افغانستان کې د ملګروملتونو د مرستو همغږې کوونکې اداره (اوچا) وايي چې اروپايي ټولنې د دغه سازمان بشردوستانه صندوق سره درې میلیونه یورو مرسته کړې ده. د اوچا په وینا، دا مهال افغانستان کې نږدې ۲۰ میلیونه وګړي له لوږې سره مخ دي او شاوخوا شپږ میلیونه افغانان بیا له قحطۍ یو ګام لرې دي.
د روزګان امنیتي مسوولان وايي چې د دغه ولایت مرکز ترینکوټ ښار اړوند سیمه کې پرون دوشنبه د وري ۲۸مه د یوې ښځې جسد موندل شوی دی. د یاد ولایت د امنیتي مسوولانو په وینا، دغه ښځې په ډزو وژل شوې او جسد یې د ترینکوټ ښار اړوند د «پیروشي» نومې سیمه کې پیدا شوی دی.
د هند کرېکټ غوره لیګ یا ایپياېل سیالیو په لړ کې نن سنرایزر حیدراباد له ممبی انډیینز سره لوبه کوي.
ټاکل شوې چې دغه سیالي نن ماښام ۶:۳۰ بجې د حیدراباد راجېف ګاندي نړیوال لوبغالي کې ترسره شي.
د بهرنیو چارو وزارت مسوولان وايي چې د یاد وزارت سرپرست امیرخان متقي د پاکستان د بهرنیو چارو وزیر بلاول بوټو زرداري سره ټيلیفوني خبرې کړي او دغه هېواد کې د افغان بندیانو د خوشېکېدو غوښتنه یې کړې ده.
د وینې ملي بانک مسوولانو نن دوشنبه د وري ۲۷مه کابل کې د عامې روغتیا وزارت له لوري د «هموفیلي» ناروغۍ نړیوالې ورځې په اړه جوړې شوې غونډې ته وویل چې پر دې ناروغۍ څه باندې ۳۰۰۰ کسان اخته شوي دي.
د سیمې هېوادونو سره د اسلامي امارت د ډيپلوماټیکو اړیکو پراختیا لپاره د هڅو پر دوام، د ا.ا د ویاند مرستیال بلال کریمي سلاموطندار ته وايي، د اوسني حکومت بهرنیو چارو وزارت سره د مخکیني حکومت د ډيپلوماټانو د فعالیت او همغږۍ ترڅنګ، ا.ا تراوسه د سیمې تر لسو زیاتو هېوادونو ته نوي ډيپلوماټان او سفیران لېږلې دي.
کابل ښار کې د «افغانرګ غالیو اوبدلو» تر نوم لاندې کارخونه کې شاوخوا ۲۰۰ نجونې او ښځې د غالیو اوبدلو او نورو برخو کې پر کار بوختې دي.
یوشمېر دغه مېرمنې سلاموطندار ته وايي چې له خپل کار خوښې دي. صنوبر چې دغه کارخونه کې له وړیو تار اوبدي، وايي، کلونه کېږي چې دغه کار کوي او په وینا یې، له خپل راضي ده.
د هلمند د نوې رامنځته شوې بهرامچې ولسوالي اوسېدونکي شکایت کوي چې روغتیايي، ښوونیزو او نورو لومړنیو خدمتونو ته لاسرسی نهلري.
د یادې ولسوالي اوسېدونکي زیاتوي چې د ژوند له لومړنیو اړتیاوو بېبرخې دي او له حکومت او مرستندویه بنسټونو غواړي چې ستونزو ته یې رسېدنه وکړي.
د لوګر د مرکزي روغتون مسوولان وایي چې پرون یکشنبه د وري ۲۶مه په «نائب امینالله خان لوګري» روغتون کې یوې مور څلور ماشومان زېږولي دي.
د لوګر د مرکزي روغتون رییس ډاکتر صدیقالله سلاموطندار ته ویلي چې د برهکي برک ولسوالي د شاه مزار سیمې یوې مور په یو ځل څلور ماشومان زېږولي دي.
د ملګروملتونو د بشري مرستو همغږې کوونکې ادارې (اوچا) افغانستان کې د قحطۍ پېښېدو په اړه خبرداری ورکړی دی.
اوچا پرون یکشنبه د وري ۲۷مه په دې اړه پر خپله ټوېټرپاڼه لیکلي، داسې حال کې چې مالي سرچینې د وچېدو په حال کې دي، د دې شونتیا شته چې دغه هېواد د قحطۍ له داسې ګواښ سره مخ شي چې تېرو ۲۵ کلونو کې به یې ساری نه وي.
کابل کې د یوشمېر خصوصي ښوونځیو مسوولان وايي چې د زدهکوونکو د شمېر کمېدو او اقتصادي ستونزو له کبله اړ شوي چې خپل ښوونځي وتړي.
له تېرو نږدې دوو اوونیو راهیسې افغانستان کې د ملګروملتونو په دفترونو کې د ښځو کار مخنیوي له امله د ا.ا او ملګروملتونو ترمنځ اختلافات لامل شوي چې هېواد کې د یاد سازمان د فعالیتونو ځنډېدو په اړه اندېښنې ډېرې شي. دا داسې مهال دی چې د عامې روغتیا وزارت یوازې ۳ سلنه روغتیايي خدمات هېوادوالو ته وړاندې کوي.
له کلونو راهیسې د افغانانو ترمنځ په خپلسري توګه د درملو خوړل او کارونه پر یوه دود بدله شوې چې ډېری خلک پرته له دې چې درمل وپېژني، له بېلابېلو ډولونو یې استفاده کوي. په خپلسري توګه د درملو کارونه ډېر خطرونه لري او کله ناکله هغه ناروغ چې درملنه یې شونې وي، له ستونزو سره مخ کوي.
د هند کرېکټ غوره لیګ سیالیو په لړ کې نن ورځ او شپه دوه لوبې کېږي چې کلکته نایټراډرز له ممبی انډیینز او ګوجرات ټایټنز له راجستان رویلز سره سیالي کوي.
د روزګان محلي مسوولان وايي چې دغه ولایت کې یو درې کلن ماشوم د اوبو ژورې څاه ته لوېدلی او د ژغورنې هڅې یې روانې دي.
د روزګان د امنیې قومنداني د امنیت امر مولوي امین وايي چې دغه ماشوم د اوبو ژورې ۱۰۰ مټره څاه ته لوېدلی دی.
د بدخشان محلي مسوولان وايي، د دغه ولایت د مرکز فیضاباد ښار اړوند سیمه کې یوه ۲۵کلن ځوان ځانوژنه کړې ده.
د بدخشان د اطلاعاتو او فرهنګ رییس معزالدین احمدي وايي، د فیضاباد اړوند نوي ښار سیمه کې نن یکشنبه د وري ۲۷مه د احمدخالد په نوم کس د کورنیو ستونزو له کبله ځان زړولی او ژوند ته یې د پای ټکی ايښی دی. د نوموړي په وینا، دغه کس د پرزو د پلور هټۍ لرله او یوه اوونۍ وړاندې له خپلې مېرمنې جدا شوی و.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
