په شمالي ولایتونو (سرپل، فاریاب، جوزجان او بلخ) کې د جګړې له امله یوشمېر بېځایه شوې کورنۍ چې په مزارشریف ښار کې په کمپ/یونټ کې ژوند کوي، سلاموطندار ته وایي چې د خوړو نهشتوالي، لوږې او بېوزلۍ او د بېلابېلو ناروغیو د خورېدو له امله اړ شوي چې خپل ماشومان او پښتورګي وپلوري، خو د ديني علماوو په منځګړیتوب او د يوې خيريه موسسې په مرسته یې مخه نیول شوې ده.
د افغانستان مشهور جراح او د ټکواندو فدراسیون مشر ډاکټر نجیبالله سکندر د تښتوونکو له منګولو وژغورل شو او تښتوونکي د اسلامي امارت د ځواکونو له نیول شوي دي.
د ننګرهار د ټرافیکو مدیریت د موټرونو د تنظیم لپاره ۱۰۲ کارکوونکي لري خو ۷ میاشتې وشوې، چې معاش او ۱۰ میاشتې وشوې چې «بدل اعاشه» یې نه دي اخیستي.
په ننګرهار کې د دوست په نوم د یوې سیمهییزې راډیو مسوول سهار سیرت د کورنۍ غړي وایي چې سیرت د تېرې پنجشنبې په ورځ کابل کې نادرکه شوی، خو د یوې اونۍ په تېرېدو سره لا هم د هغه په اړه معلومات نشته.
جوزجان د هېواد په شمال کې یو له هغو ولایتونو څخه دی چې د نارینهوو ترڅنګ ښځې هم پهکې کوچنۍ او لویې پانګونې کوي او د خپلو کورنیو د ملاتړ لپاره کاري فرصتونه رامنځته کوي.
د غور ولايت د لعل او سرجنګل ولسواليو يو شمېر اوسېدونکي وايي چې د وروستيو واورو ورېدو له امله د دغو ولسوالیو ډېرى لارې د خلکو پر مخ تړل شوې او نه شي کولى خپل ناروغان د ولسوالۍ مرکز او ګاونډيو ولايتونو لکه دایکندي او بامیان ته ورسوي.
د جنورۍ څلورمه نېټه د ړندو کسانو لپاره د برېل کرښې نړیواله ورځ ده. نن د بلخ په مرکز مزارشريف ښار کې د يوشمېر ړندو کسانو په حضور کې د دې ورځې نمانځنه وشوه. د بلخ يوشمېر نابینایان وايي چې په تېرو څو مياشتو کې د افغانستان وضعيت د دوی لپاره ګڼې ننګونې رامنځته کړي او دوی له زیاتو ستونزو سره مخ دي.
د غور فرهنګي مسوولانو نن په یوې خبرپاڼه کې چې د دغه ولايت د استخباراتو رياست لهخوا خپره شوې، ویلي چې د اسلامي امارت ځواكونو د یاد ولايت په مرکز فيروزکوه ښار كې څلور کسان د سرو زرو كان د كيندلو په تور نيولي دي. د غور ولايت د اطلاعاتو او فرهنګ رييس عبدالحى زعيم ویلي، نيول شوي کسان دا مهال تر پوښتنو لاندې دي.
د دایکندي محلي مسوولان وايي، نن مازدیګر شاوخوا ۴ بجې د ګېزاب ولسوالي په کنډوګک سیمه کې یو موټر د یخ له امله له سړک څخه اوښتی او د هلمند سیند ته لوېدلی دی چې له کبله یې څلور ښځې مړې شوې دي.
د هرات ولایت یوشمېر اوسېدونکي په دغه ولایت کې د ناامنیو او جنايي جرمونو د پېښو له ډېروالي اندېښنه څرګندوي. دوی وايي چې هرات کې په وروستیو دوو میاشتو کې د جنايي جرمونو په ځانګړې توګه د وسلهوالو غلاوو او انسان تښتونې پېښې ډېرې شوې دي.
د لومړي ځل لپاره د جوزجان مرکز شبرغان ښار کې د اکسیجن او نایتروجن د تولید کارخونې په فعالیت پیل کړی. دا کارخونې په ۲۴ ساعتونو کې د ۶۰۰ بالونه اکسیجن او نایتروجن د تولید ظرفیت لري.
له بېګاه راهیسې سختې واورې او توپان د غور، بامیان او دایکندي ولایتونو د ولسوالیو لویې لارې د خلکو پر مخ تړلې دي. د بایند پر لاره چې د غور شپږ لوېدیځې ولسوالۍ سره نښلوي، بند پاتې یوشمېر مسافر وايي، د بېګانۍ سختې واورې او توپان له امله د ماشومانو او ښځو په ګډون تر ۴۰ ډېر مسافر په دغه لاره بند پاتې دي.
د بدخشان ولایت د راغستان ولسوالي سیمهییز مسوولان تاییدوي چې په دې ولسوالي کې د واورې ښویېدو په پېښه کې پنځه تنه کانکېندونکي مړه شوي دي.
د عامې ورغتیا وزارت مسوولان وایي، د کوېډ۱۹ویروس د نوي بڼې یا اومېکرون د تشخیص لپاره امکانات نه لري.
د پکتيا د څمکنيو ولسوالۍ د شهيد فضلالرحمان روغتون، چې د پټان، جانيخيلو، لجهمنګل، احمدخېلو او ميرزکې ولسوالیو ناروغان هم ورځي، د اړینو روغتیايي اسانتیاوو نشتون سره مخ دی.
د برښنا شرکت مسوولان وايي، په ازبکستان کې د تخنیکي ستونزو له امله افغانستان ته له دغه هېواد څخه د وارداتي برښنا کچه ۵۰ سلنه راکمه شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
