لوري وژل شوی دی.
د غزني امنیتي مسوولان وايي چې دغه ولایت کې د لامبو وهلو پر مهال یو ځوان اوبو ډوب کړی او مړ شوی دی.
د میدانوردګ د مرکزي بهسودو ولسوالي اوسېدونکي یاده ولسوالي کې د ښځینه متخصصو ډاکټرانو او درملو کمښت څخه د اندېښنې په څرګندونو سره وايي چې دې چارې خلک له ګڼو ستونزو سره مخ کړي دي. دوی زیاتوي چې لرو پرتو ولسوالیو کې د پخوا په پرتله د ښځینه ډاکترانو او درملو کمښت ستونزه دوه برابره شوې
فاریاب کې سرچینې سلاموطندار ته وايي چې دغه ولایت کې یوې ۵۶کلنې ښځې ځانوژنه کړې ده. سرچینې زیاتوي چې پېښه د دغه ولایت قرغان ولسوالي اړوند سیمه کې رامنځته شوې ده. سرچینې همداراز ویلي چې یاده مېرمن سلطانه نومېده او پرون پنجشنبه د غويي اوومه د قرغان ولسوالي اړوند «باغوبوستان» کلي یې ځانوژنه کړې او ژوند ته یې د پای ټکی ایښی دی.
د کاپیسا د امنیې قومانداني مسوولان وايي، یوې ښځې د دغه ولایت په مرکز کې ځان را ځړولی او خپل ژوند ته یې د پای ټکی ايښی دی.
د عامې روغتیا وزارت مسوولان وايي، ټاکل شوې له دې وروسته د روغتیایي سکټور د پیاوړتیا، پر ځان بسیاینې او معیاري کېدو په موخه دولتي روغتونونو کې هم له ناروغانو څخه څهناڅه پیسې واخیستل شي. خو یوشمېر هېوادوال چې د ناروغۍ د درملنې پر مهال یې ټوله تکیه پر دولتي روغتونونو ده او د فیس ورکولو وسه نه لري، شکایت کوي چې که عامې روغتیا وزارت خپلې تازه پرېکړې عملي کړې، د دوی اقتصادي ستونزې به لا زیاتې کړي.
رویټرز خبري اژانس راپور ورکړی چې راتلونکې اوونۍ قطر کې د افغانستان وضعیت په اړه د ملګروملتونو د غونډې له جوړېدو مخکې، د امنیت شورا نن پنجشنبه د غويي اوومه پر ښځو د ا.ا محدودیت په اړه د پرېکړهلیک مسوده رایې اچوونې ته وړاندې کوي. د دغه پرېکړهلیک مسوده د متحده عربي اماراتو او جاپان لهخوا چمتو شوې ده.
د هرات ښار یوشمېر اوسېدونکي دغه ښار کې د کارګرو ماشومانو د شمېر زیاتېدو په اړه د اندېښنې ترڅنګ وايي چې هرات ښار کې ګڼشمېر ماشومان پر درنو کارونو او د «کباړ» پر راټولولو بوخت دي. یوشمېر دغه کارګر ماشومان بیا وايي، د اقتصادي ستونزو او بېوزلي له امله اړ دي چې درانه کارونه وکړي.
د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.
د روزګان د امنیې قومنداني ویاند مولوي سعدالله ذاهد سلاموطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمانخانه» کې پیدا کړی دی.
د پوهنې وزارت سرپرست وايي چې هېواد کې د دیني مدرسو او ښوونځیو ترمنځ واټن لهمنځه تللی دی.
د پوهنې وزارت سرپرست مولوي حبیبالله نن پنجشنبه د غويي اوومه هلمند ته د سفر پر مهال ویلي چې هېواد کې د دیني مدرسو او ښوونځیو ترمنځ واټن لهمنځه تللی او زدهکوونکي په امن فضا کې خپلې زدهکړې کوي.
د کندهار محلي مسوولان وايي چې دغه ولایت کې د یوې ټرافیکي پېښې پرمهال شپږ کسان مړه او ۱۸ نور ټپیان شوي دي.
پېښه نن پنجشنبه سهار د «غويي اوومه» د کندهار-کابل پر لویه لاره د یوه «بس موټر» د چپهکېدو له امله رامنځته شوې ده.
د نوموړي په وینا، په ټپیانو کې د دوو روغتیايي وضعیت د اندېښنې وړ ښودل شوی دی.
د هند د کرېکټ غوره لیګ یا ایپياېل سیالیو په لړ کې نن پنجشنبه د اپرېل ۲۷مه چینای سوپر کنګز له راجستان رویلز سره لوبه کوي.
ټاکل شوې چې دغه سیالي نن ماښام ۶:۳۰ بجې د جېپور «ساوای منسنګ» لوبغالي کې ترسره شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
