افغانستان کې د ملګروملتونو د مرستو همغږې کوونکې اداره (اوچا) وايي چې اروپايي ټولنې د دغه سازمان بشردوستانه صندوق سره درې میلیونه یورو مرسته کړې ده.
اوچا نن سهشنبه د وري ۲۹مه پر خپله ټوېټرپاڼه د یادې مرستې له کبله له اروپايي ټولنې د مننې ترڅنګ ویلي چې دغه راز ملاتړ کولای چې بشردوسانه شریکان افغانستان کې اړمنو او زیانمنونکو وګړو ته حیاتي مرستې پر وخت ورسوي.
د ملګروملتونو د مرستو همغږې کوونکې ادارې اوچا په روان اپرېل میاشت کې خبرداری ورکړی و، که افغانستان کې د بشردوستانه مرستو رسولو پلان پليکېدو لپاره غوښتل شوې بودیجه برابره نهشي، میلیونونه کسان به له ستر ناورین او کمسارې قحطۍ سره مخ شي.
اوچا د روانې اوونۍ د یکشنبې پر ورځ د وري ۲۷مه پر خپله ټوېټرپاڼه لیکلي، په داسې حال کې چې مالي سرچینې د وچېدو په حال کې دي، د دې شونتیا شته چې دغه هېواد د قحطۍ له داسې ګواښ سره مخ شي چې تېرو ۲۵ کلونو کې به یې ساری نه لیدل کېږي.
Thank you 🙏@eu_echo 🇪🇺
For your generous contribution of EUR 3 million (US$ 3.2 million) to the #Afghanistan Humanitarian Fund (AHF) in 2022.
Your support helped humanitarian partners to reach to most vulnerable people with lifesaving assistance in Afghanistan. https://t.co/7idSVRlRcM pic.twitter.com/RgYfbeR1vx
— OCHA Afghanistan (@OCHAAfg) April 18, 2023
د اوچا په وینا، دا مهال افغانستان کې نږدې ۲۰ میلیونه وګړي له لوږې سره مخ دي او شاوخوا شپږ میلیونه افغانان بیا له قحطۍ یو ګام لرې دي.
سلاموطندار پر ټویټر هم وڅارئ
په همدې حال کې دغې ادارې زیاته کړې چې د روان میلادي کال تر پایه افغانستان کې د بشري مرستو رسولو پلان پليکېدو لپاره له غوښتل شویو ۴،۶ میلیارډ ډالرو څخه تراوسه ۲۵۰ میلیونه ډالر راټول شوي دي.