د ا.ا مشر هبت.الله اخوند.زاده د کندهار له یوشمېر قومي مشرانو، دیني عالمانو او سوداګرو سره په لیدنه کې ویلي چې د کانونو زېرمو په را اېستلو سره به افغانستان په یوه پرمختللي اقتصادي هېواد بدل شي.
د هلمند محلي مسوولان وايي چې د دغه ولایت په کجکي او بغني ولسوالیو کې د اورښتونو له امله څلور کسان مړه شوې دي.
د یادو ولسوالیو خلکو ته د شویو اورښتونو له کبله پراخ مالي زیانونه هم اوښتي دي. د مسوولانو په وینا، اورښتونه پرون پنجشنبه، وري ۳۰مه پیل شوې دي.
د بهرنیو چارو وزارت په پاکستان کې د راوتلیو سېلابونو او د اوښتو مالي او ځاني زیانونو له امله دغه هېواد ته خپله ژوره خواخوږي څرګنده کړې ده.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې ا.ا د یادو سېلابونو له امله زیانمنو شویو کورنیو په ځانګړې توګه د قربانیانو کورنیو او د دغه هېواد حکومت ته د تسلیت مراتب وړاندې کوي.
خوست کې د خوړو او درملو امریت مسوولان وايي، دغه ولایت کې یې، هغه ۱۳۵۰ کارټنه تاريخ تیري خوراکي توکي نيولي چې د نېټې د نويکېدو او بېرته یې د بستهبندۍ هڅه کېدله.
د لوګر پوهنې ریاست چارواکي وایي چې د دغه ولایت د ازرې ولسوالي د «موسیخان» ښوونځي ودانۍ تېره شپه د سېلاب راوتلو له امله ویجاړه شوې.
د دغه ولایت پوهنې ریاست ویاند شاهپور عرب سلاموطندار ته وویل چې یاد ښوونځي ته د سختو اورښتونو له امله اوبه ورغلي او د ښوونځي ډېری درسي خونو ته زیان اوښتی دی.
د پاکستان پوځ ادعا کړې چې له افغانستان سره د ډیورنډ فرضي کرښې ته څېرمه اووه وسلهوال چې غوښتل یې دغه هېواد ته ننوځي، د سرحدي ځواکونو لهخوا پیژندل شوي او پر وړاندې یې سمدستي اقدام شوی دی.
سلاموطندار له ښوونځیو او پوهنتونونو څخه له راګرځول شویو ۳۰ نجونو سره د مرکو پرمهال موندلې چې د یادو نجونو ترمنځ د «کتاب لوستلو» انګېزه د پام وړ کمه شوې.
د مرکو پرمهال ۱۷ نجونو ویلي چې له ښوونځیو او پوهنتونونو څخه تر راګرځولو وروسته یې د کتاب لوستلو ته انګېزه نهلري او له کتابونو سره یې مخه ښه کړې.
هرات کې د نسايي-ولادي برخې یوشمېر ډاکټرانې وايي، د دغه ولایت د لروپرتو سیمو په مېرمنو او نجونو کې د «تخمدان کیست» ناروغي د پام وړ پراخه شوې. په ورته مهال هرات کې یوشمېر کلیوالي مېرمنې سلاموطندار ته وايي، د میاشتنۍ ناروغۍ پرمهال له طبي وسایلو استفاده د کورنیو د دودونو او باورونو له امله ممنوع ده.
د افغانستان بانک مسوولان وايي چې راتلونکې «شنبه، غویي لومړۍ نېټه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (پنجشنبه، د وري ۳۰مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۶» میلیونه امریکايي ډالر لیلام کړي.
د لوګر مرکز پلعلم ښار اړوند په «شهیدانو تپه» کې د دغه ولایت ولایتي چارواکو او ولسي وګړو له لوري د نیالګيو کېنولو عمومي حشر شوی.
پېښو ته د رسېدو په چارو کې د دولت وزارت مسوولانو کابل کې د یوشمېر بنسټونو او نړیوالو مرستندویه موسسو له استازیو سره په لیدنه کې له یادو بنسټونو غوښتي چې هېواد کې د وروستیو سیلابونو او بارانونو له امله زیانمنو شویو کورنیو سره د مرستو په رسولو کې همکاري وکړي.
د غزني امنیې قومنداني مسوولان وايي، دغه ولایت کې یې هغه مېرمن د خاوند له بند ازاده کړې چې ۱۲کاله یې یوې کوټه کې بندي ساتله.
د یاد ولایت د امنیې قومنداني ویاند خالد سرحدي سلاموطندار ته وايي چې دغه مېرمن د اندړ ولسوالي د «نظروال» کلي په یوه کور کې د خاوند له لوري بندي شوې وه. سرحدي همداراز وویل چې د یادې مېرمنې خاوند، له دویم واده وروسته، دغه مېرمن بندي کړې وه.
پکتیا کې یوشمېر هغه کورنۍ چې د وروستیو اورښتونو له امله زیانمنې شوي، وايي، بېړنیو مرستو ته اړتیا لري.
د وزې ځدراڼ ولسوالي د منډکخېلو کلي اوسېدونکی شيخ محمد سلاموطندار ته وايي، د اورښتونو له امله د «تره د زوی پر کور» یې غر ښویېدلی چې له امله یې، د «تره زوی په ګډون د هغه څلور اولادونو» هم خپل ژوند له لاسه ورکړی دی.
د ژوند ژغورنې ملي غورځنګ مسوولان وايي، د وینې ورکوونکو او وینې ته د اړتیا لرونکو ترمنځ د همغږۍ رامنځته کولو لپاره د وینې ورکولو کمپاین یې د ۱۵ رضاکاره ځوانانو په نوښت پیل کړی دی. ده زیاته کړه چې هر ولایت کې د هغو ناروغانو لپاره چې وینې ته اړتیا لري، د ورځې ۵زره سيسي وینې برابرولی شي.
د ریاستالوزرا اقتصادي مرستیال ملا عبدالغني برادر هلمند ته د خپل سفر پرمهال له کجکي بند څخه لیدنه کړې او د یاد بند د پروژې مسوولانو ته یې سپارښتنې کړې دي.
د ریاستالوزرا اقتصادي معاونیت نن سهشنبه، وري ۲۸مه پر خپله اېکسپاڼه لیکلي چې برادر د کجکي بند پروژه مهمه وبلله او مسوولانو څخه یې مننه وکړه چې دغه پروژه کې یې نوښتونه کړي دي.
د لوګر کرنې، اوبولګولو او مالدارۍ ریاست مسوولان وایي چې د تېرو درېوو ورځو پرلهپسې اورښتونو او سېلابونو له امله د دغه ولایت په مرکز پلعلم او ولسوالیو کې شاوخوا ۳۰۰ جریبه کرنیز فصلونه سېلابونو لهمنځه وړي دي. شاهد زیاته کړه چې په مرکز پلعلم او ازرې ولسوالیو کې لسګونه هستوګنیز کورونه، پلونه او پلچکونه هم سېلابونو نړولي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
