د غزني امنیتي مسوولان وايي چې دغه ولایت کې د لامبو وهلو پر مهال یو ځوان اوبو ډوب کړی او مړ شوی دی.
د یاد ولایت د امنیتي مسوولانو په وینا، د اندړ ولسوالي «سردې» بند کې د عبدالحی په نوم ځوان پرون پنجشنبه د غويي اوومه د لامبو وهلو پر مهال اوبو ډوب کړی او خپل ژوند یې له لاسه ورکړی دی.
د یاد ځوان جسد نن جمعه له غرمې مخکې د ا.ا ځواکونو او د سیمې خلکو په مرسته له اوبو رااېستل شوی دی.
دغه ځوان داسې مهال د سردې بند کې اوبو ډوب کړی چې له دې وړاندې هم یاد بند کې د لامبو وهلو پر مهال ځینې کسانو خپل ژوند له لاسه ورکړی دی.
د سلاموطندار پښتو فېسبوکپاڼه وڅارئ
د غزني سردې بند د یاد ولایت په اندړ ولسوالي کې موقعیت لري چې د اختر او نورو ورځو پر مهال ګڼشمېر خلک د تفریحې لپاره ورځي.
